চাষি কোওয়াঃ রাপুৎ মলং বেলে হোড়ো ঞেলতে

দাঃ জাড়িতে বেলে হোড়ো  খন পুংড়ি অডোক রেনাঃ চিতার।

সনাতন টুডু: তেহেঞ মানমি কোওয়াঃ বাঁঞ্চা ডাহার আডি ঞুতাৎ ইদিঃকানা। মিৎ অক্তো চাষি কোওয়াঃ মনেরে রাস্কা উফেল লেনা চাষ হোড়ো ঞেলতে। চেদাঃসে যাও   সেরমা খন নেসদ সিতুং চাষ হোড়ো আডি চরক হোয় লেন তাঁহেদ্‌। হোড়ো চাষ আন   মানমি কোওয়াঃ সানাম লেকানাঃ আনাট সাহা গিডি রেনাঃ মারাং পান্থা দ হোড়ো চেতান। মেনখান মঁড়ে তুরুই দিন যেলেকায় জাপুদ কেদা। দাঃ তিঁগুয়েনা ঝতম বাইদ্‌রে। হানতে নাতে খন দাঃ হেচ্‌ কাতেৎ দাঃ আড়ে চেতানতে লিঁগিন – এ এহব কেদা। বাইদ্‌ রেনাঃ বেলে হোড়ো দাঃরে জবেয়েনা, বারসিং তায়ম হোড়ো গজায়েনা বারাবারিতে। দাঁতন, বেলদা, এগরা, জাহালদা, জেনকাপুর, মোহনপুর, সোলপাট্টা, গোমুন্ডা, কেশিয়াড়ী, গোপীবল্লভপুর, ঝাড়্গ্রাম, নয়াগ্রাম, পটাশপুর, ভগবানপুর, সবং, গড়বেতা, মিদিনপুর, চন্দ্রকোনা, হলদিয়া, কাঁথি সানাম এলাকারে বেলে হোড়ো খুতি রেনাঃ হাহাড়া চিতার। যাঁহা ঞেলতে চাষি কোওয়াঃ হিডির মেৎদাঃ লিঁগিন রেগে মেনাঃআ। মিৎ সেন করোনা ভাইরাস রেনাঃ ধাদস বতর আর মিৎ সেন লক ডাউন রেনাঃ হুলা চামকাও চাষি কোওয়াঃ জিয়ন রেনাঃ তাড়াম ডাহার তেহেঞ কাঁড়াং কাঁড়াং ঞুঁতাৎরে। অনা দুক্‌তে মিৎ চাষিয় মেমেন কানা - “চেদাঃ চাঁদোম এমাদিঞা ইঞদ রাপুৎ মলং।"