(হুডিঞ কৗহ্নী)
লিপুর দিশৗতে
দুলৗড় বিটি
ঞুহুম তালা ঞিদৗ। আর
ঞিদৗক লেকাগে রতনহঁ আচ্রেন গাতেক সালাঃএ জৗপিৎ লেদা। আচকাগেয় এভেন এনা। দিশৗ
হেচ্ আদেয়া আচ্রেন সাধের সনা লিপুরাঃ
কাথা। লিপুর থিয়ৗ থাপে তাড়াম
তাড়ামতে নেঃগে এড়ে নাসে বা—বা ,বা-ব্বায় রড় এদা। কৗমি লাঁগা হড়মরেয় তাঁহেনরেহঁ রতন
দিনৗম মিৎ ধৗও কাতেৎ অড়াঃরেয় ফোনা। অড়াঃ রেনাঃ বুগি বৗড়িচ্ খবর হাতাও কাতেৎগে লিপুরে
চেরেজেয়া। বাবা মেন মে বিটি বাবা মেনমে। লিপুরাঃ তারা তারা বাবা আড়াংতে রতন আয়া লাঁগা
জিউয়ীয় রাড়েজ তায়া। নংকাগে অকা অকা দিনদ চেরেজ্ চেরেজ্ তে লিপুরে জৗপিদ্ কায়া।
রতন নিৎ অৗডি
জোর অড়াঃ চালাঃ সানায়ে কানা। লিপুরাঃ কাথা ঘানে ঘানে দিশৗ হেচ্ আয় কানা। মেন খান নুনৗ ঞিদৗ অকায়
চালাঃআ। চেৎহঁ বায় গটা দাড়েয়াঃ কানা। আচ্রেন গাতেক তিনৗঃ সুখ ক জৗপিৎ জং কানা। মিৎ
ধাও এ কয়ঃ আৎ কোওয়া। আর মনে মনেতে চেৎ কচয় বিড় বিড় কেদা। আর বৗয় বৗয়তে লিল বাতি আহ্লারে
আয়াঃ জিনিস ক বেগ্রে সাঁজাও কাতেৎ হৗপি হৗপিতে পাঁচ্রি দন পারম কাতেৎ তাড়াম এ ধুরৗও
এনা।
মেনখান নিৎমা
গটা দিশম লক ডাউন চালাঃকান। অকারেহঁ গৗডি বায় ঞামা। নোওয়াদ রতনাঃ ভাগে ঠিক গে বাডায়
মেনাঃ তায়া। গাতে কঠেনে আঁজম আকাদা হানকু নুকু, হাঁডে রেন নঁডে রেন আয়মা হড়গে তাড়াম
তেগেক চালাঃ কানা। খবর কাগজ করেহঁয় ঞেল আকাৎ কোওয়ায়। আচ্হঁ গাতে কঠেন অড়াঃ চালাঃ
কাথায় লৗই বাডা লেৎ গেয়া। মেনখান অকয়হঁ তাড়ামতে
সেনঃ বাক রেবেন লেনা। সানামগে লক ডাউন রাকাপ্ ধৗবিচ্ ক তাঁগিয়াঃ। মেনখান রতনে
মনে কেদা লক ডাউন তিস চং রাকাব চং বাচং রাকাপ্ ? অনা মাড়াংগে আচ্ অড়াঃ এ সেটেরঃআয়।
গাতে কোওয়াঃ নওয়া কাথা আঁজম কাতেৎ ইনৗহিলঃ
খনগে রতনা মনদ আঁদ মাঁদাও আকান তায়া। মাড়াংতে মিৎ দিন অড়াঃ গমকে হিরৗ ফোনতেয় লৗইয়ায় কান তাঁহে কানা। অৗডি জোর
বিটি দিশৗতে অড়াঃ চালাঃ সানায়ে কানা। হিরৗ সঁগে
সঁগেতে রড় রুওয়ৗড় আদে তাঁহে। একদম বাং ,মিৎ মৗৎ তাড়ামতে আলম হিজুঃআ। অকারে মহারাষ্ট্র
! অকারে পুরুলিয়ৗ! হিরৗ
বাডায়ায় নঁডেখন মহারাষ্ট্র চালাঃ
বার সিঞ বার ঞিদৗ গৗডিতে উনৗঃ জোর চালাঃ রেহঁ হিসৗবরে পে মাহা অৗনিচ্ সেটেরায়। অনারে
তাড়াম!!মেনখান রতন দয় তাড়াম আকাদ্ গেয়া। লাহা তায়ম সেতা অৗডি জোরক ভূ ইদিয়ায় কানা।
লহ্ লহ্ টা-টা কাতেয় পারম চালাঃ কানায়। রতনাঃ এমনি রেহঁ বতর বৗনুঃ তায়া। হড়ম রেনাঃ
দাড়েহঁ বাং কম তায়া। তাড়াম তাড়ামতে রোহা রেল টেশন এ তিয়ঃ কেদা। উনহঁ ঞিদৗ গেয়া। মেন খান টেশনদ বায় বল লেনা। বাডায়ায়
বল লেন খান নিৎগে পুলিশ ঠেনে পাক্ড়াও হচঃ আয়। সাঁগিন খন গেয় ঞেল্ এদায় টেশন তিনৗঃ
নিশুন। হড় জন চিলি হঁ বৗনুঃ আকাৎ কোওয়া। অঁডে খনগে উনিদ সঝহে মহারাষ্ট্র রেনাঃ ঞুতুমান
লোকনা তিলক নগর টেশন সেনে মঁহডায় এনা। বাডায়ায় অঁডেখনগে সঝহে আয়াঃ মুঁ জকতে তাড়াম ইদিয়ায়।
নতে সেতাঃ মারশালেনা
রতন বায় ঞেলঃ কানা। গাতেক কুলি কুপুলি কানা। রতন দয় অকায়েনায় ?অকয়হঁ তেলা বাক
এম দাড়েয়াঃ কানা। ঞেল কেদাক রতনা বেগ,জুতৗ চেৎহঁ বৗনু তায়া। পাঁজাক ধুরৗও এনা। সারাদিনক
পাঁজা কেদেয়া রতনাঃ চেৎ টওয়াঃগে বাক ঞাম লেদা। নতে ফোন হঁ বাং লাগাঃ কান তায়া। তবে
চেৎ রতন তাড়ামতেগে অড়াঃ এ চালাঃ আয়? গাতেক মেন জং কানা। আর থির থার বাক তাঁহে দাড়েয়াদা।
দশার দিন আকোরেন মালিক ক খবর আদেয়া। মৗলিক থানারে রতন ঞুতুমতে মিসিং ডায়েরী কেদায়।
নতে বৗরুডি রতনাঃ
অড়াঃরে খবর সেটের এনা। রতন কৗমি ঠাঁওরে বায় ঞামঃ কানা। নওয়া কাথা আঁজম সাঁও হিরৗ
হাঃ কড়াম পশাঃ এন লেকায় বুঝৗও কেদা।
ইনৗ তায়ম রড় রুওয়ৗড় কেদায় উকুর অড়াঃ ত বায় হেচ্ আকানা। তেহেঞ ২৭-২৮ দিনে হোয়োঃ কানা
রতন বায় হেচ্ আকানা। তবে চেৎ নওয়া লক ডাউন রে যাঁহান চেৎ………..? বাং বাং সঁগেতে হিরৗ
মচায় বেদ্ কেৎ তায়া। বৗরুডি আতো
নিৎহঁ থম থমগে মেনাঃআ। বৗরুডিরেন আয়মা হড়াঃ মচা রেগে আঁজমঃ কানা ,করোনা ভাইরাসতে তিনৗঃ
হড় হপনক গুজুঃ কানা আকোওয়া বাডায়
বৗনুঃআন। মেনখান রতন লেকা তিনৗঃ নামাল কৗমি হড়ক আদঃ কানা সে লক ডাউন রেগেক আটক তাঁহেনা
জিউয়ী অৗওরি চালাঃ ধৗবিচ্ ? অনা হঁকি আতো অড়াঃ রেন হড় লৗলৗই লাগাও কোওয়া ?? তবে হিরৗদ
আতো অড়াঃ রেনাঃ কাথারে বায় লুতুরাঃআ। সনা লিপুর হবর কাতেৎ লক ডাউন রেনাঃ দিনে লেখায়া
আর রতনাঃ হিজুঃ হরে কয়ঃক্কাআ কুংকি হড় লেকা।
.webp)
.webp)
.webp)
