আদিবাসী হুয় কাতে আদিবাসী কোওয়াঃ কুশপুতুল রাপাঃ দ আদিবাসী কোওয়াঃগে
খুতি
জাহের আয়ো
মুরমু
হলা ৯ সেপ্টেম্বর আদিবাসী
সেঁঙ্গেল অভিযান পাহ্টা খন মঁড়ে গটাং পনৎ (বাংলা,বিহার, আসাম, উড়িষ্যা আর ঝাড়খন্ড)-রে
মানতান হেমন্ত সরেন- ঝাড়খন্ডরেন মুখিয়ৗ মন্ত্রী, মানতানিয়ৗ দ্রৌপদী মুরমু- ঝাড়খন্ডরেন
রাজ্যপাল,বাবুলাল মারান্ডি- বিরুধী দল নেতা এমান কোওয়াঃ ঞুতুম তে কুশপুতুল রাপাঃ রেনাঃ
চিতৗর শোস্যাল মিডিয়ারে ঞেল আকানা। আর নোওয়াদ সানাম দিসম হড় কো ঞেল কেদা। অনা লেকাতে
দেশ-দিসম হড়, ভারত রেন আদিবাসী কোওয়াঃ জুমিৎ লৗইতে চেৎ কো উইহৗর কেদা অনাদ আর আদিবাসী
কদ নিৎ নাপায় তেগেকো উইহৗর দাড়েয়াঃ কানা।
আদিবাসী সেঁঙ্গেল
অভিযান যাঁহা সেঁঙ্গেল তে খেলোড কানায় অনাতে আদিবাসী সমাজ বাং ল তরজঃ আতো? কুক্লি
তাঁহেন কানা। যাঁহা পনৎ লৗইতে আদিবাসী কো গরব কো আটকারা। জাঁহা পনৎ রেন আদিবাসী কো
গনতান্ত্রিক লেকাতে কো বাছ্নাও আকাদেয়া মানতান হেমন্ত সরেন। উনি তায়ম রেহঁ আদিবাসী
হড়দ বাংকো কমা অনা হঁবন বাডায়া। উনকুহঁ যুদি নোওয়া কৗমি রেনাঃ বিরুধ রেকো আঁড়গঁ লেনখান,
চেৎ আদিবাসী জুমিদ মেন্তে আর যাঁহানা তাঁহেনা? কুক্লি তাঁহেয়েনা?
সানাম খন হাহাড়া
আয়কাও এনা আয়মা জায়গারে কৗটিচ্ কৗটিচ্ বাবু মৗই তাকো সামাংরে দহ কাতে যাঁহা ভাবতে
কুশপুতুল রাপাঃ রঁগঁ হুয় এনা অনাতে আডি বৗড়িচ্ আয়কাও এনা। নোওয়া চিতৗর ঞেল কাতে উনকু
বাবু-মৗই তাকো হাপেন দিনরে চেৎ কো সেঁড়ায়া ? বাডায়া বন গিদৗর দ অনুকরন প্রিয় কানাকো,
মারাং হড়াঃ কৗমি ঞেল কাতেকো চেদা। নুকু গিদৗর কো নোওয়া বয়েস রে নংকান কৗমি হরা বন উদুঃ
আকো কানা উনকু সামাংরে দহ কাতে। নোওয়া কৗমি যুদি নংকাগে হুয় ইদি লেনখান হাপেন যাঁহায়
কো লৗগিৎ অলচিকি কাথা বন রড় এদা উনকু বাবু-মৗই তাকো তিনাঃ কো সেঁড়ায় তাবোনা কুক্লি
মিৎটাং তাঁহেন কান গেয়া। অজে লেকাতেদ লৗই গানঃআ জাঁহায় বাবু-মৗই গিদৗর নিৎ খনগে মুখিয়ৗ
মন্ত্রী, রাজ্যপাল লৗইতে নংকান বৗড়িচ্ উইহৗর বহঃরে বল আয়া এনখান হাপেন দিন উনি গিদৗর
মুখিয়ৗ মন্ত্রী, রাজ্যপাল লেকান পদ রে দুড়ুপ আয় তো ? সে উনরেহঁ কুশপুতুল রাপাঃ কোওয়ায়
সে উনদ জিউয়েৎ হড়ে রাপাঃ কোওয়া ? নোওয়াহঁ আবোঠেন আডি মারাং উইহৗর রেনাঃ কানা। গিদৗর
কদ গিদৗর কোওয়াঃ পুরিবেশ রেগেবন হারা অচওয়াকোমা। গিদৗর কো লৗইতেদ অকয়হঁ আলোবন পলিটিক্স
মা। পলিটিক্স দ পলিটিক্স জায়গারেগে তাঁহেন মা। আর বাংখান নিৎ যাঁহায় কো মুখিয়ৗ মন্ত্রী
সানাতে কৗটিচ্ কৗটিচ্ বাবু মৗই তাকো কৗমিরেবন লাগাওয়েৎ কোওয়া উনকুগে হাপেন উনিয়াঃ/উনকুওয়াঃ
কুশপুতুল বাংক রাপাগা অকয়ে মেন কেয়া ?
.webp)
