কারাম এনেচ্‌ আর সেরেঞ

(কারাম পরব দ চেৎ আর চেদাঃ- নোওয়া লৗইতে লাহা লেখারে নাসেনা বন বাডায় আকাদা। তেহেঞ দ কারাম এনেচ্‌ আর সেরেঞ লৗইতে বন বাডায় জংআ।)

কারাম এনেচ্‌ আর সেরেঞ

মহাদেব হাঁসদা

কারাম পরব দ চাষ রেয়াঃ পরব কানা। পছিম বাংলা, ঝাড়খন্ড, উড়িষ্যা, ছত্রিশ গড়, মহারাষ্ট্র এমান সুবৗ রেন সান্তাল,মুন্ডা, ভূমিজ, হো, বিরহড়, ওঁরাও এমান আদিবাসী নোওয়া পরব দ কো মানাওয়া। এটাঃ গাঁতাক রেন হড় দ জাওয়া কারাম সুমুং গে কো মানাওয়া। মেনখান সান্তাল কোওয়াঃ দ জাওয়া কারাম সাঁওতে বঁগা কারাম, গুর কারাম, দিশম কারাম এমান হঁ কো মানাও আ।

নোওয়া নানা-হুনৗর কারাম রেয়াঃ অৗরিচৗলি, বঁগাবুরু, লেগ্‌চার নেমাচার হঁ বেগার গেয়া। তেহেঞ দ সান্তাল কোওয়াঃ কারাম এনেচ্‌ আর সেরেঞ বাখ্‌রা তে মিৎ বার কাথা বোন তজ্‌বিজ্‌ লেগে।

কারাম সেরেঞ রেয়াঃ দ অৗডি লেকান ‘তাড়’মেনাঃ আকাদা। রু আর এনেচ্‌ রেয়াঃ তাড় হঁ নানা-হুনৗর মেনাঃআ। অনাকো রেয়াঃ ঞুতুম দ কানা- এহপ্‌ রিঞ্জা, হাড়াম রিঞ্জা, মাতওয়ার, রাম ভিনসার-১/২, লাট বালাং , আরহঁ এমান। তালা তালারে চমকরচ্‌ ঝিংগৗ ফুলিয়ৗ হঁ কো এনেচ্‌ সেরেঞ আ।

কারাম এনেচ্‌ গে আদম আদম টঠারেদ রিঞ্জা এনেচ্‌ কো মেতাঃআ আসলরে অনাদ মিৎ কাথা কান গেয়া।

লৗই তরা মেন গানঃআ, কারাম সেরেঞ রেদ কারাম গোঁসায় ঞুতুম তে  নেঁহর বিন্তি আর জাওয়া জাগাও রেয়াঃকাথা মেনাঃ আকাদা। জেলেকা – 

হিতি হিতি জাওয়া

কিয়ৗ কিয়ৗ জাওয়া। 

জাওয়া লো মা কুরথি মা হোয় লো

সে হরে কুরথি এক পাতে শায় পাত-(২)

য়ো হরে নামো জিরিহিরি পানি……।

নংকাগে হড়েচ্‌, রাহেড় মুগ, রামড়া,ঘাংরা এমান ইতৗ হঁ কো অড়হেঁ ইদিয়া। আদম জখান কারাম গোঁসায় ঞুম কাতেকো সেরেঞা – 

আম লৗগিৎতে কারমা গেল সেরমাঞ উপৗস আকাৎ

আম লৗগিৎ তে গেল বার সেরমাঞ তিরাস আকাৎ । 

কারাম সেরেঞ রে দ জিওয়ি রেয়াঃ সুক্‌ দুক্‌, রাঃ লাঁদা, জেলেকা মেনাঃআ; জিয়ন দরশন রেয়াঃ আনৗইকৗউ হঁ অনকাগে সদর আকানা। জেলেকা-

পুরুবে বলি দরশন 

পশ্চিমে বলি দরশন

তবু নাহি পাওয়া গেলা যাবে

মাঞ বাপে দরশন !

মা মরা পিন্ডা লাং

তেলকুপি পাথর বাঁধা ঘাটে লো;

বাবা মরা পিন্ডা লাং

 দামোদর গয়া-গংগা ঘাটে লো;

তবু নাহি পাওয়া গেলা যাবে 

মাঞ বাপে দরশন!!

একেন ইনৗ সুমুং দ বাং, কারাম সেরেঞ রে হিন্দু বঁগা-বুরু কোওয়াঃ ঞুতুম হঁ অড়হেঁ আকানা। জেলেকা-

……পুরুবে বন্দনা করি চাঁদে সুরুজে হো,

পছিমে বন্দনা করি বাবা বৈদনাথ হো,

উত্তরে বন্দনা করি বাবা বদ্রিনাথ হো,

দক্ষিনে বন্দনা করি সিরি জগন্নাথ হো। 

                    ( মুচৗৎ দ নোওয়া তায়ম লেখারে।)