ᱜᱩᱲ ᱯᱤᱴᱷᱟ.
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱱᱮᱛᱟᱨ ᱫᱚ ᱡᱚᱛᱚ ᱦᱚᱲᱟᱜ ᱚᱲᱟᱜ ᱨᱮ ᱰᱷᱤᱝᱠᱤ ᱵᱟ.ᱱᱩᱜᱼᱟ ᱾ ᱚᱱᱟᱛᱮ ᱡᱷᱟᱱᱚ ᱟᱨ ᱟᱡ ᱦᱟᱱᱦᱟᱨ ᱛᱮᱫ ᱟᱫᱽᱣᱟ ᱪᱟᱣᱞᱮ ᱦᱚᱞᱚᱝ ᱞᱟ.ᱜᱤᱫ ᱩᱰᱩᱠ ᱫᱩᱣᱟ.ᱨ ᱵᱟᱡᱟᱨ ᱦᱟᱸᱥᱫᱟᱜ ᱛᱟᱠᱚ ᱚᱲᱟᱜ ᱠᱷᱚᱱ ᱠᱤᱱ ᱞᱟ.ᱦᱩᱫ ᱤᱫᱤ ᱠᱮᱫᱟ ᱾
ᱜᱩᱲ ᱯᱤᱴᱷᱟ.ᱭ ᱞᱟ.ᱜᱤᱫ ᱠᱟ.ᱢᱤ ᱠᱤᱱ ᱮᱦᱚᱵ ᱠᱮᱫᱟ ᱾ ᱜᱩᱲ ᱵᱷᱟ.ᱞᱤ ᱞᱮᱠᱟ ᱵᱟᱝ ᱦᱮᱰᱮᱡ ᱡᱩᱛ ᱠᱟᱛᱮ ᱜᱮ ᱦᱚᱞᱚᱝ ᱥᱟᱶ ᱠᱤᱱ ᱥᱤᱯᱤ ᱢᱮᱥᱟ ᱠᱮᱫᱟ ᱾ ᱜᱟ.ᱰᱤ ᱪᱟᱠ ᱞᱮᱠᱟ ᱜᱳᱞ ᱜᱮ ᱵᱮᱱᱟᱣ ᱠᱟᱛᱮ ᱞᱚᱞᱚ ᱥᱩᱱᱩᱢ ᱨᱮ ᱠᱷᱟᱸᱡᱚ ᱠᱤᱱ ᱫᱷᱩᱨᱟ.ᱣ ᱮᱱᱟ ᱾ ᱢᱮᱱ ᱠᱷᱟᱱ ᱞᱚᱞᱚ ᱥᱩᱱᱩᱢ ᱨᱮ ᱥᱟᱸᱵᱟᱣ ᱪᱷᱚᱴ ᱵᱷᱟᱲᱟᱨ ᱵᱷᱩᱲᱩᱨ ᱪᱟᱵᱟᱜ ᱠᱟᱱᱟ ᱾ ᱯᱤᱴᱷᱟ. ᱜᱮ ᱵᱟᱝ ᱦᱩᱭᱩᱜ ᱠᱟᱱᱟ ᱾ ᱦᱟᱱᱦᱟᱨ ᱛᱮᱫᱼᱮ ᱢᱮᱱ ᱠᱮᱫᱟ ᱠᱩᱞᱦᱤ ᱨᱮ ᱦᱚᱞᱚᱝ ᱠᱚ ᱧᱮᱞ ᱟᱠᱟᱫᱟ ᱾ ᱚᱱᱟᱛᱮ ᱦᱚᱞᱚᱝ ᱟᱦᱟᱣ ᱟᱠᱟᱱᱟ,ᱯᱤᱴᱷᱟ. ᱵᱟᱝ ᱡᱩᱛᱩᱜ ᱠᱟᱱᱟ ᱾ ᱦᱚᱞᱚᱝ ᱚᱝ ᱡᱷᱟᱲ ᱚᱪᱚᱭ ᱦᱩᱭᱩᱜᱼᱟ ᱾ ᱛᱚᱵᱮ ᱠᱷᱟᱱ ᱜᱮ ᱡᱩᱛᱩᱜᱼᱟ ᱾ ᱦᱟᱱᱦᱟᱨ ᱛᱮᱭᱟᱜ ᱠᱟᱛᱷᱟ ᱞᱮᱠᱟ ᱛᱮ ᱦᱚᱞᱚᱝ ᱠᱤᱱ ᱚᱝ ᱡᱷᱟᱲ ᱚᱪᱚ ᱠᱮᱫᱟ ᱾ ᱮᱱᱛᱮ ᱨᱮᱸᱦᱚ ᱯᱤᱴᱷᱟ. ᱫᱚ ᱵᱟᱝ ᱡᱩᱛ ᱞᱮᱱᱟ ᱾
ᱢᱤᱫ ᱜᱷᱟ.ᱲᱤᱡ ᱛᱟᱭᱚᱢ ᱟᱛᱳ ᱨᱮᱱ ᱵᱟ.ᱨᱥᱟ. ᱦᱟᱲᱟᱢ ᱮᱛᱷᱮᱢ ᱮᱛᱷᱮᱢ ᱛᱮ ᱟᱠᱚ ᱚᱲᱟᱜ ᱮ ᱦᱮᱡ ᱮᱱᱟ ᱾ ᱟᱫᱚ ᱠᱤᱱ ᱞᱟ.ᱭᱟᱭ ᱠᱟᱱᱟ ᱦᱚᱞᱚᱝ ᱠᱚ ᱟᱦᱟᱣ ᱟᱠᱟᱫᱟ ᱾ ᱜᱩᱲ ᱯᱤᱴᱷᱟ. ᱵᱟᱝ ᱡᱩᱛᱩᱜ ᱠᱟᱱᱟ ᱾ ᱩᱱ ᱠᱤᱱᱟᱜ ᱠᱟᱛᱷᱟ ᱟᱸᱡᱚᱢ ᱛᱮ ᱵᱟ.ᱨᱥᱟ. ᱦᱟᱲᱟᱢ ᱢᱩᱞᱩᱡ ᱢᱩᱞᱩᱡ ᱞᱟᱸᱫᱟᱭ ᱫᱷᱩᱨᱟ.ᱣ ᱮᱱᱟ ᱾ ᱟᱫᱚᱭ ᱢᱮᱛᱟ ᱠᱤᱱ ᱠᱟᱱᱟ ᱥᱟᱨᱮᱡ ᱜᱩᱲ ᱟᱨ ᱦᱚᱞᱚᱝ ᱢᱮᱱᱟᱜ ᱠᱷᱟᱱ ᱛᱩᱫᱽ ᱵᱮᱱ ᱾ ᱜᱩᱲ ᱵᱷᱟ.ᱞᱤ ᱞᱮᱠᱟ ᱯᱟ.ᱦᱤᱞ ᱛᱮ ᱦᱮᱰᱮᱡ ᱢᱮᱥᱟᱭ ᱵᱮᱱ ᱾ ᱪᱤᱴ ᱧᱚᱜ ᱞᱮᱠᱟ ᱵᱮᱱᱟᱣ ᱞᱮᱱ ᱠᱷᱟᱱ ᱟᱲᱜᱚ ᱠᱟᱛᱮ ᱦᱚᱞᱚᱝ ᱥᱟᱶ ᱵᱷᱟ.ᱞᱤ ᱞᱮᱠᱟ ᱥᱤᱯᱤ ᱢᱮᱥᱟᱭ ᱵᱮᱱ ᱟᱨ ᱜᱩᱲ ᱯᱤᱴᱷᱟ. ᱡᱩᱛ ᱵᱮᱱ ᱾ ᱩᱱᱤᱭᱟᱜ ᱠᱟᱛᱷᱟ ᱞᱮᱠᱟ ᱛᱮ ᱠᱤᱱ ᱥᱮᱱ ᱮᱱ ᱠᱷᱟᱱ ᱛᱟᱭᱚᱢ ᱛᱮ ᱟ.ᱰᱤ ᱱᱟᱯᱟᱭ ᱜᱩᱲ ᱯᱤᱴᱷᱟ. ᱡᱩᱛ ᱮᱱᱟ ᱾
.webp)
