🌻জাওয়া কারাম 🌻

তেহেঞ খন গে জাওয়া কারাম এতহব এনা, অনা লাসাড়হেৎতে জাওয়া কারাম লাইতে মিৎ টাং অনড়হেঁ-

জাওয়া কারাম 

 

   বিভূতি ভূষণ সরেন 

ভাদর বঙ্গা বলয়েন 

জাওয়া কারাম সেটেরেন, 

আতু কুড়িক জুমিৎ এন 

মাঝি বাবা ঠেনক সেন এন। 

মাঝি বাবা নেশ হলে হৗর কারাম, 

সারহাও আতেঃ কেৎ কওয়ায় দারাম। 

লটা, সিন্দুর, দৗওড়া, মৗচি এমাৎ কওয়া, 

কুড়ি গিদৗতর হৗর কেদা ক জাওয়া। 

জাওয়ারে এর কেদা ক রাহেড়, ঘাঁগরা কলাই, 

হারায়েন মঁজগে দালাই দালাই। 

সিঞ বেড়া উপৗস ক তাঁহেন ,

মিৎ ধাওগে ঞিদৗ বেড়া জম এৎ তাঁহেন। 

পুন দিন হৗবিচ্ সিঁগাড় বেড়ারে, 

দৗওড়া মৗচি দহ কাতে এনেজাকো মাঝি রাচারে। 

মড়ে দিন হিলঃ সেতাঃ বেড়া দ, 

মাঝি আখড়ারে বেনাও কারাম পিঁডৗদ। 

সিঁগাড় অকতে টামাক-তুমদা,মাঝি বাবা আতে 

কারমৗটিক রুয়ৗড় এন কারাম ডৗর মাঃ কাতে। 

কারাম ডৗর ক বিদ্‌ কেৎ কারাম পিঁডৗরে, 

কারাম বিন্তি বাং চাবালেন গটা ঞিদৗরে। 

নাওয়া শাড়ি বাঁদে কাতে 

টুংকি দিহে মৗলি সেপেঞ কাতে, 

এনেচ্ অৗচুরঃ কান 

আরক সেরেঞ এৎ কান, 

কে ধরাঞ দিলো গো করমের বাতি? 

ভাইয়ে ধরাঞ দিলো গো করমের বাতি ।

মাঝি বাবায় বিন্তিয়েৎ 

আতুরেন মড়ে ক তুরুইক আতেৎ, 

আর ক সেরেঞাঃ কান 

তাহাঁ রেতা নানা তারনা, তাহাঁ রেতারে, 

তাহাঁ রেতা নানা তারনা না নানা রে। 

মুচৗৎ অক্ত রে 

বিদৗয় বেড়া রে, 

কুড়ি কদ এনেচ কান 

কড়া কদ দন এৎ কান! 

ঝত হড় তেক সেরেঞ এৎ, 

ঞহড় ঞহড় তিরয়ো সাডে,

ডুবুক ডুবুক টামাক সাডে, 

অনা আঁজম আঁজমতে

দু কারাম বহেল চালাঃ মে।