 |
| কৗমি জম হড় জানাম আতো সেন চালাঃ তালা হর রে তাড়াম তাড়ামতে । |
আবোওয়া ওয়েব পেজ : লাচ্ জালা অৗডি মারাং জালা। গিদৗর খন
এহব কাতেৎ হাড়াম-বুডহি সানাম হড় গে রেঁগেচ্ কওয়া। কাথা রেগে মেনাঃআ লাচ্ মেনাঃ খান
রেঁগেচ্হঁ মেনাঃআ। আরহঁক মেনা রেঁগেচ্তে লাচ্রে সেঁগেল জুলুঃআ। নওয়া কাথাক তিনাঃ
সৗরি সে মিছৗ গেয়া অনাদ নোওয়া দিশম জাকাত লক ডাউনরে আরহঁ সাফাগে ঞেল এনা। পরমান হঁ
দিশম হড়ক ঞেল ঞাম এদা।
নোওয়া রেঁগেচ্
জালা খৗতিরগে তেহেঞ আয়মা হড় কৗমি আসুলঃ নালহা তুমৗল লৗগিৎ বাহ্রেক উডুক আকানা। অকয়দ
জিলৗ খন আর মিৎ জিলৗ, জিলৗ খন
পনৎ, পনৎ খন আর মিৎ পনৎ । পনৎ বাহ্রে দেশ- দিশমহঁক চালাও আকানা।
দেশ- দিশম করোনা
ভাইরাস পাসনাও এন খৗতির। এহব এনা দিসম জাকাত লক ডাউন। নওয়া লক ডাউনরে গৗডি ঘঁড়া ঝত
বনদয়েনা। বাহ্রে উডুকঃহঁ মানা গেয়া। অড়াঃ রেগে তাঁহেন পে। সরকার পাহ্টা খনহঁ হুকুম
জৗরিয়েনা।
এহব এন রেঁগেচ্-নাচার
হড়াঃ মিৎ মিৎ টাং আনাট। যাঁহায়া মিৎ দিন বাহ্রে কৗমি বাং উডুক লেনখান জমাঃ বাং জুটাআ।
উনি অড়াঃরে তাঁহেনায় চিকৗতে ? জা উডিচ্ সাঁঞ্চাও তাঁহেকানা অনাহঁ বার দিনরে ঝত চাবাও
আকানা। মালিক কহঁ তি-ক গুটিয়ৗও কেদা। No work No pay No food .
রেঁগেচ্ জালা
আর দিন সাহাঃআ ? গটা কেদাক মিৎ মাত্র উপৗয় উনকুঠেন জানাম দিশম আতো অড়াঃতে রুওয়ৗড় সেন
হোয়োঃআ। মেনখান হর তিনৗ সাঁগিঞা
অনাহঁ ভাগিগে বাডায় মেনাঃআ। এনহঁ আতো দিশম চালাঃ গেকো গটা কেদা । উনকুওয়াঃ হড়মরে দাড়ে
মেনাঃআ। যাঁহা দাড়েতে বুরুক ধাসাও দারেয়াঃআ,রেল হরক বেনাও কেয়া। এহব কেদাক তাড়াম ৩০০কিমি, ৫০০কিমি, ৭০০কিমি।
তাড়াম তাড়ামতে অকয় কদক সেটের এন অকয় কদ হর রেগে তারাল বাসাল।
নংকাগে মিৎ হাহাড়া
দুখৗলি ঘটন ঘটাও এনা মহারাষ্ট্র রেনাং ওরঙ্গাবাদরে। বাডায় আকানা তেহেঞ ভোর ঞিদৗ
মিৎ
রেল গৗডি নান্দেদ খন মানমাড সেন চালাঃ হররে নামালিয়ৗ হড় চেতানতে পারম চালাও এনা। বগাঁ তালায়েনাক
১৬ গটাং নামালিয়ৗ। উনকুদ
লাঁগা থাকাওতে লাইন রেগেক জিরাঃকান তাঁহেকানা। খবররে বাডায় আকানা উনকুদ সানামগে আকোওয়া
জানাম আতোক রুওয়ৗড় চালাঃ কান তাঁহেকানা। রুওয়ৗড় বাং হোয় লেন তাকোওয়া। নোওয়া দুখৗলি
ঘটনতে দিশম রেন মারাং মন্ত্রী নরেন্দ্র মোদী মিৎ টু্ইট রে গৗহির দুক্ এ সদর আকাদা।
.webp)
.webp)
.webp)
