হেঁদে হারতা
হড় চেতান নাহাচার তিস চাবাঃআ ?
 |
| ডঃ জলধর কর্মকার |
ধৗরতি রেন ঝতখন
সরেশ সিরজন কো হোয় এনা হর। হড়কো মুদ্রে আদিবাসী, বিশেষ কায়তে সান্তাড় হড় গে সানাম
খন পোয়লো “হড় হপন” মেনতে আপনারাঃ কো এম লেদা। নোওয়া “হড় হপন”- কাথা মুদ্রেগে মিৎ আন্তর্জাতিক বোধ সে সানাম কো আপনার
রেয়াঃ মিৎ দুলৗড় মেনাঃ আকাদা। ‘আদিবাসী’ ‘সান্তাড়’ নোওয়া কাথাকদ নেবেতার রেয়াঃ কাথা।
মেনখান ধৗরতিরেন
সানাম হেঁদে হারতা হড় হপন চেতান পোঁড় হারতারেন হড় কোওয়াঃ অৗড়িশ আর কচলন্ তিস চাবাঃআ
অকয়ে মেনকেয়া ? নোওয়া বিরুধরেয় লৗড়হায় লেন খৗতির গে দক্ষিন আফ্রিকারেন নেল্সন ম্যান্ডেলাদ
২৭ সেরমা জেহেল্রে বুন্দি কো দহলেদেয়া। আবো দিশম রেন মহাত্মা গান্ধী হঁ দক্ষিন আফ্রিকারে
তাঁহে অক্ত অঁডে হেঁদে হারতা (কৃষ্ণাঙ্গ) সে হেঁদে হড়ম হড় চেতান পোঁড় হারতা রেন (শ্বেতাঙ্গ)
হড় কোওয়া শাসন, সিয়াঁজৗরি আর বে-বৗড়িচ্ নাহাচার ঞেল কাতে ‘নাটাল সরকার’ বিরুদ্ রে
আঁদোড় এ জৗরিলেদা, নাগাম রে জাঁহাদ ‘সত্যাগ্রহ আঁদোড়’ লেকাতে অল মেনাঃআ।
সেদায় যুগরে আবো
ভারত দিশমরেহঁ আর্য জৗতি থক্ রেন শিবড়িয়ৗ পোঁড় হারতারেন হড়কো হেচ্ কাতে আবো শাসন
দিশম রেন হড় চেতান নংকাগে সানামাঃ রেচ্ হাতাও কাতে শাসন আর কচ্লন ক এহপ্ ক লেদা।
সেদায়াঃ মারেন দাঁসায় সেরেঞ করে নোওয়ারেয়াঃ পরমান সাবুদ্ মেনাঃআ। আর্য কোরেন রাজ ইন্দ্র
দ কো মেতায় কান তাঁহেন ‘পুরন্দর’। ‘পুরন্দর’ কাথারেয়া মানেদ হোয় এনা-যাঁহায়দ পুর সে
নাগার এ ধাসাও, নাশাও দাড়েয়াঃআ (যিনি পুর ধ্বংস করতে পারেন তিনিই পুরন্দর)।
বাদোলি, কঁয়ডা,খয়েরি,
চায়,চাম্পা,হলং গাড়, কুটৗম্ পুরি গাড় এমান মঁজ মঁজ নাগার করে কো গিরৗবাস লেন হড় হপন
কোওয়াঃ গাড়,অড়াঃ দুওয়ৗর ধাসাও কাতে আর্যকো আবো দিশমরে রাজ কো বেরেৎ লেদা। ঋক বেদ্
রেয়াঃ ১০ হাজার শ্লোকরেয়াঃ অৗডিগান বাখেড় নোওয়া
কাথারেয়াঃ সাবুদ্ ঞামঃআ।
নাহাঃ যুগরে পোঁড়হারতা ইংরেজকঁহ আবো দিশমরে হেচ্ কাতে
নংকানা শাসেৎ আরহঁকো বৗড়তি লেদা। ইংরেজ কবি রুডইয়ার্ড কিপলিং মা ‘শ্বেতাঙ্গদের বোঝা’
ঞুমতে আয়াঃ তত্ত্বরে পুষ্টাও কাতেগেয় রড় সদর লেৎ , ‘নোকো হেঁদে হারতারেন হড়কো লৗগিৎ
গে চাঁদবঁগা আকোদয় (ইওরোপিয়ানকো ) ভেজা আকাৎ কোওয়া। অনা হিরখৗ খৗতিরগে নঁডেরেন হড়দ
‘নেটিভ’, ‘বর্বর’,’কালা আদমি’,’চুয়াড়’ এমান এগেরতেকো হিরখৗ আৎবন তাঁহেন।
ধৗরতিরে সানাম
খন কিঁষৗড় মেনতেকো গরব জং আমেরিকা দিশমরে নংকা কাতেগে নে-হালেগে পোঁড় হারতাকোরেন মার্কিন
পুলিশঠেন হর তালারে নিঠুর ,নিরমায়াতেয় গচ্ হচয়েনায় হেঁদে হারতারেন হড় ফ্লয়েড জর্জ। হর তালারে ঘাসড়াও ঘাসড়াওতে কড়ামরে বুট জুতাতে লেবেৎ
কাতে জিউয়িক হাতাও কেৎ তায়া। নোওয়া চিতৗর সোস্যাল মিডিয়ারে পালেন সানামকোবন ঞেল আকাদা।
অনা খৗতির গটা মার্কিন মুলুকরেন হেঁদে হড় শায়-কাড়াং তে দুমেল দুমেল অডং কাতে নংকানাঃ
শাসেৎ বিরুদ্ রেক আঁদোড় এদা হররে আঁড়গো কাতে। বতরতে প্রেসিডেন্ট ডোনাল্ড ট্রাম্প বাংকার
লাতাররে উকুলেনায়। এনহঁ উনিয়াঃ গারজাও হুমকি বাং কম লেন তায়া। নতে হেঁদে হারতারেন হড়হঁ
আদ তায়মঃ হড়দক বাং কানা। মিৎ বার দিশম বাদ কাতে আয়মা দিশমগে নিৎ নুকু গড়ঃক এমা ক কানা।
উনকুওয়াঃ আঁন্দোড়রে আবোকহঁ জাঁগা লাহায় হোয়ো তাবোনা।
নে হালেগে আবো
দিশমরেয়াঃ ঝতখন চেতান থক্রেয়া বিচৗর বেবস্থা মানান সুপ্রিম কোর্ট,সি পি আই(এম) এ ডি
এম কে এমান কো লাড়াওলেন মিৎ বিচৗররে রায় এ এম আকাদা যে ‘সংরক্ষণ দ মৌলিক অধিকার দ বাং
কানা।। নোওয়া কাথা সৗরি লেন খান আদিবাসী,তপশিলী ,ওবিসি সানাম তি-তে বাং দাল কাতে লাচ্
রেকো গচ্ বোনা।
নাহাঃ ঞেলঃ কানা
আবো দিশম রেহঁ আয়মা লৗঊড়িয়ৗকো ‘মনুবাদী নীতি’ হাতাও কাতে হড় হপন কো তালারে হানা নোওয়া
ঞুম কাতে ভেপেগেৎ কো রেয়াঃ আয়মা লেকানাঃ পান্থাকো হাতাও এদা। ওনকো ঠেন দ সানাম রেঁগেচ্
–অড়েচ্ হেঁদে হারতা রেন জুগুৎ আঁদোড়্ গে সানাম খন বতরাঃ। অনাতে হিনৗ –নিয়ৗ ঢেসনা কাতে
হড় হপন চেতান নংকানা কচলন, নাহাচার নিৎহঁ তঁগে গে মেনাঃআ। অনাতেগে কুকলিদ- “হেঁদে হারতা
রেন হড় চেতান তিস্ চাবাঃআ নাহাচার ?”
.webp)
.webp)
