মানতান সাসাপড়াওয়িচ্ আবোওয়াঃ কাথা,
মহাকবি সাধুরামচাঁদ মুরমুআঃ অড়াঃ ডিঁডৗ সেনকাতে আডি দুক বুঝৗউ এনা
পারমেন ৩/৭/২০২১ শনিবার মহাকবি সাধুরাম চাঁদ মুরুমু দিশৗতে সাধুরাম চাঁদ মুরমুআঃ অড়াঃ শিলদৗ দিশমরেয়াঃ কামারবাঁদি আতুতে মানতোন অনলিয়ৗ সিলি পত্রিকারেন সাসাপাড়াওইচ কলেন্দ্রনাথ মান্ডি গমকে সাঁওতে ইঞ আর বয়হা সুব্রত টুডু আলে পে হড়লে চালাওলেনা। কবিয়াঃ অড়াঃ বাখোলরে সেনকাতে কবিরেন ছুটকি পক্ষ হপনরেন বৗহু সাঁওতে রপড় এনালে, রপড় কাতে আডি হাহাড়াঃ কাথাকলে বাড়ায় ঞামকেদা। যেলেকা কবি সাধুরামচাঁদ মুরমুআঃ জানাম মাহাদ সরকার পাহটা খনদ হানে তিস হুয়লেনা মিৎবার ধাও হুয়লেনা। আর নিত হৗবিচ্তে অনকা সরকার পাহটা খনদ বাক মানাওএদা। আকগে অঁডেরেন কিছু কড়া গিদৗর কগে বছরগেক মানাওআ।
বাড়ায় ঞাম এনা সরকার পাহটাখন উনকু কবিরেন অড়াঃ হড়দ সরকারী লেকাতে চেৎহঁ বাংক ঞাম আকাদা। নেতার কিছুদিন হুয় এনা বড়কি পক্ষরেন কবিরেন গড়ম কড়া মিৎটান সিভিক রে চৗকরীক এম আকাদেয়া। আর চেৎগে বাংক ঞাম আকাদা। আর বাড়ায় ঞাম এনা,বাংমা কবিয়াঃ অল পাঁন্ডু লিপিক আডি হড়গে ইদিকাতে ছাপাও সদর কাতে কৗউডিক রোজগার জং আকানা, মেনখান অনা বাখরাদ উনকু চেৎহঁ বাংক এম আকাৎ কআ। আডি দুক রেয়াঃ কাথা কবিআঃ অল চেতানরে নংকান বে-বৗড়িজ হড় কোওয়াং বে-বৗড়িজ চিন্তা ভাবনা আজমকাতে আডি রৗগি সাঁওতে দুক বুঝৗউয়েনা। আর কবিয়াঃ মুঠৗনহঁ অনকা লেকাদ বাং বেনাও আকানা। অনাহঁ ঞেলকাতে দুক আটকারঃ কানা।
অনাতে যাতে কবিরেন অড়াঃহড়ক কবিয়াঃ মৗনলেকাতে সরকারীভাবতে গড়সপহৎক ঞামমা আর যাহাতে কবিয়াঃ অল পান্ডুলিপিক যাঁহায় বে-বৗড়িজ হড়ক ইদিকাতে ছাপাও সদরকাতে কৗউডিক রোজগার জংকানদ নোওয়াক বন্দ মা।
আর যদি ছাপা সদরগে হুয়ুঃ তবে কবিয়াঃ মৗন লেকাতে অড়াঃ হড়কহঁ কিছু কৗউডি এমাক হুয়ুঃমা। আর প্রতি সেরমাগে কবি সাধুরামচাঁদ মুরমু আঃ জানাম মাহা সরকারী লেকাতে মানাও হুয়ুঃমা। কবিয়াঃ মুঠৗন ভৗগি লেকাতে দহড়া বেনাওকাতে অনা জায়গারে বৗইসৗউ হুয়ুঃমা।
আর যাঁহা কবিয়াঃ ঞুতুমতে ঝাড়গ্রামরে University হুয় আকান অঁডেহঁ কবিয়াঃ কুকমু লেকাতে কৗরীগরি শিক্ষা মেনেৎ গ্রামীন শিল্প, তিরেয়াঃ কৗমিক চেতানরে অলঃপাড়হাও সে Training রেয়াঃ আলাদা বিভাগ চৗলুরেয়াঃ
কৗমিহরা সাব হুয়ুঃমা। নোওয়াক বাখরাতে আবরেন আদিবাসী MLA, MP, Minister কঠেন সানাম আবরেন গৗখুড়িয়ৗ, সাঁওতা সুসৗরিয়ৗ, গাঁওতাক মিৎকাতে উনকুঠেন আরদাশবন দহয়মা বাড়ে।
জহার সালাঃ-
সতন কুমার সরেন
