যুগ জিয়ন মুরমু
আয়মা সানতাড় গে নোওয়া অল ঞেলতে কো চামকাও গদঃ আ। আদম কদ ক বেড়েম্ভা
গদঃ আ। আদম কদ ক তিড়খৗও রাকাব গদঃ আ বাং…., নোওয়া তিশঁ বাং হুয় দাড়েয়াঃ আ। আর আদম কদ
ক মেনা অল রেগেম চিকৗয়েয়া, উনকু হঁত আবোরেন গে। উনকু ক আবো সাঁও ক মেশা লেনখান আবোগেত
বো সাঁগে আ। পারসেন্টেজ ঢেরঃ আ। একালতে হাই ভোল্টেজ! জুমিদঃ আ বোন। জুমিৎ তেবন লৗড়হৗই
আ। আদম কদ ক মেনা নোওয়া ক লৗইতে চেৎ বহঃ এম বৗড়িজা, যাঁহা ঞাম আকাদা অনা লৗইতে থির
কঃমে। আরহঁ হিনৗ বাং নিয়ৗ…। দিনৗম গে আঁদোড় মে, দিনৗম গে জিৎকৗর জিৎকৗর মেনমে…। বেজার
চাবাঃ আম। এঁগাতে ঞু-জম কাতেৎ হঁ শান্তি বাম ঞামা।
নঃ অয় ত নিৎ সানতাড় কোওয়া আপান আপিন উইহৗর-ভাবনা তাবোন। যাঁহায়
গে যাঁহা লেকায় উইহৗর দাড়েয়াঃকান। চেদাঃ সে নঁতে বৗড়তি উইহৗর লেখান হঁ বৗড়তি লাগা আ।
নঁতে পাতড়া খন জে বেঁগাড় রাসে আতু চালাঃ কানা খেরওয়ালাঃ হুদিশ বৗনুঃ আন। নংকাগে ঞেলঃ
কানা, নংকাগে চালাঃ কানা। এনহঁ উসুঃ আসকেৎ বৗনুঃ আন। রৗগি মা বৗনুঃ গে। সৗরি সে নাসে
বেঁগাড় রাসে কাথারে বাংকো মেনা- আমতেম বাঞ্চাও লেনখান গে বাবাওয়াঃ ঞুতুম।
অনাতে নিৎ আপান-আপিন সানাম গে ব্যস্ত। অকয়দ সাঁওতা,গাঁওতা,
ক্লাব, সংগঠন,ধরম-করম, লায়-লেকচার, অল-বেল, সেরেঞ-দুরৗং, গায়ান-সিনিমা এমান এমান করে।
নঁতে আদম মাহাত ক উকু উকুতে বেঁগাড় রাসে হৗবরুঃ ক ধুরৗও আকানা অকয় হঁ অনকা লেকাদ বাংকো
মেৎ লুতুরাঃ কানা। অকয় দ ঞেল কাতেহঁ বাং ঞেল লেকা ক ভান এদা। অকয় দ মনে মনে তেক মেন
জং কানা আপনারাঃ থ একলা বায় হৗবরু এদা।
তবে নোওয়াহঁ বাং লৗই লেখান বৗড়িজঃআ বাংমা আয়মা হড় গেকো বাডায়
ঞাম গৎ আকাদা- ফুড়ুঃ রেনাঃ রাসে দ বৗই বৗইতে আধি ইদিঃ কানা। একলা হৗবরুঃ তেমা বাং চাবাঃ
? তবে চেৎ ফুড়ুঃ ভুগৗঃ এনা সে যাঁহায় ক ভুগৗঃ কেদা ? তলাশ মাবন, তেলাদ আবোঠেনগে মেনাঃ
আ। মেনখান দুক্ রেনাঃ কাথা অকয়হঁ বাংবন সদর লৗগিদঃ কানা। তবে যে হিলোঃ ফুড়ুঃ রেনাঃ
রাসে জর জরতে জর চাবাঃ আ এন হিলোঃ সৗরি সৗরিগে বেঁগাড় রাসে রেনাঃ মৗহিমা ব বুঝৗও ঞাম
গেয়া। উনদ হায় চ……চ….।
.webp)
