করোনা তালা রেগে সগে বলন কানায় গুরলৗও হয় ভান্ড আমফান

বতরগে আমফান গুরলৗও হয় ভান্ড দারায় কানা।

আবোওয়াঃ ওয়েব পেজ :  করোনা আজারতে দিশম হড় নিৎ বতর সাৎলাঃ জুবুথুবু। অনকান তালারেগে আর মাত্র কয়েক ঘন্টা তায়ম খানগে দারায় কানা গুরলৗও হয় ভান্ড আমফান। বায় বায়তে আয়াঃ দাড়ে সাঞ্চাও কাতে অনা মিৎ অৗডি মারাং গুরলৗও ভান্ডরে সিরজৗ কানা। যাঁহা রেনাঃ ঞির দাড়ে ১৫০কিমি/ঘন্টা খন ১৭৫কিমি/ঘন্টা হোয় দাড়েয়াঃআ।

আলিপুর হয় হিঁসিদ দফতর পাহ্‌টা খন বাডায়ঃ কানা তেহেঞ বালে মাহা আর গাপা সৗগুন মাহা মুদ্‌রেগে পছিম্‌ বাংলারে থাসড়াও ঞুর দাড়েয়াঃআয় নুয় গুরলৗও ভান্ড আমফান। অনা সাঁওতে অৗডি জোর গুরলৗও হয়-দাঃ জৗড়ি হোয় দাড়েয়াঃ মেন্তেহঁ বাডায় আকানা।

দাঃ হৗটিঞ খন ছাডা কাতে যাঁহা তিনৗ অৎ হৗটিঞ সেন হিজুঃআ উনৗগে নওয়া গুরলৗও ভান্ড রেনাঃ দাড়ে কম জোরঃ তায়া। তিনৗ গান কম জোরঃ তায়া অনাদ হয় হিঁসিদ সাঁড়েসিয়ৗক বাক আয় উমৗন দাড়েয়াঃকানা। নিৎ আমফান দীঘা খন ৭২০ কিমি আর পারাদ্বীপ খন ৫৭০ কিমি সৗগিঞ রে মেনায়া। তবে তিনরে চেৎ লেকা  রূপ পাল্টাও কাতেৎ হিজুঃ আয় অনা নিৎরে বাং লৗইয় গঃ কানা মেন্তেগে বাডায় ঞাম আকানা। তবে নিৎ ধৗবিচ্‌তে বাডায় আকানা বানার পরগনা আর বানার মিদিনপুর সাঁওতে হাওড়া ,কোল কাতা এমান জিলৗ করেন হড় সন্তর তাঁহেনক লৗই আকাৎ কোওয়া। নতে বঙ্গোপসাগররে হাকো সাসাবিয়ৗক চালাঃক বারন আকাৎ কওয়া।