 |
| মুখিয়ৗ মন্ত্রী মানতান হেমন্ত সরেন। |
আবোওয়াঃ ওয়েব পেজ : দিশমরে লক ডাউন চালাঃ কান খৗতির বাহ্রে
দিসম কৗমি জম হড়াঃ কাথা পৌলয় দিশা কেদা ঝাড়খন্ড পনৎ রিনীচ্ মুখিয়ৗ মন্ত্রী মানতান হেমন্ত সরেন। উনকোওয়াঃ হালে
ডালে ঞেলতে এটাঃ পনৎ রে মেনা আকাৎ নামালিয়ৗক আয়াঃ
পনৎ তেয় অৗগু কেৎ কোওয়া। আর অনাতেগে নিৎ উনিয়াঃ কৗমি ঞেলতে আয়মা কৗমি জম হড় মেমেনক
ধুরৗও আকানা- রড় রেদ বাং, কৗমি লাহারে // নামালিয়ৗ অৗগুয়রে ঝাড়খন্ড সরকার সানাম খনা লাহারে।
সাঁওতে আর এটাঃ এটাঃ পনৎ রেহঁ নোওয়া রেনাঃ এলাংদ সেটের গৎ আকানা।
বাডায় আকানা নোওয়া লক ডাউন তায়ম খনগে আয়মা নামালিয়ৗ আকোওয়া
কৗমি ঠাঁও রেগেক আটক তাঁহেয়েনা । গৗডি মটর বাংতে অড়াঃ রুওয়ৗড়ঃ রেনাঃ হরহঁ বনদয়েন তাকোওয়া। বার সিঞ খানগে জমাঃ রেনাঃ আনাট ঞেল এন তাকোওয়া।
উপৗয় বাংতে জানাম ভিটৗ সেন তাড়ামক এহব কেদা। অকয় সেটেরেন অকয় বাং ? উনকু রেন তলাশ হাতাও
হড়দ মিৎ মাত্র আকোরেন অড়াঃ হড়গে। সোস্যাল মিডিয়া করে নংকানা আয়মা হাহাড়া চিতৗর ঝালকাও
রাকাপ এনা। দিশম রেনাঃ আয়মা কঁড় খনগে জমাঃ বাংতে নামালিয়ৗ কোওয়াঃ রাঃ মেৎহা ঞেল এনা।
নোওয়াক চিতৗর
ঞেল কাতেৎ ঝাড়খন্ড রিনীচ্ মুখিয়ৗ মন্ত্রী
কিরিয়ৗয় হাতাও কেদা আয়াঃ পনৎ খন যাঁহা তিনৗ হড়,
বাহ্রে পনৎ নালহা অৗসুলঃক চালাও আকানা সানামক আয়াঃ পনৎ তে অৗগু রুওয়ৗড় কোওয়া। মেনখান
মচাতে মেন আর কৗমি উনাঃ বাং আলগাহা। পৌলরে
তালমা সরকার ঠেন দাবীয় দহ কেদা। সানাম পনৎ রেন নামালিয়ৗক আপান আপিন অড়াঃক রুওয়ৗড় সেন
দাড়েয়াঃমা। নোওয়া কাথা তালমা পাহ্টা খন বন্দেজ হাতাওঅঃমা। মেন খান বাডায় আকানা তালমা
সরকার নোওয়া দাবী অনকান মেৎতে বায় ঞেল লেদা। উনরে আরহঁ তালমা সরকার ঠেন এদ্রে আড়াংতে
সদর কেদায় বিদেশ খন যাঁহায়ক হিজুঃ কানা উনকুদ চেৎ তাড়াম তেক হিজুঃ কানা ?
ইনৗতায়ম মানতান
সরেন থির বাং তাঁহে কাতেৎ তেলেঙ্গানা সরকার সাঁও রপড় কাতেৎ ২৪ গটাং বগি রেনাঃ ট্রেনতে
আয়াঃ পনৎ রেন আয়মা নামালিয়ৗয় আগু কেৎ কোওয়া। ইনৗতায়ম রাজস্থান খন আয়মা পৗঠুওয়াকঁহয়
অৗগু কেৎ কোওয়া। ইনৗতায়ম মিৎ মিৎতে আরহঁ এটাঃ এটাঃ পনৎ করে খন অৗগুয় ধুরৗও আকানা মেন্তেহঁ
বাডায়ঃ কানা।অনা বেগর মোবাইল এপস তালাতে নামালিয়ৗ কোওয়াঃ ব্যাঙ্ক অ্যকাউন্টরে ১০০০ কাতেৎ টাকাহঁ গড়য় এমাকো কানা । বাডায় আকানা নিৎ ধৗবিচ পোন লাখ খনহঁ বৗড়তি ঞুতুম রেজিসট্রেশন হোয় আকানা। নামালিয়ৗক অড়াঃতেক রুওয়ৗড় দাড়েয়াঃকানা মেন্তে মুখিয়ৗ মন্ত্রী চেতান আকোওয়াঃ পৗতিয়ৗও আরহঁ গাড়হ
কান তাকোওয়া আর উনিঠেন কুশি রৗস্কৗ হঁক সদর আকাদা
মেন্তেহঁ বাডায় আকানা।
ঝাড়খন্ড পনৎ রেনাঃ
নাগামরে ঞেল আকানা। অৗডি আঁদোড় তায়ম ২০০০ সালরে ঝাড়খন্ড পনত্ সিক্রিতি ঞাম কাতেৎ
পৌল মুখিয়ৗ মন্ত্রী লেকাতে
মানতান বাবুলাল মারান্ডি বাছ্নাও এনায়। মেনখান ঞেল আকানা মানতান মারান্ডি খন এহব কাতেৎ
অকয়হঁ মানতান হেমন্ত সরেন (২০১৯) মাড়াং ধৗবিচ্ আকোওয়াঃ অক্ত মঁড়ে সেরমা মিৎ নাগাড়ে
বাক পুরৗও দাড়েয়াকাদা। বাডায় আকানা সানামগে ডিক ডক ক চালাও আকাদা। অনেকটা আয়া রাম গয়া
রাম লেকাগে। নোওয়া ২০ সালতে ১০গটাং মুখিয়ৗ মন্ত্রী
বদল তায়ম মানতান হেমন্ত সরেন ১১ অৗনিচ্ মুখিয়ৗ মন্ত্রী কানায় মেন্তেগে বাডায় আকানা।
অনাতেগে নিৎ আয়মা
হড়ঠেনগে কুক্লি রাকাপ্ কানা তাহলে চেৎ মানতান সরেনদ মঁড়ে সেরমায় পুরৗওয়ায় ? আয়মা রাজঅৗরি
গৗখুড়িয়ৗঃক সদর আকাদা মানতান সরেনদ নোওয়া লক ডাউন অৗডি কৗমিরেয় লাগাও কেদা। যাঁহারে
আর এটাঃ পনৎক তালমা সরকার সাঁও বাক গাপান কানা। অঁডে মান তান সরেন আয়াঃ পনৎ রেন হড়াঃ
মনেরেয় বল দাড়েয়াকাদায়। নতে আয়মা হড় মঁড়ে সেরমা ঞেল পুরৗও লৗগিৎ তাঁগিরেক তাঁহেয়াকানা
মেনতেহঁ বাডায় আকানা।
.webp)
.webp)
.webp)
