আবোওয়াঃ ওয়েব পেজ : তেহেঞ ২০ সেপ্টেম্বর বাং হৗটিঞ মেদিনীপুর জেলা ভারত জাকাত মাঝি পারগানা মহল পাহ্টা
খন চন্দ্রকোনা বিধান সভারেন বিধায়ক ঠেন গণডেপুটেশন কো এম কেদা মেন্তে বাডায় আকানা।
২০১১ সাল খন ২০২০
সাল ধৗবিচ্ বিধায়ক আয়াঃ এলাকারে আদিবাসীকো লৗগিৎ আয়াঃ তহবিল রেনাঃ টাকাতে চেদা বায়
কৗমিয়াকাদা আর আয়াঃ এলাকারেন আদিবাসী কোওয়াঃ দুক্ হারখেৎ রেনাঃ কাথা বিধানসভারে চেদাঃ
বায় রাকাপ্ আকাদা মেন্তে ভারত জাকাত মাঝি পারগানা মহল অভিযোগ এ আগু কেদা বিধায়িকা
ছায়া দোলই আঃ বিরুধরে। বাডায় আকানা নোওয়াক কাথারেনাঃ তেলা বাং এম কাতে বাং রড় ঞেঞেলিয়ৗ
লেকা এনেমে পালাও কেদা মেনতে বাডায় আকানা।
বাডায় আকানা পারগানা মহল পাহ্টা খন ১০ দফা দাবী বিধায়িকা কো চাল আদেয়া আর কো বাডায় অচ আকাদেয়া বাংমা নোওয়াক দাবী যুদি রাবাং অধিবেশন রে বিধান সভা রে বাং রাকাপ্ হোয়োঃ আ আর ২০২১ রেনাঃ বিধানসভা মাড়াং যুদি দাবীক বাং পুরুনঃ আ, খান শাসক দল রেন নেতা কো আদিবাসী এলাকারে বাংক বল অচ আকোওয়া আর পতাকা সে কাঁথরে অল হঁ বাংক অল অচ আকোওয়া মেন্তেহঁ নংকাগে মহল পাহ্টা খন হুঁশিয়ারী কো এম আকাদা মেন্তে বাডায় আকানা।
নোওয়া ডেপুটেশন রে জেলা জগ পারগানা বাবা মানতান মনরঞ্জন মুরমু, ঘাটাল তল্লাট পারগানা বাবা মানতান দেবেন্দ্রনাথ মুরমু, চন্দ্রকোনা ২ মুলুক পারগানা বাবা মানতান শীতল চন্দ্র হাঁসদা, চন্দ্রকোনা ২ মুলুক জগ পারগানা বাবা মানতান ধ্যানচাঁদ মুরমু, ঘাটাল তল্লাট অ্যাডভাইজার মানতান পরেশ সরেন আর গড়বেতা ৩ নং বুগড়ি মুলুক কনভেনর মানতান শিবুলাল মুরমু সাঁওতে আয়মা ঘাটাল তল্লাট রেন মাঝি বাবা, মাঝি আয়ো,হন হপন, হপন এরা এমান তাঁহে কাতে ডেপুটেশন কো সৗখি সভা কেদা মেনতে বা্ডায় আকানা।
.webp)
