আবোওয়াঃ ওয়েব পেজ- সিধু-কানু মিশন রেন গৗলিম মানতান নরেন
হাঁসদা গোম্কেয়াঃ মচা খন মিশন চালাওরে, উনিয়াঃ মনেরে দুক্ আর কাঁহিশ আড়াং আঁজমেনা।
২০১২সাল খন চালাও হিজুঃ সিধু-কানু মিশন নিৎ নোওয়া কোভিড-১৯ আওহালরে মিশন চাচালাও তিনাঃ
আঝাট আর হাপেন দিনরে মিশন চেৎ লেকারে বাঞ্চাও তাঁহেনা, অনা মুহিম দশা রেনাঃ কাথা কোগে
কাঁহিশ মনেতে মানতান হাঁসদা গোম্কে আবোরেন খবরিয়ৗ ঠেনে লৗই সদর আকাদা।
পুরুলিয়া জিলৗ
খন ৩০/৪০ কিমি সাঁগিঞরে মেনাঃ আড়ষা থানা রেনাঃ ভালিডুংরীরে সিধু-কানু মিশন বেরেৎ রাকাব
আকানা। আর নোওয়া মিশন রেন থাপনিচ্ গে মানতান নরেন হাঁসদা গোম্কেদ। যাঁহায় দ দিসম
রেন হড় মিৎ সেরেঞ বাডোহি লেকাতেগেকো উরুমেয়া। আর নোওয়া সেরেঞ খৗতির গে দিসম দিসম দাঁড়ান
অক্তে আয়াঃ মেৎ রেকো পাড়াও লেনা আয়মা রেঁগেচ্-নাচার-টুওয়ৗর গিদৗর। বাডায় আকানা ইনৗ
হিলোঃ মানতান হাঁসদা গোম্কেয়াঃ মেৎ খন হিডির হিডির মেৎদাঃ জর লেন তায়া। মেনখান আচ্দ
চেৎ-এ চিকৗ দাড়েয়াঃআ ? আচ্মা মিৎ সেরেঞ কয়মাযোগী। এনহঁ ইনৗহিলোঃ অকা দাড়েতে চং মিৎ
বার টুওয়ৗর গিদৗর কো আয়াঃ অড়াঃতেয় আগু লেৎ কোওয়া। বাডায় আকানা নঁডে খনগে মানতান হাঁসদা
গোম্কে রেঁগেচ্-নাচার-টুওয়ৗর গিদৗর কো লৗইতে মিশন বেনাও রেনাঃ কুক্মুয় ঞেল কেদা।
যাঁহা মিশন রে নোকো রেঁগেচ্-নাচার-টুওয়ার গিদৗর কো তাঁহে কাতে সান্তাড়ি পৗরশিতে আর
সান্তাড়ি অৗরিচৗলি, লায়-লেগ্চার তালাতে অলঃপাড়হাও কো সেঁড়ায়া।
মানতান হাঁসদা
গোম্কেয়াঃ কুক্মু সৗরিয়েন তায়া। সিধু-কানু মিশন রে নিৎ ১৫০ গটাং গিদৗর কো অলঃপাড়হা
কানা। মেনখান নোওয়া লক ডাউন রে আয়মা গিদৗর গে অড়াঃ কো চালাও আকান রেহঁ ৩০ গটাং টুওয়ৗর
গিদৗর নিৎহঁ মিশন রে মেনাঃ কগেয়া। যাঁহায়রেন গ-বাবা মেন্তেদ দ নিৎ মানতান নরেন হাঁসদা
গোম্কেগে।
যাঁহাতিসঃ কোভিড-১৯
লেকান মারন ভাইরাস হিজুঃ আ আর আয়াঃ মিশন রেহঁ অনা রেনাঃ অরসং পাড়াঃআ অনাদ হাঁসদা গোম্কে
তিসহঁ বায় ভৗবিৎ লেনা। আর নোওয়া লক ডাউন খৗতির গে নিৎ মিশন চালাও অৗডি আনাট রেয় পাড়াও
আকানা। বাডায় আকানা আচ্হঁ নিৎ অকাহঁ বায় সেন দাড়েয়াঃ কানা। নোওয়াহঁ বাডায় আকানা নিৎ
ধৗবিচ্ নোওয়া মিশন বাং সরকারি অনুমোদনে ঞাম আকাদ্ বাং চেৎ মিড্-ডে মিল রেনাঃ বন্দেজ
হোয় আকান।
অনালেকাতেগে সিধু-কানু
মিশনদ হড়-হপন ঠেন আঁজম জং রৗস্কৗ আর গরব অৗয়কৗ রেহঁ অনা মিশন গে নিৎ মুহিম দশারে। অনাতে হাঁসদা গোম্কেয়াঃ মচা খনগে
মিৎ বার দুক্ আর কাঁহিশ রেনাঃ কাথা বাডায় ঞাম এনা। মানতান হাঁসদা গোম্কে আঁজম আকাদায়
বাংমা আবো সাঁওতারে অৗডি মারাং মারাং হড় মেনাঃ আকাদ্ কোওয়া। এনরেহঁ মিশন চালাও রে
গড় সপহৎ এম সে খঁজ তলাশ লৗগিৎ দ অকয়হঁ নিৎ ধৗবিচ্ অনকা বাংকো লাহা হেচ্ আকানা মিৎ
বার বেগর। মেনখান আচ্ঠেন দ অনা আঁজম সুমুংগে বাংমা সাঁওতারে অৗডি ঞুতুমান হড় মেনাঃ
আকাদ্ কোওয়া। নোওয়া মিশন বাঞ্চাও দহয় লৗগিৎ পরামেশ এমঃ হড়হঁ অনকা বাংকো লাহা হেচ্
আকানা মেন্তেহঁ মানতান হাঁসদা গোম্কে দুক্-এ সদর আকাদা। আয়মা হড়গে খজ-তলাশ কো হাতাও
আকাৎ রেহঁ তায়ম বিদৗল দ আর বাংকো আয়কৗও বাডা আকানা। মানতান হাঁসদা গোম্কে ঠেন খন গে
বাডায় ঞাম এনা বাংমা নোওয়া মিশন চালাও লৗগিৎ অ-আদিবাসী কো অৗডি কো লাহা হিজুঃ কানা।
মেনখান নিৎ ধৗবিচ অনকান চুক্তি বাং হোয় আকানা সে বায় এম আকাদ্ কোওয়া মেন্তেগে বাডায়েনা।
মুচৗৎরে মানতান
হাঁসদা গোম্কে কাঁহিশ আড়াংতে সদর কেদায় তবে চেৎ সান্তাড় সাঁওতারেদ সৗরিগে গড় এমঃ লেকান
হড় দ বৗনুঃ কোওয়া সে নোওয়া সিধু-কানু মিশন গে বাংকো কুশিয়াঃআ কানা ?
মিশন লৗইতে আরহঁ
বাডায় লৗগিৎ মানতান হাঁসদা গোম্কে নোওয়া মোবাইল নং- 7866993356 দিসম হড় ঠেন সদর লৗগিৎ
আবোরেন খবরিয়ৗ ঠেন নেঁহর এ দহ কেদা।
.webp)
