আবোওয়াঃ ডিজিটাল ডেস্ক- দুওয়ৗররে সরকার প্রকল্পরে অ-আদিবাসী কো এস.টি.সার্টিফিকেট কো ঞাম দাড়েয়াঃআ মেনতে ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন দৗবীয় রাকাব কেদা।
অ্যাসোসিয়েশন দৗবীয় রাকাব আকাদা বাংমা আরহঁ পছিম
বাংলা সরকার নানাহুনৗর প্রকল্প আর পুরিসেবা সামাং রে দহকাতে নাওয়াগারতে এহব আকাদায়
দুওয়ৗররে সরকার প্রকল্প। পারমেন ১৬ আগস্ট খন নোওয়া প্রকল্প গটা পছিম বাংলা রেগে চৗলু
আকানা। নোওয়া প্রকল্পরে মেনাঃ স্বাস্থ্যসাথী, কন্যাশ্রী, রূপশ্রী, খাদ্য সাথী, শিক্ষাশ্রী,
তপসিলি জাতি, আদিবাসী আর ওবিসি সার্টিফিকেট, ১০০ দিন রেনাঃ কৗমি এমান। অনাবেগর আরহঁ
নাওয়া প্রকল্প লেকাতে মেনাঃআ লক্ষীর ভান্ডার, ওয়েস্টবেঙ্গল স্টুডেন্ট ক্রেডিট কার্ড,
কৃষক বন্ধু প্রকল্প, বেগর গনংতে সামাজিক সুরক্ষা যোজনা এমান। নোওয়াকো প্রকল্প ইদিকাতেৎ
পনৎ রেন হড় কো উবগৗরঃ কানা নোওয়া লৗইতে চেৎ দিগধৗগে বৗনুঃ তায়া মেনতেহঁ অ্যাসোসিয়েশন
এ সদর আকাদা। মেনখান গটা পনৎরে যেভাবতে ফেক এসটি সার্টিফিকেট ছুড়িয়াঃ কানা আর সেচেৎ-চৗকরি
রেহঁ যেভাবতে অ-আদিবাসীকো, আদিবাসী কোওয়াঃ রাখা দহ জুড়ুরে রামাকো গৗডিয়ৗওয়েদা অনাতে
সিঁদুররে রিমিল কো ঞেল ঞাম এদা সৗরিন আদিবাসিকো। নংকান দৗবীগে রাকাব এদায় অ্যাসোসিয়েশন।
দুওয়ৗররে সরকার প্রকল্পরেনাঃ অসৎ বেওহার কাতে অ-আদিবাসীকো
এসটি সার্টিফিকেট কো অডক দাড়েয়াঃআ মেনতে বতর কো আয়কৗউ এদা আয়মা আদিবাসী গে। ওয়েস্ট
বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পাহটা খন নোওয়া ইস্যুতে এস.ডি.ও, বি.ডি.ও,
ডি. ডব্লিউ.ও আর ডি.এম. ঠেন মেমোরেন্ডাম দৗখিল রেনাঃ কৗমিহরা হাতাও আকানা মেনতে অ্যাসোসিয়েশন
আবোরেন খবরিয়ৗয় বাডায় অচো আকাদেয়া। সাঁওতে নোওয়া হঁয় বাডায় অচো আকাদেয়া বাংমা হলা ১৮
আগস্ট ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন বাঁকুড়া জেলা চাঁগা কুমুট
পাহটা খন খাতড়া সাব ডিভিশনাল আপিসার আর শালতোড়া, ছাতনা, রাঁনিবাধ আর ইন্দপুররেন ব্লক
ডিভিশনাল আপিসার মেমোরেন্ডাম কো চাল আৎ কোওয়া।
.webp)
.webp)
