 |
| ডাঃ সুরেন্দ্রনাথ মান্ডি |
তেহেঞদ ‘১২ জুন,
ধৗরতি জাকাত গিদৗর কৗমিয়া জাঁগে দারাম মাহা’ ( World day against child labour) মানাওঅঃ
কানা। অনা মাহা দিসৗকাতেগে মিৎ বার কাথা।
আবো দিশমরে ১৪
সেরমা উমের হৗবিচ্ রেন মৗনমি কদ গিদ্রৗবন মেতা কোওয়া। রেঁগেচ্ অড়াঃ পুরিবার রে জানামাকান
নংকান গিদ্রৗ কদ অভাব অকুলিয়ৗন খৗতির তে হিনৗনিয়ৗ আঁঝাট কৗমি তেকো বাধ্য আ। নংকান
গিদ্রৗ কগে গিদ্রৗ কৗমিয়া কো মেতা কোওয়া।
আবো সমাজরেন জৗসতি
গিদ্রৗ কগে ইতুন আসড়া (School) তে বাং চালাও
কাতে বৗইদ,বৗইহৗড় রেনাঃ চাষ-আবাদ কৗমি, অড়াঃরেনাঃ হিনৗনিয়ৗ কৗমি আর মাহরা সে গুতি কৗড়মি
কৗমি করেগে জপ্ড়াও মেনাঃ কোওয়া। ইনৗ করেৎ বেগর ইটৗভাটা বাংখান মটর গ্যারেজরে,আর বাংখান , হোটেল করেৎ হঁ
কো কৗমি কান গেয়া বেগর কুড়ৗই আর বাংখান কম কুড়ৗইতে, লাচ্ দাকা ঞাম বাদাল তে।
গোটা ধৗরতি পুরিরে
নিতোঃ সানাম লেকান গিদরৗ কামিয়ৗ কোওয়া লেখা দ পেরাই পোন কোটি লেকা আর অনা ভিতরেরে আবো
ভারত দিশমরেগে গিদরৗ কামিয়ৗ কোওয়াঃ লেখাদ বার কোটি লেকা। কোলকাতা লেকান শাহার বাজাররে
গিদরৗ কামিয়ৗ কোওয়াঃ যাঁহা শায়কাড়া হিসৗব ঞামঃ কানা অনারে বাডায়ঃকানা ,সোর-সোপোর পনৎ
-মেনমা উড়িষ্যা, বিহার,ঝারখন্ড এমান পনৎ খন গিদ্রৗ কৗমিয়াকো হিজুঃ আ শায়কাড়া ৩১ হৗটিঞ,
পছিম বাংলা রেয়াঃ জিলৗ খন কো হিজুঃআ ১৫ হৗটিঞ। আবো ভারত দিশমরেন ঢেরতেৎ গিদ্রৗ কৗমিয়া
কগে ইতুন আসড়া রেয়াঃ দুওয়ৗর গৗনাডি বাংকো লেবেৎ আকাদা।
গিদরৗ কৗমিয়া আনাট রেয়াঃ মুড়ুৎ অজে কদ
কানা :
সাগাল সাগাল মানওয়া
বৗড়, অলঃ পাড়হাও বাং বাডায় আর রেঁগেচ্ জালা। অভাব, আনাট,খৗতির মুরুখ আয়োবাবা, গিদরৗ
কদ ইতুন আসড়াতে বাং কোল কাতে অড়াঃ সংসার – সাগাড় লাহা ইদিয় রে গড়সপহৎ লৗগিৎ বৗইদ্-বৗইহৗড়,মাঠ-ঘাট রেনাঃ কৗমি রেকো লৗগ্য়ৗ
পাড়াও অচ কোওয়া আর বাংখান কিঁষৗড় অড়াঃ রেকো
গুতি-কৗড়মি কাকোওয়া।
গিদরৗ কৗমিয়া
কদ আকোওয়া হড়ম দাড়ে খনহঁ আঝাট কৗমি তেকো বাধ্য
আ, এনতে ওন কোওয়াঃ মা রড় দারাম রেনাঃ দাড়ে বাং তাকো,বানু তাকো ইউনিয়ন। আকো আরজাওয়াঃ
জা উডিচ্ কুড়ৗই হঁ আকোদ বাংকো ভুঁজাও দাড়েয়াঃআ
বাদালতে অকয় কদ জুটৗও আকোওয়া লৗটু কো হতেচ্তে নাহাচার, আঁদা কচ্লন। যাঁহায় গিদ্রৗ
কদ অনকান কৗমি করেৎ জপড়াও অচ করেনাঃ কাথাগে বাং কানা, এন তেরেহঁ কৗমি তেকো বাধ্য আ,খৗতির
আয়মা লেকানাঃ রোগ-আজার জটাও আকোওয়া; অক্তমাছা, ঠিকমাছা জমাঃ ঞুওয়াঃ হঁ বাং জটাও আকোওয়া।
যাঁহা উমেররে খেলোড খেলোড তে রৗস্কৗ রমজতে ইতুন আসড়া চালাও কাতে অলঃপাড়হাও সেঁড়ায় রেয়াঃ
কাথা, অনা উমেররেগে ওনকো দকো হোয়ো কানা লৗগৗড় কৗময়ৗ।
আবোদিশমরে গিদ্রৗ
কোওয়াঃ আনাট সাহায় লৗগিৎ আয়মা আয়মা আইন তেয়ারাকানা, যাতে গিদ্রৗকো চেতান নাহাচার আল
হোয়োঃমা। ‘মিড-ডে-মিল’,সর্বশিক্ষা অভিযান’এমান এমান পান্থা চালুওয়াকানা, যাঁহা করেয়াঃ জস্ দ – গিদ্রৗ কোওয়াঃ
‘ড্রপ আউট’ আল হোয়োঃমা, মেনমা ইতুন আসড়াতে গিদ্রৗ যাতে দিনৗম হিলঃ কো চালাঃমা। মেনখান
আইন সে পান্থা তেয়ার সুমুং তেদো গিদ্রৗ কোওয়াঃ আনাট দ পুরৗপুরি বাং সাহাঃআ,আনাট রেয়াঃ
রেহেৎ গে পাঁজা তোৎ লেক্ কানা; অনাতে সানাম খন মাড়াংতে লৗগতিঃ কানা শিখনৗৎ রেয়াঃ পারশাল,
রেঁগেচ্ সাহায় আর সানাম মৗনমি কোওয়াঃ সচেতনতা বাড়হাও,অনা সাঁও সাঁওতে জানাম বৗড় টেকাও
দারাম। পরিকল্পনা জওয়াও অচ লৗগিৎ তে আবো কো লাহা হিজুঃ হোয়োঃ তাবোনা,যাতে নিরিখ অক্ত
ভিতরিতে আবোবোন ঞেল ঞাম্মা সানাম গিদ্রৗ: কোওয়া লাঁদা মেৎহা আর বোন উইহৗর দাড়েয়াঃমা-
গিদ্রৗ কোওয়াঃ লাহান্তি মানেগে দিশম রেয়াঃ লাহান্তি।
.webp)
.webp)
