(হুডিঞ মাছা প্রতিবেদন)
'মিৎটাং দারে মিৎটাং জিউয়ি'
বিভূতি ভূষণ সরেন
' মিৎটাং দারে মিৎটাং জিউয়ি ' কাথাদ আঁজমতে আডি হুডিঞগে। মেনখান নওয়া কাথা রেনাঃ গৗহির রাসা তেত্ দ আডি মারাং আর গুন আন। নওয়া ধৗরতিরে পোয়লো জানামদ দারেগে। আর দারে হেমাল উমুল লাতাররে মৗনমী জিউয়ি সিরজন লেনা। দারে লাহা খন তাঁহে কানতে মৗনমী বাঞ্চাও রেয়াঃ ডাহার কো ঞাম কেদা। জিউয়ি জিয়ৗড় আর একাল লৗগতিয়ৗন দ দারে। দারে বেগর মৗনমী সুমুং দ বাং, চিলি জীব জিয়ৗলিগে বাঞ্চাও বাংক তাহেনা। দারে নৗড়ী গে হুয়ু কানা " জিউয়ি বৗতি ।" সানাম জীব জিয়ৗলি ক যাঁহা সাঁহেদ (অক্সিজেন) ক হাতাও এদা আর যাঁহা সাঁহেদ (কার্বন ডাই অক্সাইড) ক আড়াঃ এদা, অনা বানারগে দারে ঠেন খন হিজুঃ আর সেনঃ কানা। দারে ঠেন খন যুদি হয় জীব জিয়ৗলিয়াঃ ইনবর (জিউয়ি অড়াঃ) বাং সেটেরঃ আ এনখান গে চিলি আড়াংগে বাং আঁজমঃ আ। মেনদ চিলিগে বাংক বাঞ্চাঃ আ।
সেদায়দ দারে ঠেন খনগে ঞাম আকানা জম-ঞু, হরঃ-বাঁদে আর তাহেন ঠাঁও। মৗনমীয়ৗ সাঁওতা তিনাঃ উৎনৗও রাকাব কানা উনাঃগে আয়মা সেনতে দারে নৗড়ী আয়মা লেকান কৗমি হরারে লাগাঃ কানা। দারে রেনাঃ রেহেত্ খন ডগ রেনাঃ সাকাম হৗবিচ্ মৗনমী জিয়ন খাঁডাওরে লৗগতিঃ আ। যেলেকা দারে নৗড়ী খনগে রান মুরগৗন বেনাঃ কানা। আর অনাক রান জম কাতেগে জিউয়ি জৗতি নাপায় তাহেন কানা। অনাতে নিয়ৗ
কাথাগে মেন লেগ কানা, মিৎটান দারে মাঃ মাড়াংরে আর মিৎটান দারে দ রহয় মাগে। রহয় সুমুং দ বাং ---আম হারা বুরু লৗগিৎ আয়ু-বাবা যাঁহা লেকা যতন জগাও কাতে হারা আকাৎ মেয়া, অনকাগে পহা দারে যতন যতনতে হারা রাকাব হুয়ু আ। নওয়া গে আম আর সাঁওতে সানাম হড় মনেরে রিকৗ দহ হুয়ু আ। কৗটিচ্ কৗটিচ্ বাহা দারে মনে জিউয়ি নাসেনাঃ নাপায় মিৎ ঘৗড়িচ্। মেনখান মারাং দারে কগে রহয়দ লেগ কানা। যাঁহাকদ হুয়ু কানা উল, কানঠাড়, সারজম, এদেল, কাসমার, বাড়ে নংকানাঃ আয়মা
লৗটু লৗটু
দারে ক।
.webp)
.webp)
