সিঁগি মাহা রেনাঃ সাকাম “চেরেচ্ আড়াং” লেখা- ০৪ (সাকাম - ২)

 

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829, E-mail Id:- abowagkatha@gmail.com   ।

তেহেঞা  আখড়ারে যাঁহায় কো সেলেদ্‌ আকান-  সূচনা হাঁসদা, রাবন হেম্ব্রম, ᱮᱢ. ᱱᱮᱯᱳᱞᱤᱭᱚᱱ ᱴᱩᱰᱩ,           সনাতন টুডু, গাতে টুওয়ৗর, বাবলু সরেন,  বিভূতি ভূষণ সরেন , নিকোলাস মারানডি ।

 

সূচনা হাঁসদা, ক্লাস - VIII

জেলা - বাঁকুড়া

রাবন হেম্ব্রম, ক্লাস - IX

জেলা - পুরুলিয়া

৭।।

 ᱠᱷᱟᱯᱟᱭᱼᱠᱷᱚᱯᱚᱭ

ᱮᱢ. ᱱᱮᱯᱳᱞᱤᱭᱚᱱ ᱴᱩᱰᱩ

ᱠᱷᱟᱯᱨᱤ ᱟᱛᱮ ᱠᱷᱟᱯᱟᱭ ᱠᱷᱚᱯᱚᱭ
ᱜᱚᱲᱚᱢ ᱵᱩᱰᱷᱤᱭ ᱢᱮᱱ
ᱱᱚᱣᱟ ᱠᱚᱫᱚ ᱜᱟᱯᱟ ᱞᱟᱜᱤᱫ
ᱛᱟᱦᱮᱸ ᱚᱪᱚ ᱛᱮᱱ  ᱾᱾

 ᱟᱸᱡᱚᱢ ᱛᱚᱨᱟ ᱥᱤᱞᱤ ᱥᱟᱜᱩᱱ

ᱩᱞᱤᱼᱫᱟᱜᱠᱤᱱ ᱩᱫᱽ
ᱳᱭᱳ ᱯᱚᱴᱚᱢ ᱠᱤᱪᱨᱤᱡ ᱠᱷᱚᱱ
ᱢᱩᱸᱼᱰᱚᱜᱽᱠᱤᱱ ᱛᱩᱫᱽ  ᱾᱾
 

ᱧᱮᱸᱞᱮᱭᱟᱠᱤᱱ ᱜᱚᱲᱚᱢ ᱵᱩᱰᱷᱤ
ᱫᱚᱢᱮᱭ ᱩᱫᱩᱨ ᱡᱚᱝ
ᱛᱟᱠ ᱧᱮᱞᱛᱮ ᱥᱩᱜᱩᱢ ᱥᱩᱜᱩᱢ
ᱰᱤᱵᱽᱨᱤ ᱫᱩᱠᱤᱱ ᱚᱝ  ᱾᱾

 ᱴᱩᱢᱠᱤ ᱵᱷᱤᱛᱤᱨ ᱛᱟᱞᱮ ᱰᱳᱸᱵᱳᱜ

ᱛᱤᱱᱟ.ᱜ ᱛᱟᱦᱮᱸ ᱠᱟᱱ
ᱪᱟᱢᱟᱞ ᱪᱩᱢᱩᱞ ᱥᱟᱵᱽ ᱠᱮᱫᱟᱠᱤᱱ
ᱵᱟᱨ ᱜᱟᱱᱰᱟ ᱜᱟᱱ  ᱾᱾

ᱡᱚᱢ ᱡᱚᱢᱛᱮ ᱠᱷᱟᱯᱟᱭ ᱠᱷᱚᱯᱚᱭ
ᱥᱟᱜᱩᱱ ᱫᱚᱭ ᱞᱟ.ᱭ
ᱜᱟᱯᱟ ᱛᱟᱞᱮᱞᱟᱝ ᱦᱟᱞᱟᱝ ᱟᱜᱩᱭ
ᱟᱨᱦᱚᱸ ᱢᱟᱨᱟᱝ ᱫᱟ.ᱭ  ᱾᱾

 =O=O=O=O=O=O=O=

 

 ৮।। 

আয়ো চিতৗর সামাংরে হপন মৗই

সনাতন টুডু

আমিঞ উইহৗর মেয়া য়ুগো
অকা- রেদো মেনাম!
পাঁজা মেয়াঞ সারা ঘৗড়িজ্‌
আমাঃ চিতৗর সামাং ।।

 দাকা বৗঞ জম রেদো

আলাদ কাতেম হহয়।
জৗপিদ্‌ অক্‌তো বিছ্‌না তালা
তিনাঃ গলফোম দহয় ।।

 আনাজ্‌ গেদ অক্‌তো যখন

বিন্‌ঠি গটাম পাঁজায়।
আগুয়ামৗঞ দৗড় কাতেদ্‌
মুলুচ্‌ মেসাম লাঁদায় ।।

 বাবায় দৗলিঞ রেহঁ আমদ

সুর রেগেম তাঁহেন।
পাঁজা মেয়াঞ হাঁডে নাডে
অকা য়েনাম তেহেঞ !!

 বাবাঞ কুলিয়ে ঘানে- ‘য়ুগো’
আমাঃ হিজু কাথা।
বাবায় মেমেন হিজুঃ গেয়ায়
তেহেঞ বাংখান গাপা।।

 চেদাঃ য়ুগো বাম হিজুঃআ

কৗই ইঞাঃ চেৎদ ?
মেৎদাঃ জরঃ সেতাঃ আয়ুব্‌
আম খৗতির তেদো ।।

 মেনাঞ য়ুগো আম তাঁগিরে

অকা- রেদো মেনাম ?
দাকা ইঞাঃ বাং উদুঃ আ
বৗচুঃ মেখান সামাং ।।

 হিজুঃ গেয়াম পৗত্‌য়ৗও ইঞাঃ

আরকো আয়ো লেকা !
চেরেজ্‌ ইঞৗম দুলৗড় ইঞৗম
সোনা মিরু লেকা ।।

 =O=O=O=O=O=

 

৯।।

 ডাহার ধুড়িরে বাপলা
- গাতে টুওয়ৗর

 বৗহু তালে টুটুরি
      জাঁওয়ায় তালে ধুতি,
অৗনৗড়ি হড় জুরিপৗরি
              সেরেঞ তেলে থুতি ।
বৗলি তালে দাকা উতু
               বৗলিগে তালে জেল,
সাকাম তালে পন টাকা
               বৗহু জাঁওয়ায় খেল ।
হাসা রেনাঃ তুমদাঃ টামাক
                 হাসা টুকুচ্ ঠিলি ,
এনেচ্ কুড়ি দামাক দামাক
                 হাসা রেনাঃ ডুলি ।
আলে কগে অড়াঃ হড়
                   আলে কগে পেড়া,
আলে কগে আতো হড়
              জমক আলে আখড়া ।
নাওয়া বৗহু অৗডিয় লাজাঃ
                বাং এ জমেৎ দাকা,
নাওয়া রেগে অৗড়ি সাজাঃ
              জাঁওয়ায় কড়া রাখা ।

  =O=O=O=O=O=O=

 

১০।। 

হপন মৗই আর গাতেক

- বাবলু সরেন

           

 হপন মৗইয়াঃ নাওয়া জুতৗ
সাডেতায়া পিঁক পিঁক
আয়োয়াঃ জুতৗ হরঃ কাতেয়
 মেনা নওয়াগে ঠিক ঠিক ।
খেলড আকো গাতে গাতে দাকা উতু
ঢেলা সাকাম পয়সা,
তালে সাকাম চামচ
বৗলিদ চাওলে, ধিরিদ জিল
জম আক ঞাঁয়ম চাকম
ঞাঁয়ম চাকম |

হপন মৗইয়াঃদ গামছা গেতায় শাড়ি
আয়োতায় বাংএ হরঃআয়খান
এনেচক সাবঃ তি-তি সাব কাতেঃ
সেরেঞ আক নেনেলো পেতে
তুমদাঃ বৗনু,টামাক বানুঃ
এনহঁ সাডেতাকো রেগড়া ,
আদ যাঁহায়ক ঞেল লেকোখান
 আরহঁ দমেয় আড়ি |
জম জমতে খৗজৗড়ি গছা ...
লাজাওতে মচাকো বেদঃ ।

 =O=O=O=O=O=O=O=

 

১১।। 

বৗরু ডাং 

 বিভূতি ভূষণ সরেন

ঝম ঝম দাঃ তে 
গাডা মুডু উনুম এন, 
টর সিয়ৗড়া ঝৗলি আতে 
হৗকু সাব্ সেন এন। 
ঝৗলি কেদে বৗরু ডাং, 
মিৎ টর ডাং। 

 বিনঠি তে কেদে খাল 

উতু কেদায় আডি ঝাল, 
জম অকত উঃ আঃ 
আর হঁয় সুঃ সাঃ। 

 বৗরু ডাং হারতা তে 

বানাম এ দাপ কেঃ, 
সাডে কান রেঁ- চ 
আডি মজ্ গে-চ।।

 

 =O=O=O=O=O=O=O=

 

১২।। 

সাদম
 নিকোলাস মারানডি 

ইঞ দ কৗনৗঞ সাদম 
দৗড়ৗঞ কাড়াপ কাড়াপ , 
হড়কো লেকা মচা 
বৗনুঃ তিঞ চাড়াপ চাড়াপ ।

 কৗমি তেগেঞ সদরা 

ইঞ দ তিনৗঃ কৗমিয়ৗর  ,
সানাম অকতেঞ তাঁহেনা 
ইঞ দ হুসিয়ৗর  ।

তি বৗনুঃ তিঞ রেহঁ 
ফিরিয়ৗঃ ফিরিয়ৗঃ ইঞ ফাঁদায়া 
আর বাং খানিঞ ঢাকলাও  ।
জাঁগাতে কৗমিঞ চালাও , 

 নতে মালগৗডি অর কাতে 

জিরৗউ জমৗঞ চানা ,
কৗমি কাতে গেঞ জমেদা 
কুড়হিয়ৗ দঞ বাং কানা ।

 

=O=O=OমুচৗৎO=O=O=