আরহঁ “আবোওয়াঃ কাথা”রে অ্যাড ঞেল কাতে সিধু কানু মিশনরে গড় এম চাল মাঝি পারগানা মহলাঃ

নরেন হাঁসদা সাঁও পারগানা বাবাক।

আবোওয়াঃ ওয়েব লেজ : “আবোওয়াঃ কাথা”রে অ্যাড ঞেল কাতে সিধু কানু মিশনরে গড় এম চাল লৗগিৎ লাহা হেচ্‌ এনায় বিন হৗটিঞ মিদিনপুর জিলৗ মাঝি পারগানা মহল।

বাডায় আকানা ১৭ মে হিলঃ বিন হৗটিঞ মিদিনপুর জিলৗ  পারগানা বাবা মানতান রবীন্দ্রনাথ মুরমু , জিলৗ জগ পারগানা বাবা মানতান মনোরঞ্জন মুরমু , মানতান সিবুলাল মুরমু মিশন সেটেরেন সাঁওতে মিশন পাহটা খন সান্তাড়ি অৗরিচৗলি লেকাতে বেল পারকম লটা দাঃ আতেৎক আতাং দারাম কেৎ কোওয়া। সাঁও সাঁওতে মিশন রেন গৗলিম মানতান নরেন হাঁসদা নওয়া লক ডাউনরে হর বির রেনাঃ খবরহঁয় হাতাও তরা কেদা। ইনৗতায়ম জিলৗ পারগানা বাবা আয়াঃ ঘেঁট-পটম খন রাড়া কাতে পৗঠুওয়া গিদৗরক সাঁদেশ এম বাড়া কাতেৎ সাঁওতে আরহঁ গিদরৗক লৗগিৎ ৩০০ কেজি চাওলে, আলু ৫০ কেজি, ডৗল ৫কেজি, জম সুনুম ৫কেজি, খৗজাড়ি ৫কেজি আর রহড়তে ২০০০টাকা মানতান হাঁসদা গমকেয়াঃ তিরে গড় লেকাতেয় এম চাল কেদা মেন্তে বাডায় আকানা।

জিলৗ পারগানা বাবা মানতান রবীন্দ্রনাথ মুরমু সাঁওতে মানতান হাঁসদা আর সেটের তাঁহেলেন গমকে কোওয়াঃ মিৎ গাপাল মারাও হোয়েন তায়ম বাডায় ঞাম এনা বাংমা নোওয়া সিধু কানু মিশন যাতে তায়ম দারাম সরকারী অনুদান এ ঞাম অনা লৗগিৎ বিন হৗটিঞ মিদিনপুর জিলৗ মাঝি পারগানা মহল লাড়াওনা কৗমি হরায় সাবা। আর সাঁওতে নওয়া মিশন রেনাঃ আরহঁ লাহান্তি চিকৗতে হোয়োঃআ অনারেহঁ গড়য় এমঃআ মেন্তেহঁ বাডায় আকানা। পারগানা বাবা মানতান রবীন্দ্রনাথ মুরমুওয়াঃ মচা খন নংকান আশ্বাস কাথা আঁজম কাতেৎ মানতান হাঁসদা গমকেদ বিন হৗটিঞ মিদিনপুর জিলৗমাঝি পারগানা মহল সারহাও এ চাল আদেয়া।

আরহঁ নেঁহালেগে বাডায় ঞাম আকানা “আবোওয়াঃ কাথা”রে অ্যাড ঞেল কাতে সিধু কানু মিশনরে ২০০০ টাকা গড়য় এম চাল আকাদা পুরুব মিদিনপুর জিলৗ রেনগে মিৎ মাচেৎ আর সাঁওতা দরদিয়ৗ মান তান কুনারাম টুডু গমকে। মানতান টুডু গমকেয়াঃ জানাম আতোদ কানপুর ,দাঁতন, জিলৗ পুছিম মিদিনপুর।