(হুডিঞ মাছা প্রতিবেদন)
সাঁওতা লাহান্তিরে পৗঠুওয়ৗ কোওয়াঃ এনেম
কিস্কিন্ধ্যা মুরমু
জিয়ন হারাবুরু এতহব খন কৗমিরে সাব কেটেজ হৗবিচতে পৗঠুওয়ৗ লেকাতে শিখনৗৎ আরজাও রেনাং জৗরুড় মেনাঃ আকাদা। অকয় হঁ কুখি খন দ চেমাৎ কাতে বাক হিজুঃআ, জিয়ন নিরৗয় নৗয়-নাপায়তে খাঁডাও লৗগিৎ বাডায় সেচেৎ জং লাগাও আ। পৗঠুওয়ৗ জিয়ন দ, জিয়ন রেনাং সরেশ জিয়ন কানা। খৗলি বাড়ায় জং সুমুং দ বাং গাতে হুডিঞ মারাং বেশ বৗড়িজ তুনুম চাপো আতে হাপেন দিনরে মৗন সালাঃ বাঞ্চাও রেনাং দাড়ে কানা ।
শিখনৗৎ তালাতেগে বাং বাড়ায়াঃ বাড়ায় ঞামঃআ। শিখনৗৎ আরজাও কাতে আপাসুলুঃ মা হেঁগে সাঁওতে সাঁওতা গাঁওতা অৗতু দিসম তেয়াররে পৗঠুওয়ৗ কোওয়াঃ এনেম আডিগান। তেঁহেঞ রেন মিৎ টাং পৗঠুওয়ৗ হাপেন দিনরেন লৗউড়িয়ৗ। মুলুক আতু দিসম সুসৗর কৗরিগল।
চিনতৗ ভাবনা চেতাওনা শিখনৗৎ তে আগাম দিনরেন গনং আন মানওয়া দুরিব নুকু পৗঠুওয়ৗ। ডৗগুয়ৗ উমের রেগে মনে হড়মরে আডি রাগাৎ দিল দাড়েতে পেরেচ তাঁহেনা। হড় হড়মরে লিগিন লল মায়াং চেঠা চেতাওনাগে দিশম উৎনৗউ লৗগিৎ কামসাও লাহাঃ খজায়। সাঁড়েসিয়ৗ ,সৈনিক,মাচেৎ , চিকিচছক, প্রসাশক ,নেতা,মন্ত্রী লেকান এমান এমান গুনমানাও লেকান গৗলিম মিৎ দিন পৗঠুওয়ৗ তাঁহে কানতে নিৎ দিশম সুসৗর ,দিশম দুলৗড় কৗমিরে কুরুমুটু মেনাঃ কোওয়া ।
অলঃ আকিল আরজাও অকতরেগে পৗঠুওয়ৗ মনে খন দিশম দুলৗড় সুসৗর কৗমি সালগাও রাকাব-আ ,বুধ আকিল হঁ সেঁড়াঃকেটেজ-আ। আগামরে আতু দিসম তরাও উৎনৗউ অন্তররে পং নৗড়ি কঃআ। সাঁওতা লাহান্তিরে পৗঠুওয়ৗ সাঁওতে সাঁওতা রেনাং গৗহির সৗগৗয় মেনাঃ আকাদা ।
অৗয়ুরিয়ৗ লেকাতে সানাম ক গয়ন লাহা ইদি কাতে সাঁওতারেনাং বুগি বৗড়িজ কৗমিরে সারহাও ,নাহাচার কচলন বিরুধরে আঁন্দোড় ডেপুটেশন পৗঠুওয়ৗ গাঁওতা থির বৗনুগেয়া ঞেল ঞাম আকানা। শিখনৗৎ দাড়েগে মারাং দাড়ে ,শিখনৗৎ লিচৗড় লেনখান সাঁওতা লিচৗড় উতৗরঃআ।
দিসম তালারে জৗতিয়ৗরি উৎনৗউরে পৗঠুওয়ৗ কোওয়াঃ এনেম দ আডি গৗহিরা। চেঠা নৗগরিয়ৗ লেকাতে জৗতি সাঁওতা কেটেজরে দায় দায়িত্ব হঁ অৗডিগান গে মেনাঃ তাকোওয়া ।
.webp)
.webp)
