আবোওয়াঃ ওয়েব পেজ্ - দিশম লৗড়হৗই মেন্তে কাথা । আবোদ সানামগে ভারত দিশম রেন নাগারিয়ৗ। দিশম লৗড়হৗইরে সানামগে ভারত দিশম সোররে বন তাঁহেনা।ভারত-চীন লাদাখ রেনাঃ গালওয়ান সিঁয়াড়রে চীন ফৌদ্ক সালাঃ লৗড়হৗইরে ভারত দিশম রেন ২০ গটাং ফৌদ্ক শহীদ এনা। আর নিৎহঁ চীন ফৌদ্ক গালওয়ান সিঁয়াড়রে তাঁহে কাতে আরহঁ নাওয়া কারতে ফৌদ্ এ আগু সাঁগেয়েৎ কোওয়া মেন্তে বাডায়ঃকানা। চীন দ ভারত দিশম সালাঃ লৗড়হৗই লৗগিৎ গে নুনৗ সৗহিজুহি তায় মেন্তেহঁ বাডায় আকানা। নোওয়াক খৗতির গে হলা দিশম রেন মারাং মন্ত্রীয়াঃ হহতে পনৎ রেন সানাম রাজঅৗরি রেন নেতা-মন্ত্রীক সালাঃ মিৎ কনফারেন্স হোয় পারমেনা। নোওয়া কনফারেন্সরে তালমা সরকার ঠেন বিরুধী রাজঅৗরি দল ক ভারত-চীন লৗড়হৗইতে অৗডি গটাং কুক্লিক রাকাপ্ লেৎআ। কুক্লিক রাকাপ্ আকাদা আবো দিশমরেন ফৌদ্কোওয়াঃ তিরে চেদাঃ সাপাপ্ বাং তাঁহে কানা? চীন দিশমরেন পি এল এ আবো দিশমতে বাংক বল লেনখান চিকৗতে আবো দিশম রেন ফৌদ্ক শহীদ এনা? দিশমরেন গোয়েন্দাক চেৎ ডগর গে মাড়াং বাংক ঞাম দাড়েয়াদা?
মারাং মন্ত্রী নোওয়াক তেলা ইদি কাতে লৗই আকাদায় বাংমা আবো দিশম রেনাঃ সিঁয়াড় অকয়হঁ বাংক লেবেৎ পারম আকাদা। আরহঁ বুঝৗও রেনাঃ এ রিকৗওয়াকাদা –খাঁটি সিঁয়াড় দেখ্ ভাল হোয়োঃ কান তেগে লৗড়হৗই সিরজৗ কানা। মারাং মন্ত্রী আরহঁয় লৗই আকাদা লাহা নোওয়া লৗইতে অকয়হঁ কুক্লি বাংক রাকাপ্ আকাদা অনাতে অকয়হঁ বাধা বাংক এম আকাদা। নিৎ আবোরেন ফৌদ্ চেতান বাধাক এম এদা। আর অনা বাধা এম লেখান গে লৗড়হৗই বৗড়তি আঃ। তবে ভারত দিশম নোওয়া লৗইতে সন্তররেগে মেনায়া মেন্তেহঁয় লৗই সদর আকাদা।
নোওয়া কনফারেন্স রেনাঃ মুচাৎরে সানাম লেকান কাথা গাপাল মারাও কাতে বাডায় আকানা সানাম রাজ অৗরিরেন নেতা মন্ত্রী কগে , সানাম সেনতে চীন উচিৎ শিখনৗৎ এমঃ রেনাঃ কাথা গেক রড় আকাদা। উনকুক ক লৗই আকাদা দিশম লৗগিৎ আর দিশম রেনাঃ লৗড়হৗই রেদ সানাম দলগে তালমা সরকার যাঁহা কাথায় রড়া অনারেগেক গড় আয়া।
নোওয়া ইদিকাতে পছিম্ বাংলা রেন মুখিয়ৗ মন্ত্রী মমতা বন্দোপাধ্যায় রড় কেদা –গটা দিশম নোওয়া ইস্যুতে মিৎ। গণতান্ত্রিক ভারত ঠেন চীন এ হারাঃআ। দিশম রেনাঃ লৗড়হৗইরে আলে তালমা সরকার সোররে মেনাঃ লেয়া। আরহঁয় লৗই তরা কেদা রেল, বিমান, পরিবহন, টেলিকম করে চীন রেয়াঃ বলন হর একাল তে বন্দ হোয়োঃমা। নোওয়াক সাঁওতে পরিকাঠামো লাহান্তিরে সরাসরি চীন বয়কট রেনাঃ কাথাহঁয় রাকাপ্ কেদা মেনতে বাডায় আকানা।
.webp)
