(হুডিঞ মাছা কৗহ্নি)
কৗমি জং হড়
 |
| নিকোলাস মানডি |
রেনটা দ কৗমি জং হড় । নোওয়া লকডাউনরে কৗমি বায় ঞামেৎ তেয় অৗটুপৗটু বাড়ায় কানায়। আসলরে উনিয়ৗদ সারা বছর গে কৗমি তাঁহেকান তায়া বাংগালী বাবু কোঠেন সাহান পাড়াঃ রেয়াঃ কৗমি। রেনটা দ সারা বছর সেতোং চেৎ জৗপুৎ চেৎ উনকু ঠেনে কৗমিয়া। অঁডে উনিদ পারমানেনট কৗমিয়া লেকাতেগেয় তাঁহেকানা। নিৎদ নোওয়া লকডাউন ইয়ৗতে অঁডে খন হঁকো অডোক আকাদেয়া। তবে নিতহঁ তালামালা রে কৗমি দিসৗতে চালাঃ গেয়ায়, আদকো মেতায়া -" এখন কাজ নেই রে রেনটা, সব বেপসা বনদ হয়ে গেছে।" আর রেনটা দ মায়াঃ মোয়োঃ কাতে অড়াঃ এ রুওয়ৗড়েনগে।
অৗডিদিন হোয় আকানা , আর রেনটা আঃ টেঁগচ্ দ অড়াঃ রেয়াঃ মিৎ কনারে দহ আকাৎ গে মেনাঃআ । মাঝে মাঝে ঞেলেদায়, অনারে নিত মরচা সাপ্ আকানা। লাহাতে কৗমি অকতেরে অনা টেঁগচগে তিনাঃ লাসের আর সাপা সৗপিয় দহয়েৎ তাঁহেনা। নিতদ বাং বেওহারঃ কানতে অবহেলা কাতে মেনাঃআ, বিন জৗড়ুড় জিনিষ লেকা।
রেনটা তেহেঞ কৗমি বাংতে অড়াঃ রেয়াঃ মিৎ কনারেয় দুড়ুপ আকানা আর মরচা আকান অনা টেঁগচ্ লেকাগে মনে মনেতেয় মেন জং কানা-ইঞ লেকাগে পালেন আর তিনৗ কৗমি জং হড় চং আকোওয়াঃ কৗমি কো আৎ এদ্, নিৎ অকয় তলাশ এ হাতাও আ ?
