আবোওয়াঃ ওয়েব পেজ্ : পুরুলিয়া জিলৗ সান্তালি লিটারেরি ফোরাম আঃ সৗহিজুহিতে কারাম পরব লৗইতে মিৎ গাপালমারাও আখড়া সাপ্ড়াও আকানা মেন্তে বাডায় আকানা। বাডায় আকানা বাংমা ২৮ আগস্ট তারাসিঞ ২ টাড়াং অক্তে বান্দোয়ান বাস স্ট্যান্ড সোর টুডু বাখোল রে অনা আখড়া সৗখি সভা আ।
নোওয়া আখড়ারে পেড়া লেকাতে সেটের তাঁহেন কানায় পুরুধুল অনলিয়ৗ মানতান গোমস্তা প্রসাদ সরেন আর ‘কারাম পরব’ সাতাম লৗইতে গাপালমারাওরে সেলেদঃআ কো মানতান কলেন্দ্রনাথ মান্ডি (‘সিলি’ পাথাম শিরৗ সাসাপাড়াওয়িচ্), ভক্তরঞ্জন বাস্কে, রামদাস মান্ডি,সীতেন মান্ডি,বঙ্কিম চন্দ্র হেম্ব্রম আর মহাদেব হাঁসদা ( ‘তেৎরে’ পাথাম সাসাপাড়াওয়িচ্) সাঁওতে আরহঁ আয়মা অনলিয়ৗ আর অনড়হিঁয়ৗ কো।
বাডায় আকানা পুরুলিয়া জিলৗ সান্তালি লিটারেরি ফোরাম দ এহব খন মিৎ লেতাড়গে নংকানা গাপালমারাও আখড়া সাঁওতে নানাহুনৗর সাঁওহেৎ সাতাম লৗইতে সেমিনার, ঞুতুমান অনলিয়ৗ,অনড়হিঁয়ৗ, সেরেঞ কৗরিগল কো গুনমানাও সারহাও চাল লেকান আখড়া কৗমি হরায় সাপ্ড়াও অৗগুয়েদা।
নোওয়া কো সানাম লেকানাঃ ডগর আবোরেন খবরিয়ৗয় লৗই সদর আকাদেয়া ফোরাম রিনিচ্ সেক্রেটারী মানতান অরুন কুমার সরেন গোম্কে।
.webp)
