সিঁগি মাহা রেনাঃ সাকাম ‘চেরেচ্ আড়াং’ লেখা- ২৯

“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

 তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟ. ᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  সারি ধরম হাঁসদা, বাড়তাঙ সরেন, দুগাই টুডু,  সনাতন টুডু, বাবলু সরেন, বিভূতি ভূষণ সরেন, কিষ্কিন্ধ্যা মুরমু ।

 

রিলৗমালা মুরুমু, ক্লাস- IV
জেলা - পুরুলিয়া

১।।

ᱱᱟᱹᱭ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱥᱟᱺᱜᱤᱧ ᱵᱤᱨ
ᱚᱠᱚᱭᱮ  ᱧᱤᱨ
ᱛᱟᱵᱮᱨ ᱟᱬᱜᱳᱱ
ᱩᱥᱩᱞ   ᱠᱷᱚᱱ  ᱿


ᱠᱩᱸᱶᱟᱨᱤ  ᱜᱟᱰᱟᱭ
ᱫᱷᱤᱨᱤᱭ  ᱢᱟᱰᱟᱭ
ᱟᱛᱩ    ᱯᱷᱮᱰᱚᱜ
ᱦᱟᱫᱟᱲ  ᱦᱟᱫᱟᱲ  ᱿


ᱵᱟᱭᱟᱨ ᱠᱟᱰᱟ
ᱫᱟᱲᱮ ᱛᱟᱭ
ᱟᱸᱰᱨᱟᱣ ᱟᱛᱮ
ᱞᱟᱦᱟᱜ  ᱟᱭ  ᱿


ᱜᱷᱩᱴᱩ  ᱠᱷᱟᱨᱟᱝ
ᱫᱷᱤᱨᱤ ᱫᱟᱲᱟᱝ
ᱟᱛᱩᱜ  ᱛᱩᱞᱩᱪ
ᱨᱟᱹᱯᱩᱫ  ᱢᱟᱲᱟᱝ  ᱿


ᱠᱟᱺᱥᱟᱹᱭ ᱠᱩᱸᱶᱟᱨᱤ
ᱛᱚᱯᱚᱞ ᱢᱤᱫ  ᱮᱱ
ᱜᱷᱚᱲᱟ ᱵᱟᱲᱤ
ᱛᱚᱞ ᱜᱟᱰᱟ ᱭᱮᱱ  ᱿

====== ᱛ =======

২।।

ᱵᱟᱦᱟ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱫᱟᱨᱟᱭ ᱠᱟᱱᱟ ᱵᱟᱦᱟ ᱯᱚᱨᱚᱵᱽ
  ᱚᱲᱟᱜ ᱠᱚᱞᱮ ᱥᱟᱯᱟᱭ,
    ᱡᱮᱲᱮᱨ ᱯᱚᱛᱟᱣ ᱜᱮᱡ ᱜᱩᱨᱤᱡ
      ᱥᱟᱡᱟᱣ ᱟᱞᱮ ᱱᱟᱯᱟᱭ ᱾

ᱫᱟ.ᱭ ᱛᱮᱧᱟᱝ ᱦᱟᱛᱚᱢ ᱠᱩᱢᱟ.ᱧ
  ᱦᱤᱡᱩᱜ ᱟᱠᱚ ᱥᱟᱸᱜᱮ,
     ᱵᱟᱦᱟ ᱧᱩᱛᱩᱢ ᱡᱟᱣᱨᱟ ᱠᱟᱛᱮ
        ᱨᱟ.ᱥᱠᱟ. ᱟᱞᱮ ᱛᱚᱸᱜᱮ ᱾

 

ᱡᱤᱞ ᱫᱟᱠᱟ ᱡᱤᱞ ᱯᱤᱴᱷᱟ.
 ᱢᱤᱫ ᱛᱮᱞᱮ ᱡᱚᱢ,
    ᱟᱱᱮᱡ ᱫᱷᱟᱱᱮᱡ ᱵᱷᱟᱜᱟᱣ ᱫᱷᱟ.ᱵᱤᱡ
       ᱟ.ᱲᱛᱤ ᱦᱟᱛᱟᱣ ᱡᱚᱝ ᱾

 

ᱛᱮᱧᱟᱝ,ᱠᱩᱢᱟ.ᱧ,ᱜᱚᱲᱚᱢ ᱥᱟ.ᱜᱟ.ᱭ
  ᱫᱟᱜ ᱛᱮᱞᱮ ᱠᱷᱤᱞᱳᱜ,
     ᱮᱱᱮᱪ,ᱥᱮᱨᱮᱧ,ᱨᱟ.ᱥᱠᱟ. ᱨᱚᱢᱚᱡᱽ
       ᱵᱟᱦᱟ ᱯᱚᱨᱚᱵᱽ ᱦᱤᱞᱳᱜ ᱾

 

ᱱᱟᱣᱟ ᱱᱟᱣᱟ ᱟᱸᱜᱽᱨᱚᱵ,ᱯᱮᱸᱴ
  ᱦᱚᱨᱚᱜ ᱠᱟᱜᱼᱟ ᱞᱮ,
     ᱠᱮᱱᱮ ᱠᱚᱛᱮ ᱞᱟᱸᱫᱟ ᱟᱛᱮ
        ᱯᱚᱨᱚᱵᱽ ᱯᱟᱨᱚᱢ ᱟᱞᱮ ᱾

 ====== ᱛ =======

 ৩।।

ᱦᱟᱯᱮ ᱠᱟᱛᱷᱟ

 ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

  

ᱚᱞᱚᱜ ᱞᱟᱹᱜᱤᱫ ᱟᱥᱲᱟ ᱥᱮᱱᱚᱜ
ᱞᱚᱜᱚᱱ ᱞᱚᱜᱚᱱ ᱫᱮᱞᱟ ᱾
ᱟᱞᱚᱢ ᱛᱟᱸᱦᱮᱱ ᱦᱳᱸᱦᱳᱞᱳᱜ ᱠᱟᱛᱮ
ᱱᱤᱛ ᱜᱮ ᱪᱚᱞᱚ ᱫᱮᱞᱟ ᱿

  

ᱦᱟᱯᱮ ᱠᱟᱛᱷᱟ ᱦᱟᱯᱮ ᱠᱟᱛᱷᱟ
ᱦᱟᱯᱮ ᱨᱮᱜᱮ ᱛᱟᱸᱦᱮᱱ ᱾
ᱥᱟᱹᱜᱩᱱ ᱠᱟᱹᱢᱤᱨᱮ ᱛᱤᱥ ᱦᱚᱸ
ᱦᱟᱯᱮ ᱟᱞᱚᱢ ᱢᱮᱱ ᱿

====== ᱛ ======= 

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

ᱥᱨᱤᱠᱟᱱᱛᱚ ᱥᱚᱨᱮᱱ

(... ᱞᱟᱦᱟ ᱠᱷᱚᱱ ᱛᱳᱸᱜᱮ)

'ᱶ' ᱛᱮ ᱜᱟᱵᱟᱱ ᱟ.ᱲᱟ. ᱺ

ᱯᱩᱥᱤ ᱠᱚᱸᱶ ᱾ ᱚᱸᱶ ᱜᱳᱰᱳ᱾ ᱡᱟᱸᱶᱣᱟᱭ ᱠᱚᱲᱟ᱾ ᱜᱟᱸᱶᱛᱟ ᱚᱲᱟᱜ ᱾ ᱱᱮᱶᱛᱟ᱾ ᱥᱟᱸᱶᱛᱟ ᱾ ᱯᱟᱶᱨᱟ᱾ ᱥᱟᱸᱶᱟᱭ ᱾ ᱥᱟᱸᱶᱦᱮᱫ ᱾ ᱡᱟᱶ ᱥᱮᱨᱢᱟ᱾

'ᱶ 'ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱥᱟᱸᱶᱦᱮᱫ ᱥᱟᱸᱶᱛᱮ ᱥᱟᱸᱜᱷᱟᱨ᱾ ᱨᱚᱢᱮᱥ ᱫᱷᱟᱸᱶᱻᱟ ᱫᱷᱟ.ᱶᱻᱤᱭ ᱦᱮᱡ ᱮᱱᱟ᱾ ᱯᱩᱥᱤᱭ ᱢᱮᱶ-ᱢᱮᱶ ᱮᱫᱟ᱾ ᱜᱟᱸᱶᱛᱟ ᱠᱚᱫᱚ ᱥᱟᱸᱶᱛᱟ ᱞᱟ.ᱜᱤᱫ ᱾ ᱢᱤᱫ ᱥᱟᱸᱶᱛᱮ ᱛᱟᱸᱦᱮᱱ ᱵᱮᱱ᱾ ᱵᱮᱱᱟᱶ ᱟᱵᱚᱱ ᱱᱟᱯᱟᱭ ᱥᱟᱸᱶᱛᱟ ᱾

'ᱷ 'ᱛᱮ ᱜᱟᱵᱟᱱ ᱟ.ᱲᱟ. ᱺ

ᱠᱷᱤᱡᱩᱨ᱾ ᱛᱷᱩᱛᱤ᱾ ᱫᱷᱟᱲ ᱫᱤᱥᱚᱢ᱾ ᱡᱷᱟᱶ ᱫᱟᱨᱮ᱾ ᱴᱷᱟ.ᱶᱠᱟ. ᱾ ᱰᱷᱟᱠᱽ ᱨᱩ᱾  ᱯᱷᱟ.ᱫᱽ ᱾ ᱡᱷᱟᱠᱽᱡᱷᱟᱠᱽ ᱾ ᱜᱷᱟᱨᱚᱧᱡ ᱠᱟ.ᱢᱤ᱾ ᱴᱷᱟᱴᱽᱵᱟᱴᱽ ᱾

'ᱷ' ᱛᱮ ᱜᱟᱵᱟᱱ ᱟ.ᱭᱟ.ᱛ ᱺ

ᱛᱷᱟᱱᱟᱨᱮ ᱯᱩᱞᱤᱥ ᱠᱚ ᱛᱟᱸᱦᱮᱱᱟ ᱾ ᱫᱷᱟᱲᱥᱟᱝ ᱜᱮ ᱧᱮᱞᱚᱜ ᱠᱟᱱᱟ᱾ ᱯᱷᱟ.ᱠᱲᱟ.ᱜ ᱫᱚ ᱪᱮᱲᱮᱭᱟᱜ ᱛᱟᱸᱦᱮᱱᱟ ᱾ ᱵᱷᱟᱨᱚᱛ ᱟᱵᱳᱭᱟᱜ ᱡᱟᱱᱟᱢ ᱫᱤᱥᱚᱢ᱾ ᱦᱟᱥᱟ ᱠᱷᱟᱡᱱᱟ ᱮᱢ ᱦᱳᱭᱳᱜ ᱻᱟ᱾

(ᱛᱳᱸᱜᱮᱻᱟ...)

====== ᱛ =======

 ৫।।

মানকো বুঢিয়াঃ অড়াঃ

সারি ধরম হাঁসদা

 

 হানে ঞেলঃ টায়াল টায়াল
হয় দ বলন হায়াড় হায়াড়,
লাড়ে কাঁত ভিত মা পাড়াঃ
                   মানকো বুঢি অড়াঃ।

 

সেতাঃ তিকিন তারাসিঞ
 মেৎতে ঞেলঃ দিনৗম সিঞ,
 টৗটি ঠেসা ঝৗন্টি গাড়-আঃ
                মানকো বুঢি অড়াঃ।

 

জৗড়ি ঝিটৗস দাঃ মা লগন
 ভুগৗঃ টুয়তে পুয়ুড় বলন,
 লেহে লেকে হয়তে লাড়াঃ
                   মানকো বুঢি অড়াঃ।

 

মানকো বুঢি এনহঁ মেনায়
 সুক দুকরে তাঁহারেতায়,
 সিতুং জৗপুৎ সড়তা বাড়ায়
                  মুলুচ্ মাছা লাঁদায়।

====== ᱛ =======

৬।।

সাঁঘাঁরিয়ৗ

বাড়তাঙ সরেন

 

 মৗনমী জনম এমা দিঞৗম
                     আম দ চাঁদো বঙ্গা
ধৗরতী চেতান ডম্বল কিদৗঞ
                      ইঞ দ জিয়ন ঢঙ্গা।

  

ইমৗঞ মেসে আকিল হুদিশ
                       মনে মুরুক দাড়ে
ঞুঁত ঞিদৗরে তাড়াম লৗগিৎ
                   আলোঞ বতর বাড়ে।

  

হিংসৗ বাদী  সাহা কাতে
                    দুলৗড় ইমৗঞ মেসে
মৗনমী  দুলৗড় লৗগিৎ জিউয়ী
                   ওসার কৗতিঞ মেসে।

  

আতো টলা নাগার বাজার
                 রেঁঙ্গেচ তেতাং জালা
তোওয়া দাকাঞ এমা কওয়া
                  রৗস্কৗ রিলৗমালা।

  

 নাচার নিধৗন বাচঞ খজঃ 
                যতন গেচঞ বাড়ায়
দিশম  দিশম সাঁঘার কাতে
              লান্দাঞ হৗটিঞ বাড়ায়।

 ====== ᱛ =======

৭।।  

ঞিদৗ চাঁদো

দুগাই টুডু

 

কৗটিচ্‌ গেতে গিদরৗ আলে
     বাঙলে গাঁডন অকা,
পচ্‌ছিম নাখা ঞিদৗ চাঁদো
     হানে দাররম লেকা।

 

অকা জোখান পুরুব নাখা
           ঞেলাম মারাঙ থৗরি,
অকয় হঁচো বাকো বাডায়
          পাড়হা বেগর সৗরি।

 

অনা থেড়ং ইসকুল চালাঃ
      বিরদৗ সেঁড়া মেনতে,
চেদাঃ ওহায় নন্‌কা হোয়োঃ
     ধৗরতি তালা এন্‌তেঃ।

 

বাড়ায় তেহঁ বাড়ায় জংগে
      সানাম গিদ্‌রৗ কতে,
নিয়ৗ গেলে হুদিস এমান্‌
      নাহাঃ নেতার এতে।

 ====== ᱛ ======= 

৮।।

হাহড়া ধৗরতি

সনাতন টুডু

 

হলা ঞিঁদৗ বাবা ঠেন
গলফো আঁজম লেদায়,
আঁজম কাতেদ হপন বাবু
খাঃ খাঃ এ লাঁনদায়।

কুলহি ধুড়িরে খিলডু এনেজ্‌
সাকাম বৗহু জাঁওয়ায়,
কুচি উমের রেনাঃ কাথা
বাবা ঝতয় ছাঁদায়।

বায় পৗতিয়ৗও হপন বাবু
সেরমা খনেয় ঞুরঃ,
হাহড়া কাথা হাহড়া ধৗরতি
আঁজম কাতেয় ছুরঃ।

 ====== ᱛ =======

৯।।

হপন বাবু

  বাবলু সরেন

হপন বাবু হপন বাবু
অকাম চালাঃ কান
রুয়ৗড় মেসে আর বাংখান
হাপাঞ সাবেদ কান ৷

হাপা ঞেলতে হপন বাবু
চাহাপ আতেয় রাগ
বায় থিরুঃ রে মেতায় আক
হিজুঃ কানায় বাগ ৷

কিত কিত দিড়ি দাং
হপন বাবুয় খেলা
লাঁদা জংআয় খাঃ খাঃ
উনকু ভিদৗড়ঃ জখাঃ ৷

 ====== ᱛ =======

১০।।

ডাহার 

বিভূতি ভূষণ সরেন 

 

আলে সেরমা পাড়হাঃ তালে 
        মারাং বাজার তালারে, 
স্কুল সেটেরঃ পাড়হাঃ লৗগিৎ 
       ঝত খনাং লাহারে। 

বাজার রেনাঃ চিকৗড় হররে 
          হিজুঃ সেনঃ গৗডি, 
সন্তর তেয় পারম চালাঃ 
          ভিড় রেঁহ অৗডি। 

হেঁদে-পুড় দাগ চেতানতে 
      পারমঃ হুয়ু ডাহার, 
তবে রেগে জিউয়ি তাহেন 
     বাসা দাড়েম বাজার। 

হর পারম অকত্ রেদ 
  ট্রাফিক সিগন্যাল ঞেলাম, 
বাং খান মিৎ ঘৗড়িচ্ তে 
          হানা পুরি দাড়াম ।

হান্তে নাতে হেচ্ সেনরে 
    সন্তর এম তাড়াম, 
তিস হঁগে আঁদাঃ তায়াঃ 
    আল গেম দাড়ান।। 

 ====== ᱛ =======

১১।।

কেঁড়েচ্  দঁড়েচ্

কিস্কিন্ধ্যা মুরমু 

 

  অৗঙগা অৗউরি খন গেচং 
   রড়'মা   বেটেঞ  বেটেঞ,    
   চেৎলে কৗমি কান আলে 
   কুলিলে  মিৎটেঞ মিৎটেঞ ।

   রড় তায় দ আঁজম তায়মে 
   আমাঃ দ মঠে বায় আঁজম ,
   ঘানে লাঁনদায় রাগ গদায় 
   অৗড়ি গদায় পিঠৗ জজম ।

   রাঃ লানদাতে আন্দোড় কাঃ
   গটা অড়াঃ আখোল বাখোল ,
   দাঃ  হিরিচ্ দুল লসৎ  কাঃ
   থৗরি বৗটিমা ধিংগৗল সৗংগাল । 

   মনকুসিয় খিলডু এনেচ্ সেরেঞ 
  রাচা ছাটকৗয় খুনচুড় দন বাড়ায় 
 সেতাঃ সিঙগৗড় লিতৗড় গেরেঞ 
  মজগে  কেঁড়েচ্  দঁড়েচ্  মেনায় ।

********মুচৗৎ *********