 | |
|
আবোওয়াঃ ওয়েব পেজ : হলা ৮ই জুন সেতাঃ ৮বাজা তায়ম খনগে সোস্যাল মিডিয়া তালাতে উড়িষ্যা, বিহার, বেঙ্গল, ঝাড়খন্ড, আসাম সাঁওতে গটা ধৗরতি পুরিরে রেন হড়ক বাডায় কেদা বাংমা সান্তাড়ি সেরেঞ জগৎ রেন ঞুতুমান সেরেঞ কৗরিগল বসেন মুরমু দ আর বানু গেয়া।
বাডায় আকানা মাড়াং দিন তারাসিঞ বেড়া অক্তে আক বাড়গে সেনরে বহঃ আচুর আচুর এ আটকার এদ্ তাঁহে কানা । অঁডে খন গে অড়াঃ রুওয়ৗড় কাতে রান কয় জম লেদা। আয়ুপ জম-ঞু কাতে জৗপিৎ হঁয় জৗপিৎ লেদা। মেনখান সেতাঃ বেড়া ৮বাজা অক্তে বাং ঠিক এ বুঝাও কেৎতে লগনগে রায়রংপুর হাসপাতাল ইদি কেদে খান ডাক্তারক ঞেল বাড়া কাতেক লৗই কেদা বাংমা উনিদ আর নোওয়া ধৗরতিরে বানু গেয়া। বাডায় আকানা উনিয়াঃদ ব্লাড প্রেসার তাঁহে লেন তায়া।
সঁগে সঁগেতে নোওয়া দুক্ খবর সোস্যাল মিডিয়া তালাতে হয় লেকা অটাং এনা গটা দিশম তালারে।
নোওয়া খবর বাডায় সাঁও সাঁওতে দিশম হড়াঃ মনেরে তাপাকিজ হেচ্ লেন রেহঁ তায়মতে বাতাও হোয় এন তাকোওয়া যে আকো তালারে বসেন মুরমু দ আদ তিসহঁ বায় ঞেপেলা, বায় রপড়া, বায় সেরেঞা।
নোওয়া ডগর ঞাম কাতে সান্তাড়ি সেরেঞ জগৎ আর ফিল্ম ইন্ডাস্ট্রিরে অৗডি মারাং দুক্ রেনাঃ আহ্লা ঞেল এনা। সেরেঞ রুসিকৗ আর সেরেঞ আঁতেনিয়ৗ ক মুদ্ রেহঁ গৗহির দুক্ রেনাঃ চিতৗর মেৎরে মনেরে ঝালকাও ঞেল এনা।
বসেন বাবুওয়াঃ জানাম আতো তাঁহেলেনা উড়িষ্যা ময়ূ্রভঞ্জ জিলৗ বিজতলা ব্লক রেয়াঃ বারাজিয়ানী আতোরে। বাডায় আকানা বসেন বাবুদ সেরেঞ কৗরিগল বেগরহঁ সান্তাড় জৗতি, সাঁওতা, লাকচার অৗরিচালি রিনিচ্ অৗডি মারাং মিৎ দরদিয়ৗয় তাঁহে কানা। বাডায় আকানা উনিদ আয়াঃ জানাম আতোরেগে সিধু কানু ইতুন আসড়া সাঁওহঁ জপড়াও এ তাঁহেকানা। বসেন মুরমু বঁগা তালায়েন অক্তে উমের দ হুয় লেন তায়া ৩৩ বছর। অড়াঃরে আপনার জিউয়ি জুরি আর মিৎ টাং হুডিঞ কুড়ি গিদৗর এ বৗগি হট আৎ কিনৗয়।
বাডায় আকানা নিৎ ধৗবিচ্ ১৫ গটাং লেকা সান্তাড়ি ফ্লিমরে সেরেঞ সাঁওতে অৗডি গটাং ভিডিয়রে অসাম্ভেড় সেরেঞ আকাদায়। উনিয়ৗঃ সেরেঞ মুদ্রে ঞুম হালাং গান আ- ‘আলাক নৗড়ি জৗড়ি লেকা’, আমাঃ সেরেঞ আঁজম তেগে ইঞদুঞ পাগলাহা আকানা’, ‘কুলমি দারে লেকা এমৗই কুড়িম হারায়েন’ ‘সাঁগিঞ দিশম পেড়া কুড়ি’, আরহঁ আয়মা আয়মা জিউয়ি রাড়েচ্ সেরেঞ মেনাঃ আকাৎ তায়া। উনি অৗদিন দিন রে দাঃ দড়মেন খৗতির সান্তাড়ি ফিল্ম ইন্ডাস্ট্রিরেঃনা আর সান্তাড়ি সাঁওতা রেনাঃ অৗডি মারাং খুতি হুয় এনা মেনতে আয়মা হড় দুক্ ক সদর আকাদা।
জানাম লেনখান গুজুঃ হোয়ো, অকয়হঁ সারা বেড়া, সারা জিয়ন ভোর বাং বন বাঁঞ্চাও তাঁহেনা ,মিৎ দিন বাং ,মিৎ দিন চালাঃ তেগে হোয়োঃআ। মেনখান বসেন মুরমুওয়াঃ নোওয়া অৗদিন দিন রে বঁগা তালাদ সানাম হড়ঠেনগে মিৎটাং হাহাড়াঃ কুক্লিয় সদর সামাং হটঃ কাদায় মেনতেগে আয়মা হড় গেক আয় উমান এদা। মিৎ ডগররে বাডায় আকানা দিশম জাকাত নোওয়া লক ডাউনরে বাংমা বসেন বাবুদ ঘাঁরঞ্জ চালাও সে আপাশুলঃ রে এটকে টঁড়ে হোয়োঃ কান তাঁহে কান তায়া। নুন মারাং সেরেঞ কৗরিগলআঃ নুনৗ অভাব বাডায় কাতে দিশম হড়ক হাহাড়াঃগঃ কানা। আর আয়মা হড়াঃ মনেরে আয়মা লেকান কুক্লি বৗই বৗইতে রাকাপ হিজুঃ কানা। আয়মা হড়গে নিৎ বাডায় সানায়েৎ কোওয়া সেরেঞ কৗরিগলক এনখান চেৎ আকোওয়াঃ উদ্গৗর দাঃ জরঃ কাতে আর হড়ম মায়াং রিঁজিৎ কাতে সান্তাড়ি ফ্লিম ইন্ডাস্ট্রি রেক সেরেঞা আর দিশম হড়ক রৗস্কৗক চাল আকোওয়া ? নংকান কৗরিগল কওয়াঃ হাপেন দিন রেনাঃ আগাম লৗইতে তবে চেৎ উইহৗর ভাবনাগে বাং তাঁহেলেনা ? বাং সাঁওতাহাঃ, বাং গাঁওতাহাঃ বাং ইন্ডাস্ট্রিয়াঃ ? তবে চেৎ আঁজম জম গে রৗস্কৗ ? সে দারায় কান দিন রেহঁ আয়মা বসেন বাবু লেকান কৗরিগলক অৗদিন রে জিউয়ি বৗতি ইঁড়িজঃ তাকোওয়াঃ ? বসেন বাবু লেকান কৗরিগলআঃ নোওয়া অৗদিন দিন রে বঁগা তালা দ আয়মা হড়-গে মন খনাঃ বাংক মানাও দাড়েয়াঃ কান তেগে নোওয়া রেনাঃ তুংখি তলাশ রেনাঃহঁ দৗবিক রাকাব এদা মেনতে বাডায়ঃ কানা।
.webp)
.webp)
.webp)
