(হুডিঞ মাছা কৗহনি)
বৗসাম বেড়া রে জম বাড়া কাতে সুষেন দ অফিস ব্যাগ সামটাও সামটাও তেগে চাতালরেয় এনেজ জংকান সাদের হপন মার্শালে মেতায় কানা, "বেটু! দুষ্টুমি করো না , ম্যামদের কথা শুনবে , OK " ।অঁডগঃ মাড়াংরে হহ জেলেঙ কাতেয় মেন কেদা "ও গো শুনছ, বেটুকে রেডি কর, আমি এলাম"।ভিতির অড়াঃ খন অৗডি রেয়াড় সিবিল রড় অডগেনা "হেঁ হেঁ এসো ! দূগ্গা দূগ্গা "। অডগেনতেয় শেফালী দ ক্লাস ওয়ানরেয় অলঃকান সাদের হপন সাৎসাপড়াও কাতেৎ ওয়েটিং রুমরে টাংগাও মেনাঃ দূর্গা ছবিসেন ডবঃ কাতেৎ , দূগ্গা দূগ্গা মেন কাতে স্কুলতেয় ইদি কেদেয়া।
সুষেন মুর্মু দ সরকারী অফিসার কানতেয় সাদের হপনাঃ আগাম কাথা উইহৗর কাতেৎ বাজার রেয় বাসায়েনা। মনে রে কাথায় গটা দহ আকাদা আতু দিশম রেনাঃ সেদায় কালচার খন দ উকুরেয় দহয়েয়া আর অৗডি মারাং হড়ে বেনাওয়েয়া। অনাতে ইংলিশ মিডিয়ামতেয় অল হচয়ে কানা, অড়াঃরে হড় তেহ বায় রড়া, ঞুতুম হ বায় কুশিয়ৗঃ আ , এনহ আচ বাবাহাঃ ঞুতুম কান দ !
আয়মা দিন হুয়েনা দামোদর গাডারে হয়তে গিতিল অটাং এনা, মেনখান মজতে দাঃ দ বাং আতুলেনা,নতে মার্শাল দ বিটেক ফাইন্যাল ইয়ারে অলা, সাদের মিসরৗ রিয়া হ ১১ ক্লাস খন ১২ ক্লাস চালাঃ লৗগিদেয় অলঃ কানা। নতে সুষেন হ উমেরান বহঃরে মিটাং মিটাং নাওয়া নাওয়া কুকময় ঞেলা। নতে বিটেক কম্পিলিট কাতে সের্মা আচুরঃ তেগে মার্শালাঃ জব হুয়েন তায়া রেলওয়ে টেকনিক্যাল ডিপার্টমেন্টরে। হপনরায় গঙে খানগে আদয় নিশ্চিতঃ আ ,তবে সুর সুপুর ছৗতিক কোওয়াঃ রড়তে মনেয় রাগ তায়া, রড়াকো "এস টি ছেলে ! "নতে মার্শাল মা হিন্দি, ইংলি্, বাংলা বেগর হড়তেমা রড়গে বায় গান কেয়া । বায় বাড়ায়া বাহা সহরায় দং লাংড়ে, বায় উরুম কোয়া বোঙ্গা বুরু ! নংকাগে পারম পারমতে যাঁহায় ক কুলিয়েয়া "বাবু চেৎতাম ঞুতুম ? অকারেতাম দিশম ? "মেনখান নুইমা বায় বাড়ায়া "হড় খানগে পেড়া " ! কুকলি আড়াং মা মঁজ গেয়া, তেলা গেত বায় এম দাড়েয়াঃআ ,অনাতে বহঃ তিরুব বেগর চেতে চিকায়ৗ ? মনে রে পালে আচ্ তালারে কুকলি রাকাব গেতায়া জানিচ্ ,আদ তিসেম উইহৗরা?
.webp)
.webp)
