আবোওয়াঃ ওয়েব পেজ : ঞুম-উরুম গায়ান অনলিয়ৗ সুবল চন্দ্র হাঁসদা আঃ শায় সেরমা দিশৗতে ভারত জাকাত সান্তাড়ি
অনলিয়ৗ গাঁওতা (পঃবঃ) আঃ সৗহিজুহিতে মিৎ ভারচুওয়াল আখড়া সাপ্ড়াও আকানা মেন্তে বাডায়
ঞাম আকানা। বাডায় আকানা বাংমা দারায় কান ৬ সেপ্টেম্বর সিঁগৗড় ৭.৩০ টাড়াং অক্তে গায়ান
অনলিয়ৗ সুবল চন্দ্র হাঁসদা আঃ শায় সেরমা দিশৗতে সান্তাড়ি গায়ান চেতান গুগ্ল মিট তালাতে
নোওয়া ভারচুওয়াল আখড়া সদরঃআ মেন্তে বাডায় আকানা। নোওয়া আখড়ারে সানাম কো সেলেদঃ লৗগিৎ
হঁ নেঁওতা কিন দহ আকাদা গাঁওতা পারসেৎ মানতান টি.সি. বাস্কে আর গাঁওতা সুৎরেৎ মানতান
দ্বিজপদ হাঁসদা।
বাডায় আকানা নোওয়া
আখড়া দয় উঢৗওয়া মানতান মদন মোহন সরেন গোম্কে (কনভেনর,সান্তালি এডভাইজরি বোর্ড, সাহিত্য
একাডেমি, নিউ দিল্লী)। মারাং পেড়া লেকাতে সেটের তাঁহেন কানায় মানতান শৈলজানন্দ হাঁসদা।
বাডায় আকানা মানতান হাঁসদা গোম্কে দ সুবল চন্দ্র হাঁসদা আর উনিয়াঃ সাঁওহেদ্ জীয়ন
সাতাম লৗইতে বাঁখেড় এ দহয়া। নেঁওতা পেড়া লেকাতে সেটের কিন তাঁহেন কানা মানতান সারি
ধরম হাঁসদা আর মানতান খেরওয়াল সরেন আর মৗনান পেড়া লেকাতে সেটেরে তাঁহেনা মানতান ডঃ
বাবুলাল টুডু গোম্কে।
আখড়া উঢৗও সেরেঞায়
মানতান লবা মুরমু আর আখড়ারে অনড়হেঁ বাঁখেড়া কিন অনড়হিঁয়ৗ মানতান রূপচাঁদ মান্ডি আর
মানতান সনাতন টুডু গোম্কে তৗকিন। আরহঁ বাডায় আকানা আখড়ারে সেরেঞা কিন মৗই সুরুজ মুনি
মুরমু আর মানতান তুফান হাঁসদা। আখড়ারে সারহাও চাল বাঁখেড় এ দহয়া মানতান সুব্রত বাস্কে।
নোওয়া আখড়া চাচালাওরে
তাঁহেনায় মানতান টি.সি. বাস্কে। নোওয়া কো সানাম লেকান ডগর গাঁওতা সুৎরেৎ মানতান দ্বিজপদ
হাঁসদা গোম্কে আবোরেন খবরিয়ৗয় বাডায় অচ আকাদেয়া।
.webp)
