দারে

 দারে

-ভারতী টুডু

আমদ দারে উনৗ মারাং
হেচ্ আকানাম অকা খন?
চেৎ এম জমা, চিকৗতেম
তাঁহেনা, একলা এন খান?

আঁজম কাতেঃ মৗই আ কুকলি
লৗই কেদায় লৗটু দারে।
চেঁড়েয় জমলেৎ তাঁহেন বিলি জ
পাসনাও লেৎ, ই্তৗ উন রে।

দাঃ আর হাসা গুনতে
ইঞিঞ  জানামেন মিত্।
সিঞ চাঁদোয় এমা দিঞ
আয়াঃ লল সিতুং সিদ্।

ধৗরতী আয়ো এমা দিঞ
জিউয়ি রেয়াড় দাঃ দ।
নওয়া কো তেগে,বেনাও কেদাঞ
ইঞ আ  জমাঃ দ।

রেহেৎ সাপ উরিদ কেদাঞ
ধৗরতী রেয়া হাসা।
সেরমা সেন পাশনাও কেদাঞ
ইঞ আ জিউয়ি রাসা।

নংকা কাতে মেনেঞা ইঞ
হয় বৗরডু সাহা।
নওয়াগে ইঞাঃ জিয়ন কাথা
বুঝ কেদাম, মৗই বাহা।