কৗমি রেনাঃ কুড়ৗই

(হুডিঞ মাছা কৗহ্‌নি)

কৗমি রেনাঃ কুড়ৗই

বিভূতি ভূষণ সরেন

লদম মিৎ গিদরৗ খন গে দারে নৗড়ি চেতান অৗডি দায়া দুলৗড় তাঁহে কান তায়া। কৗটিচ্ রে স্কুল হেচ্-সেন অক্ তে কৗটিচ্ পহা দারে ঞেল লেখান গে তুৎ অৗগু কাতে বাড়গে সীমা রে রহয় এৎ তাঁহে। যে লেকা উল,কুদ, কানঠাড়, আঁজির এমান এমান ক। রহয় কাতে জৗনুম ঝৗন্ টি তে এটেৎ দহয় এৎ তাঁহেন। আর দিনৗম গে ,সেতাঃ বেড়া দাঃ দুল আঃকান তাঁহে। নিংকৗ কাতে গে দারে কদ দিন দিনতে হারা উসুল চালাঃ কানা।

আর নতে আয়াঃ স্কুল জিয়ন রেনাঃ কৗমি কহঁ নাপায় তেগে পারম ইদিয়েদা। নংকা কাতেগে M. A হৗবিচ্ পাড়হাও কেদায়। অনা তায়নম আদ WBCS, SSC, BANK, RAIL এমান তেনাঃ চৗকরি পরীক্ষা ক এম্ বাড়ায় এদা। মেনখান পরীক্ষা রে পাশ এৎ রেহঁ VIVA রেগে আটকঃ কানায়। এনতে রেহঁ কুরুমুটু দ বাং এ আড়াঃ আকাদা। মনেরে আঁশ মেনাঃ তায়া, মিৎদিন হিলোঃ দ ঠিক পরীক্ষা এম্‌ এম্‌ তে ,যাঁহাটা বাং যাঁহাটাঃ রে লাগাও ঞাম গেয়ায়। অনা পৗতয়ৗও মেনাঃ তায়া মনেরে। হানা -নওয়া পরীক্ষা এম্‌ এম্‌ তেগে SSC (SCHOOL SERVICE COMMISSION) রে পাশ কাতে চৗকরি ঞাম কেদায়। মনে কেটেচ্ কাতে কুরুমুটু ধুরৗও রেগে তাহেঁ কানতে কুকমু সৗরিয়েন তায়া।

আর নতে যাহাঁ দারে কয় রহয় লেদা অনা কহঁ অৗডি হারা উসুল হৗড়ুপ তে বাং পুরৗআ, উনৗ মটায়েনা আর জ- বাহা কানা। অনা দারে করে খন নিত্‌ যাঁহায় ঞামা চৗকরি টাকা খনহঁ অনা নিছক বাং কম তায়া।