আবোওয়াঃ ওয়েব পেজ- বাংলাদেশ রাজশাহী তানোর রেনাঃ
মুন্ডুমালা গির্জারে মিৎ আদিবাসী কুড়ি গিদৗর চেতান ভরম নাশাও রেনাঃ অভিযোগ ফাদার প্রদীপ
গ্রেগরীয়া আঃ ঞুতুম রাকাব্ হেচ্ এনা। বাডায় আকানা বাংমা ফাদার উনি কুড়ি গিদৗর ২৬-২৮ সেপ্টেম্বর পে মাহা
গির্জারে আটক দহ কাতে ভরম এ নাশাও আকাত তায়া মেন্তে বাডায় আকানা।
অনালেকাতে বাংলাদেশ আদিবাসী পৗঠুওয়াঃ গাঁওতা হলা ১অক্টোবর রাজশাহী
সাহেব বাজার প্রেসক্লাব সামাংরে মাওনোয়ৗরি তপল কৗমি হরা কো সৗখি সভা কেদা।
নোওয়া মাওনোয়ৗরি তপল রে আদিবাসী পৗঠুওয়াঃ গাঁওতা তালমা কুমুট
রেন সভাগমকে নকুল পাহান আঃ সভা চাচালাওতে বাঁখেড় ক দহ লেদা আদিবাসী পৗঠুওয়াঃ গাঁওতা
তালমা কুমুট রেন সেক্রেটারী তরুন মুন্ডা, রাজশাহী কলেজ কুমুট রেন সভাপতি সাবিত্রী হেম্ব্রম
আর দিলীপ পাহান এমান।
অনা বেগর আরহঁ বাঁখেড় কো দহ লেদা জৗতিয়ৗরী আদিবাসী গাঁওতা তালমা
কুমুট রেন জগ-সুৎরেৎ গনেশ মার্ডি, গাঁওতা সুৎরেৎ বিমল রাজোয়াড়,দপ্তর সুৎরেৎ সুভাষ চন্দ্র
হেম্ব্রম,রাজশাহী জেলা কুমুট রেন সুৎরেৎ সুষেন কুমার শ্যাম দুওয়ার, গোদাবাড়ী উপজেলা
কুমুটরেন সভাপতি রবীন্দ্রনাথ হেম্ব্রম এমান।
সানাম গে আকোওয়াঃ বাঁখেড় তালাতে ফাদার প্রদীপ গ্রেগরীয়া আঃ
কাডরৗই শাসেৎ ঞাম রেনাঃ দাবীক দহ আকাদা। অনা সাঁওতে মুন্ডুমালা হাই স্কুল রেন মুড়ুৎ
মাচেৎ কমেল মার্ডিয়াঃ হঁ যথাৎ শাসেৎ ঞাম রেনাঃ দাবীক রাকাব্ আকাদা। চেদাসে উনিয়াঃ
গড়ঃ তেগে কাথায় ফাদার প্রদীপ গ্রেগরীদ অনা ঘটন জায়গা খনে চম্পট দৗড় আকাদা। আরহঁ বাডায়
আকানা বাংমা উনি নোওয়া ইদিকাতেৎ এড়ে নাসে বিচৗর কাতে ঘটনাতেৎ দাপাল দহ রেনাঃ এ রিকৗওয়াকাদা।
বাঁখেড়িয়ৗ কো উনি ভরম নাশাও অচ আকান কুড়ি গিদৗর সাঁওতে আকো
ঘাঁরঞ্জ রেনাঃ নিরাপত্তা রেনাহঁ দাবী হঁক দহ আকাদা মেন্তে বাডায় আকানা।
.webp)
.webp)
