 |
| রুহনী হিলঃ অড়াঃ চারো ধার গুরিচতে বেড়হায় অৗচুর রেনাঃ চিতৗর। -চিতৗর তুলৗও ইচ্ মহেশ মুরমু |
আবোওয়াঃ ওয়েব পেজ : তেহেঞদ ১৩ই ঝেট। দিশম জাকাত রুহ্নী পাতা।
যাও সেরমাগে তেহেঞ দিন অৗডি মানত্ সালাঃ
নোওয়া পাতা আতো আতো অড়াঃ অড়াঃক মানাও আগুয়েৎ তাঁহেকানা। মেনখান নেশদ বাডায় এনা করোনা
ভাইরাস খৗতিরগে কেবল নেয়াম লেকা গেক মানাও পারম এদা।
সেদায় কাথারে মেনাঃআ বারো
দিনরে বারনী তেরো দিনরে রুহ্নী। আর নোওয়া রুহ্নী পাতাদ ঢের তেৎ আদিবাসী হড় হপনাঃ
টঠা করেগে ঞেলঃগঃআ। অনা লেকাতে আদিবাসী হড় হপনাঃগে আর মিৎ পাতা কানা নোওয়া রুহ্নী।
যাঁহাদ হড় হপনক আপনার আকাদা মেনতেগে বাডায়ঃআ।
আর অনা লেকাতে
ঞেল আকানা নোওয়া রুহ্নী হিলঃগে আদিবাসী হড় হপন আতো করে বেড়া অৗওরি রাকাব সাঁওতে অড়াঃ
রেন তিরলৗক সানাম অড়াঃ রেনাঃ চারোধার গুরিচ্ দাঃ তেক বেড়হায় আচুরৗ। সেদায় হড়াঃ পৗতিয়াও লেকাতে বাংমা নওয়া লল সিতুং দিনরে
বিঞ-কিদিঞক অড়াঃরে আলক বল দাড়েয়াঃমা। সাঁওতে ইনৗ হিলঃ অড়াঃ-দুওয়ার-রাচাক গেচ্-গুরিজাক।
বাডায় আকানা ইনৗহিলঃ
বাবা হড় কদ সেতাঃরে বেরেৎ কাতে উম্ ফারচা, সাফাসাফি লুগ্ড়িচ্ হরঃ কাতে, (দাড়েয়াঃখান
নাওয়া হাঁহঃ) টুংকি আর ঠেকাতে নোওয়া সেরমা লৗগিৎ খেতরে পৌল হোড়ো চারাক এরা। আর অন্তে
তরা খনগে টাঁডি করে খন রুহিন জ (হড়তেদ আষৗড়ি জ) ক আগু তারায়া। আর অনা জ অড়াঃরেন সানাম
হড়ক জম হচঃ কোওয়া। অৗডি তেৎগে হাড়হাৎ জ কানা নোওয়াদ। পৗতিয়াও মেনাঃআ বাংমা বিষ আন বিঞ
গের লেখানহঁ বিষ বাং লাগাঃআ।
আরহঁ বাডায় আকানা
অড়াঃ রেন তিরলৗ কদ খেত খন ছুঁত্ হাসাক আগুয়া। নোওয়াহঁ পৗতিয়াও মেনাঃআ নোওয়া হাসা অড়াঃ
কোণ করে দহ কাঃ লেখান অড়াঃক রেয়াড় তাঁহেনা।
আরহঁ বাডায় আকানা
তেহেঞ লেকান দিন রেগে আতোরেন কড়াক সেতাঃ সেতাঃ
রেয়াড় ফারচা কাতেৎ গুরু বাবা অড়াঃরে সুনুম সিঁদুর আঁড়গ কাতে গুরু বাবা রেন চেলাক হোয়োঃআ।
আর তেহেঞ খনগে পুষ বঁগা ধৗবিচ্ গুরু বাবা সাঁও দাঁড়া দাঁড়াতে নানাহুনার দারে-নৗড়ি-রেহেৎ
লেকান রানক পাঁজায়া, উরুমা আরক চেদা। ১লা মাঘ , আখান যাত্রা হিলঃ অৗডি নেয়ামরে তাঁহে
কাতে গুরু বাবা ঠেন খন সেচেৎ আকাদ্ রানক রিদৗ
আর অনাক রান আতোরেন সানাম হড়ক হৗটিঞা কোওয়া। নোওয়াহঁ সেদায় পৗতিয়াও মেনাঃআ বাংমা নোওয়াক
রানদ সানাম লেকান বীজাণু, ভাইরাস এমানে নাশাও দাড়েয়াকোওয়া।
সারাদিন নংকানাঃ
সৗগুনান কৗমিক কাতেৎ ঞিদৗ বেড়াঃদ পিঠৗ-লাঠাক জমা। অকা অকা রেদ ঞিদৗ এনেচ্ সেরেঞহঁ
হোয়োঃআ। অকা অকা রেদ অৗডি জাঁক জমক ঞিদৗ পাতাহঁ হোয়োয়া। অকা অকা রেদ আরহঁ নেবেতার ঞিদৗ
ছঁ এনেচ্ হঁ ঞেলঃগঃ কানা। মেনখান নেশদ ধৗরতি জাকাত করোনা ভাইরাস খৗতিরতে অকা রেগে চেৎ
লেকান আখড়াহঁ বাং সাপড়াও লেনা মেন্তেগে বাডায় ঞাম আকানা
অনাক লেকাতেদ
তেহেঞা মাহাদ হড় হপন ঠেন আডি সাগুনান মাহাগে তাঁহে কানা। মেনখান তেহেঞ শশনঃ যুগ রে
লেবেৎ কাতে হড় হপন কহঁ আকোওয়াঃ সেদায়াঃ নংকান পৗতিয়াও খন দিন দিন তেক সাহাঃ কানা মেনতেগে
ঞেলঃগঃ কানা। সেদায়াঃ নওয়াক রায়রীত,অৗরিচালি আদ্ ইদিঃ কানতে মিৎ বার হড়দ তেহেঞ লেকান
দিনরে অৗডি দুক্ ক সদর আকাদা মেনতেহঁ বাডায় ঞাম আকানা।
.webp)
.webp)
.webp)
