আবোওয়াঃ ওয়েব পেজ- বার বার দাবী দহ কাতেহঁ রেল টেশন করে এনহঁ বাংলা,হিন্দী,ইংরেজী লেকা সমান সমান অলচিকিতে বাং অল লেনা। বাডায় আকানা ভারত জাকাত মাঝি পারগানা মহলাঃ দাবী লেকাতে দৗখিন-পুরুব রেল টেশন করেনাঃ ঞুতুম এনেগে সান্তাড়ি পৗরসি অলচিকিতে অল এহব গৎ লেনা। মেনখান মিৎ বার হড়াঃ মেৎরে অলচিকিতে অল ঞেল কাতে রৗস্কৗ সদর লেন রেহঁ অনাগে তায়ম তায়মতে শোস্যাল মিডিয়া রে রড় দারাম রেনাঃ ভান্ড রাকাপ্ এনা। বাডায় আকানা অলচিকিতে অল কদ হুডিঞ হুডিঞ গেয়া, সাঁগিন খন বাং উরুমঃ কানা আর আয়মা জায়গারে বানান কো ভুল মেনাঃ মেন্তেহঁ অভিযোগ রাকাব্ আকানা।
অনালেকাতে ভারত জাকাত মাঝি পারগানা মহল আরহঁ দড়হাতে আদ্রা ডিভিশন
ডি.আর.এম. ঠেন নোওয়া অভিযোগ দৗখিল লেনরে ডি.আর.এম. আশ্বাস এ এম কেদা বাংমা অনাকো জায়গারে
আরহঁ দড়হাতে অলগঃআ। মেনখান মেন কাতে রেহঁ শালবনী টেশন রেনাঃ অলচিকিতে অল মাড়াং অল খনা
মারাং এন রেহঁ বাংলা,হিন্দী, ইংরেজীতে অল লেকাদ বাং সমান লেনা। আর অনা তেগে আরহঁ অভিযোগ
রাকাব্ এহব আকানা। আয়মা হড় আরহঁ নংকা অল ঞেল কাতে সান্তাড় পৗরশি অলচিকি সাঁওতে সান্তাড়
জৗতিয়াঃ অপমান হোয়োঃ কানা মেন্তেহঁ অভিযোগ ক রাকাব আকাদা। আয়মা হড়াঃ অভিযোগ অলচিকিতে
অল লৗগিৎ সৗরিগে রেল দপ্তরাঃ জায়গা বাং কুলাঃ কানা ? সে নিছক সান্তাড়ি পৗরশি কান খৗতির
নুনৗ অনহেঁড়া ?
.webp)
.webp)
