বৗর্নিবাহা

                                              (হুডিঞ মাছা কৗহনি)

 বৗর্নিবাহা

জ্যোৎস্না সোরেন

সরকার বাহাদূরিচ অৗসুল গুতি কোলকাতা পুলিশ বানেশ্বর মান্ডী ৷ পে সেরমা পরে দুলৗড় ঘাঁরঞ্জরে বিটিয়  অমন লেনরে বানাহড়াঃ  ঞুতুম বানেশ্বর আর বনার্লী মেসা কাতে সাধের বিটিয়াঃ ঞুতুম কিন দহকেদা "বার্নিবাহা' বৗনিজ বাহা বৗর্নিবাহা ৷ 
    

পোয়লো আষাঢ় রেনাঃ ঝিপির দাঃতে হৗলি হৗড়য়ৗর পৗরকিত লেকাগে মঁজগে ঞেলঃ বার্নিবাহাদ কায়রাপুঙ্গি রূপ আতে মোলোঃ চাঁন্দো লেকাগে বসমতারেয় আড়গো লেনা ৷ হপন হপন ফান্ডরালেকা জামা আর অৗঠু চেতান প্যান্টুলুন হরঃ কাতে যখন আয়াঃ মিরু আড়াংতে ড্যাড-আর মাম্মিয় হহয়া, অৗডি তেৎ গে গরব কিন বুঝৗওআ বানেশ্বর তৗকিন দ ৷ খৗলি বাবা আয়োগে আতো অড়াঃ চালাও লেনখান মেন গদায় "এনা গড়ম, য়ু বাবাদ হাংরব দ বৗকিন কিরিঞাম কানা, অড়েজাঃ এম হরঃ আকাৎ দ ??

বালে বেকের বার্নিবাহা  নিতদ, বারগেল বছর রিনিচ কলেজ কুড়ি ৷ বাংলা ,ইংরেজী,হিন্দি,চেৎ তেঁহ বাম আদেয়া৷ খৗলি সান্তাড়িতে রড়গে বায় চেৎ আকাদা ৷ অনাদ গাঁইয়ৗ আদিবৗসি কওয়াঃ, হুজু বাং চালা কানা রড় বলে সাকাম ৷ বৗর্নিবাহাদ হড় সামাংরে মান্ডী দ নন্দী লৗইয়ঃ আয় ৷ কলেজ কুড়ি, তিরে ঢালকা ফুন, আতে চাটঃ চাটঃ উসুল পৗনাহি য়াতে যেখন তাড়াম পারমঃ আয়, যাঁহা লেকান কড়াগে  মনে তালা রেল গৗডি চালাও লেকাম বুজগদা ৷

নেতারদ "স্যোসাল মিডিয়ারেনাঃ যুগ ৷ রূপ রংতে সাজাও আকান মেৎ সামাংরে ঝিক্‌ঝাক্‌ বিলিৎ বালাৎ দুনিয়ৗ ৷ তি-ম লাহা লেখান গে গাতে, বৗর্নি রেন হঁ অৗডি গটাং গাতে ৷ অৗডি গটাং গাতে মুদরে " আসরফ" সঙ্গেদ জৗনিচ গাতে মতদ বাং ৷  

মিৎদিন রেনাঃ কাথা ৷ অৗয়ুব এনরেহঁ বৗর্নিদ বায় রুয়ৗড় লেনা কলেজ খন ৷ অৗহিভৗবি মনেরে বৗড়িজাঃগে হিঁদিচ হিজুঃকানা ৷ দিনকাল বদলঃ কানা ৷ কুড়ি গিদরৗ চেতান নাহাচার বে বৗড়িচ চিতৗর ক দিশৗ কাতে এগাঁৎ আপাৎ মনেদ রহড় সাকাম লেকা গস মুলিন এন তৗকিনা ৷ চেৎ কিন চিকৗয়া,চেৎ করাও লেখান নাপায়ঃ আ, অনা ক উইহৗর উইহৗর তিগি আরে টাড়াং বাজাও এনা ৷ বাহ্রে রে বাইক রেনাঃ সাডে  আঁজমতে ওন্ডোক  কাতে ঞেলেয়াকিন বাহা অকয় কড়াওয়াঃচ মটর সাইকেল রেনাঃ তায়ম খনে আড়গোন কানা ৷

আয়ো বাবা, যাহানাঃ লৗই মাড়াংরেগে বৗর্নিয় মেন কেদা "সরি ড্যাড এন্ড মম,আজ আসরফ এর জন্ম  দিনের পার্টি ছিল ৷ আমার ফোনে চার্জ ছিলনা বলে জানাতে পারিনি ৷ আই এম এক্সট্রিমলি সরি ৷ আমি খেয়ে এসেছি, তোমরা খেয়ে নাও "৷

বৗর্নি বাহাওয়াঃ হড়ম খন বিলৗতি পৗউরৗ রেনাঃ শ ৷ আসরফ আঃ জানাম মাহা রে, একাল জোর কাতেগেয় চাখা হচ কেদেয়া ৷ একাল অনা মতদ বাং হড়ম রেনাঃ হেড়েম গাবে দুলৗড় তেহয় আপনার কেদেয়া ৷