আবোওয়াঃ ওয়েব পেজ- নেশ ঞেল আকানা আয়মা জায়গারে আয়মা গাঁওতাগে হুদুড় দুর্গা মেড় বেনাও কাতে উনুইহৗর আখড়া কো সাপ্ড়াও লেদা। আর অনা ঞেল তেগে হুদুড় দুর্গা লৗইতে রাপাচাঃ রেনাঃ ভান্ডো রাকাব্ এনা সোশ্যাল মিডিয়ারে।
অকারেদ হুদুড় দুর্গা আঃ ছবি আতে আর অকারেদ মেড় বেনাও কাতে উনুইহৗর আখড়া কো মানাও কেদা। আর অনা লেকাতেগে কাথা রাকাব্ আকানা ১) হুদুড় দুর্গা আঃ ফটো/চিতৗর সে মেড়(মুর্ত্তি) অকাটা ঠিক আ ? তেলারে বাডায় আকানা অকয় দক সদর আকাদা বানার গে ঠিক, অকয় কদক লৗই এদা ফটো/চিতৗর ঠিক, আরহঁ আদম কদ ক লৗ ই এদা বাং সমালোচনা কাতে বরং আপেহঁ মানাও পে, আর আদম কদ ক লৗই আকাদা মেড় (মুর্ত্তি) বেনাও কাতে হিন্দু ধরম রেনাঃ রায়-রীত গে মানাও হোয়োঃ কানা, আরহঁ আদম কদক লৗই আকাদা বাংমা হুডুড় দুর্গা লৗইতে সুঠিক বাং বাডায় কাতে নংকান উনুইহৗর আখড়া মানাও উচিৎ গে বাং কানা।
আরহঁ কাথা রাকাব আকানা বাংমা হুদুড় দুর্গা দ অকা রেন রাজায় তাঁহেকানা ? অকা জখেজ রেন রাজ এ তাঁহেকানা ? এহব তেলাগে ঞাম আকানা বিশ্বাসে মিলায় বস্তু, তর্কে বহুদূর,অকয় দক লৗই এদা উন অক্ত রেনাঃ সাল এমঃ আঝাট গেয়া। অকয় দক লৗই এদা নোওয়াদ পুরাণ কৗহ্নি কানা অনাতে সাল আয়-উমৗন মুশকিল কানা। এমান এমান নংকাগে সোশ্যাল মিডিয়ারে আয়মা হড় আয়মা লেকান কাথা কো রড় আকাদ্ রেহঁ যথাৎ তেলাদ বাং ঞেল আকানা।
নঁতে হুদুড় দুর্গা উনুইহৗর আখড়া করেহঁ হুদুড় দুর্গা লৗইতে গালচ্ আখড়া কো দহলেদা বাংমা- হুদুড় দুর্গা অকয় কানায়, দাঁসায় চেদাঃ ক এনেজা ? নংকান কুক্লি রেনাঃ তেলা আঁজম লৗগিৎ আয়মা ঞেঞেলিয়ৗ কো সেটের লেন রেহঁ অকারেগে নোওয়াকো রেনাঃ যথাৎ তেলা বাংকো ঞাম আকাৎ তেগে আয়মা হড় সোশ্যাল মিডিয়া রে আকোওয়াঃ বাডায় সানা কাথাকো সাব্ আকাদা।
মিৎ হড় আর মিৎ হড়ে কুলিয়ে কানা- গমকে,হুদুড় দুর্গা দ অকয় কানায়? তেলারে মানতান গমকেয় লৗই আয় কানা-সান্তাড় হুয় কাতে হুদুড় দুর্গা অকয় কানায় বাম বাডায়া ? আরহঁ দহড়ায় কুলি কেদেয়া-বাঞ বাডায় তেগে তঞ কুলি জং কানা। তেলা রুওয়ৗড় এনা- বাম বাডায় খান থির কঃমে?
ঞেল আকানা আয়মা জায়গারেগে নঃঅয় নংকা তেলা এপেম চালাঃ কানা। মেনখান বাডায় কাঃ লৗক্তি কানা- বাং বাডায় বিষয়, বাডায় সানা কৗই দ বাং কানা।
আয়মা হড়াঃ কাথা লেকাতে আরহঁ বাডায় আকানা বাংমা নুনৗ নুনৗ দাঁসায় সেরেঞ মেনাঃ আকাৎ রেহঁ, সে ধরম বিন্তী বাঁখেড়, অড়হেঁ অকারেহঁ হুদুড় দুর্গা আঃ কাথা বাং ঞাম আকানা।
নঁতে আরহঁ নিৎ আয়মা হড়াঃ কুক্লি রাকাব হিজুঃ কানা- হুদুড় দুর্গা আদিবাসী অসুর গাঁতাত্ রেন রাজায় তাঁহে লেনখান, অসুর গাঁতাত্ রেন হড় সিধু-কানু কো উরুম কিনৗ তো ? তেলাদ জৗনিচ্- বাং। অনকাগে আদিবাসী অসুর গাঁতাত্ রেন হড় সিধু-কানু ঞুতুমতে ৩০ শা জুন ‘হুল মাহা’ মানাও আখড়া তিনাঃকো সাপ্ড়াওয়া ? তেলাদ জৗনিচ্- মিৎ টাং হঁ বাং। এনখান বাডায়ঃ কানা- তেহেঞ অকারেনাঃ দাঃ অকারে দুলঃ কানা।
নঁতে আরহঁ হুদুড় দুর্গা উনুইহৗর আখড়ারে আয়মা রাজনীতি রেন নেতা, পেড়া লেকা তেকো সেটেরঃ কানা। এনখান কুক্লি রাকাব্ কানা সান্তাড় হড়-হপন কো হুদুড় দুর্গা ঞুম কাতে রাজনীতি রেনাঃ বডে দাঃ বাং বন ঘান্টায় দাতো ? নংকান কুক্লি হঁ নিৎ সাঁওতা খনগে রাকাব্ হিজুঃ কানা।
.webp)
.webp)
