পারগানা মহল পাহ্টা
খন জেলা প্রশাসনিয়ৗ সাঁও গাপাল মারাও কাতে যাঁহা দাবীকো সদর সামাং কেদা অনাকো মুদ্রে
ঞুমানাঃ দ হুয় এনা-পুরুলিয়া জেলারে যাঁহা সান্তাড়ি মিডিয়াম বিরদৗগাড় করে নুন দিন হৗবিচ্
আপনার মনেতে পাড়হাও আগুওয়াকাৎ মাচেৎ কো প্যারাটিচার লেকাতে হাতাও কো হোয়োঃ মা। জেলারে
১০% সান্তাড়ি এলাকা করেনাঃ প্রাইমারী বিরদৗগাড় করে সান্তাড়ি মিডিয়ামতে অলঃ পাড়হাও চৗলুঃ
হোয়োঃ মা। সানাম সান্তাড়ি এলাকা করেনাঃ মাধ্যমিক আর উচ্চমাধ্যমিক বিরদৗগাড় করে সান্তাড়ি
সাতাম চৗলু হোয়োঃ মা সাঁওতে সিধু-কানু-বিরসা জেগেৎ বিরদৗগাড় অধীনরে হেনাঃ সানাম কলেজ
করে সান্তাড়ি হৗটিঞ আর সান্তাড়ি মিডিয়ামতে অলঃপাড়হাও চৗলুঃ হোয়োঃ আ।
২০১২ আর ২০১৫
সালরে আপার প্রাইমারী বিডৗওরে পাশ আকাৎ এস.টি. ক্যাটাগরিরেন Untrained Candidate কো
লগন ইন্টারভিউ হাতাও কাতে ১৫৮৫ গটাং খৗলি পদরে বাহাল রেনাঃ বন্দেজ হোয়োঃ মা।
জেলারেনাঃ সান্তাড়ি
মিডিয়াম বিরদৗগাড়- লহাট হাই স্কুল, সোনাইজুড়ি তিলকৗ মুরমু জুনিয়র হাই স্কুল, টাড়াবাড়ী
সাধু রামচাঁদ জুনিয়র হাই স্কুল, খাড়বাড় সারদা প্রসাদ কিস্কু জুনিয়র হাই স্কুল, সোনাইজুড়ি
তিলকৗ মুরমু প্রাইমারী স্কুল এমান করে আডি লগনতে হোস্টেল বেনাও রাকাব্ হোয়োঃ মা। অনা
সাঁওতে জেলারেনাঃ বন্ধ আকান আদবাসী হোষ্টেল কো লগনতে চৗলু হোয়োঃ মা।
যাঁহায় পৗঠুওয়ৗকো
ভূওয়ৗ এস.টি. সার্টিফিকেট তালাতে কলেজ করে ভরতি রেনাঃ দাও কো হাতাও এদা ওনকোওয়াঃ রেজিষ্ট্রিশন্
বৗতিল কাতে ওনকো বিরুধ্রে আইনি বন্দেজ হাতাও হোয়োঃ মা।
আযোদিয়ৗ বুরু
রেনাঃ সান্তাড় কোওয়াঃ ঞুতুমান “ ল-বির বাইসী” সুতৗন টান্ডি চিন্হৗও কাতে আর পাট্টা
এম্ কাতে নাপায় দহরেনাঃ বন্দেজ করাও হোয়োঃ মা। জেলারেনাঃ পঞ্চায়েত, ব্লক, জেলা প্রশাসনিয়ৗ
এমান করে সাইন বোর্ড সান্তাড়ি পৗরশি অলচিকিতে অল হোয়োঃ মা অনা সাঁওতে সানাম দপ্তর রে
সান্তাড়ি পৗরশি অলচিকি বাডায়ান কৗমিয়ৗ কো হাতাও হোয়োঃ মা। মানবাজার কাদলাগোড়া রে কানু
মুরমু মুঠৗন রৗপুদ্ আকাদ্ কোওয়াঃ শাসেৎ ঞাম কৗমি হরা তিনৗ সাঁগিঞ অনা লগনতে বাডায়
অচ হোয়োঃ মা।
২০২১ সালরেনাঃ
হড় গুনতি রে আদিবাসী সান্তাড় কোওয়াঃ ধরম “সৗরি ধরম” অল হোয়োঃ মা। আর বাংখান পুরুলিয়া
জেলা রেনাঃ হড় লেখা পুরৗপুরি বয়কট হোয়োঃ মা। ২০০৬ সাল বুরু আইন রেনাঃ নেয়াম কৗড্রৗই
ভাবতে কৗমিরে জওয়ায় কাতে আদিবাসী কোওয়াঃ বির-বুরু, দাঃ হাসা রেনাঃ অৗইদৗর নিশ্চিন্তি
করাও হোয়োঃমা আর অনা এলাকারেন জমি বেওহৗরিয়ৗ আদিবাসীকো মুদ্রে অনা জমি পাট্টা এম রেনাঃ
বন্দেজ করাও হোয়োঃ মা। কয়লা তুলৗও ঞুতুমতে কোল ব্লক বেনাও কাতে আদিবাসী কো ঞির লাগা
বাং চালাঃ আ।
বাঘমুন্ডি ব্লক
রেনাঃ আযোদিয়ৗ গ্রাম পঞ্চায়েত এলাকারে গ্রাম পঞ্চায়েত পেডরে অল আকান বয়ান রে আদিবাসী
সান্তাড় কো সঝ্হে হিন্দু মেন্তে রড় হোয় আকানা। অনাতে আদিবাসী হড়-হপনাঃ প্রকৃতি চেতান
বঁগা-বুরুরে ঠক্রাও হোয় আকানা আর কৌশলতে হিন্দু করাওক হোয়োঃ কানা। আডি লগনতে অনা পেড
বৗতিল করাও হোয়োঃ মা।
.webp)
