আবোওয়াঃ ওয়েব পেজ- ভারত মাঝি পারগানা মহল, আদিবাসী সাঁওতা সেচেৎ লাকচার সেমলেৎ, ভারত জাকাত সানতাড়ি অনলিয়ৗ গাঁওতা, ভারত জাকাত সারি ধরম বৗইসি, ভারত জাকাত মাঝি পারগানা জুওয়ৗন মহল, ভারত জাকাত পৗঠুওয়ৗ গাঁওতা, ভারত জাকাত মাচেৎ গাঁওতা,খেরওয়াল আদিবাসী সুসৗর গাঁওতা এমান হাপড়া হাপড়া গাঁওতা কো ২০২১ সাল রেনাঃ হড় লেখা রে সারি ধরম কোড ঞাম আর সানাম সানতাড় কো সারি ধরম অল লৗগিৎ মিৎ সুতৗম তেকো তল এনা। বাডায় আকানা নোওয়া গে সানতাড়ি সংগঠন কওয়াঃ পোয়লো ধরম জুমিদ্।
হলা ৫ জানুয়ারী ঝাড়গ্রাম রেনাঃ মিৎ নাগামিয়ৗ বেতকুঁদরী ডৗহিরে
ওয়েস্ট বেঙ্গল রেন পোয়লো ধাপ রেন ঞুতুমান সংগঠন রেন মাড়তে কো আতে মিৎ গাপালমারাও আখড়া
হুয় পারমেনা। সানাম সংগঠন লৗইতে মিৎ অ্যাডহক কুমুট হঁক বেনাও রাকাপ্ কেদা। নোওয়া আখড়া
রেগে বাংমা দারায় কান ৭ ফেব্রুয়ারী বেতকুঁদরী ডৗহিরে সারি ধরম মারাং জমেলায় হোয়োঃ রেনাঃ
কাথা কো ঠাড়গটা মেনতে বাডায় আকানা। আর নঁডে খনগে কিরয়ৗ হাতাও কাতে তায়মতে কোলকাতা সারি
ধরম মারাং জমেলায় রেনাঃ কৗমি সুসৗর কাতে বিধান সভারে সারি ধরম কোড বিল কো পাশ অচয়রেনাঃ
দাবী হঁক রাকাবা।
নোওয়া গাপাল মারাও আখড়ারে ভারত মাঝি পারগানা মহল রেন পারগানা
বাবাকো,আসেকা রেন জেনারেল সেক্রেটারী মানতান সুবোধ হাঁসদা, সারি ধরম বৗইসি গুরু বাবা
সমাই কিস্কু, ভারত জাকাত সানতাড়ি অনলিয়ৗ গাঁওতা,পছিম বাংলা চাঁগারেন মানতান দ্বিজপদ হাঁসদা,
আদিবাসী সুসৗর গাঁওতা খন মানতান লবান হাঁসদা সারি ধরম সাঁঘারিয়ৗ মানতান দুলর্ভ কিস্কু
সাঁওতে আরহঁ আয়মা সংগঠন রেন গৗখুড়িয়ৗ কো সেটের তাঁহেকানা।
.webp)
