সিঁগি মাহা রেনাঃ সাকাম ‘চেরেচ্ আড়াং’ লেখা- ৭১

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com  

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, বাড়তাঙ সরেন, সনাতন টুডু, বাবলু সরেন, সীতেন মান্ডি, দুগাই টুডু,   দুর্গাচরণ মুরমু , সমর লাল টুডু।

 

রিলৗমালা মুরুমু, ক্লাস- V
জেলা - পুরুলিয়া

 ১।।

ᱫᱩᱜᱟᱹᱭ ᱴᱩᱰᱩ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱫᱩᱜᱟᱹᱭ  ᱫᱟᱫᱟᱭ
ᱨᱟᱲᱟ       ᱠᱮᱫᱟᱭ ᱾

   ᱡᱚ       ᱡᱟᱹᱞᱤ
ᱜᱤᱫᱽᱨᱟᱹ ᱵᱟᱹᱣᱞᱤ ᱾

ᱥᱤᱸᱜᱤᱸ     ᱥᱤᱧ
ᱥᱤᱸᱜᱤᱸ     ᱧᱤᱫᱟᱹ ᱾

ᱵᱟᱭ    ᱵᱷᱟᱜᱟᱜ
ᱵᱟᱭ     ᱵᱤᱫᱟᱹᱜ ᱾

ᱫᱩᱜᱟᱹᱭ   ᱴᱩᱰᱩ
ᱥᱟᱶᱦᱮᱫ   ᱞᱟᱹᱰᱩ ᱾

ᱜᱤᱫᱽᱨᱟᱹ  ᱞᱟᱹᱜᱤᱫ
ᱦᱳᱭᱳᱜ     ᱵᱷᱟᱹᱜᱤ ᱾

ᱮᱢᱚᱜ      ᱠᱟᱱᱮ
ᱟᱱᱮᱪ     ᱫᱷᱟᱱᱮᱪ ᱾

ᱚᱞ-ᱮᱫ      ᱠᱟᱱᱟᱭ
ᱪᱟᱞ-ᱮᱫ    ᱠᱟᱱᱟᱭ ᱾

ᱪᱮᱨᱮᱡ     ᱟᱲᱟᱝ
ᱨᱟᱲᱟᱝ     ᱨᱟᱲᱟᱝ ᱿

====== ᱞᱧ ======

২।।

ᱪᱟ'ᱫᱚ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱯᱩᱥ ᱟᱨ ᱢᱟᱜ
ᱨᱟᱵᱟᱝ ᱨᱤᱛᱩᱭ ᱜᱟᱜ |
 
ᱯᱷᱟ.ᱜᱩᱱ ᱟᱨ ᱪᱟ.ᱛ
ᱱᱤᱨᱚᱱ ᱨᱤᱛᱩᱭ ᱥᱟ.ᱛ |
 
ᱵᱟ.ᱭᱥᱟ.ᱠᱷ ᱟᱨ ᱡᱷᱮᱴ
ᱥᱤᱛᱩᱝ ᱨᱤᱛᱩᱭ ᱜᱷᱮᱴ |

 

ᱟᱥᱟᱲ ᱟᱨ ᱥᱟᱱ
ᱡᱟ.ᱯᱩᱫ ᱨᱤᱛᱩᱭ ᱫᱟᱱ |
 
ᱵᱷᱟᱫᱚᱨ ᱟᱨ ᱫᱟᱥᱟᱭ
ᱦᱮᱢᱟᱞ ᱨᱤᱛᱩᱭ ᱵᱟᱥᱟᱭ |
 
ᱥᱚᱦᱨᱟᱭ ᱟᱨ ᱟᱜᱷᱟᱲ
ᱦᱟᱣᱮᱫ ᱨᱤᱛᱩᱭ ᱥᱟᱜᱟᱲ |

 

====== ᱞᱧ ======

৩।।

ᱦᱟᱹᱛᱤ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

 

 ᱵᱩᱨᱩ ᱞᱮᱠᱟᱱ ᱦᱚᱲᱚᱢ ᱛᱟᱭ ,
   ᱦᱟᱴᱟᱜ ᱞᱮᱠᱟᱱ ᱞᱩᱛᱩᱨ ᱛᱟᱭ ;
   ᱛᱷᱩᱢᱵᱤ ᱞᱮᱠᱟᱱ ᱡᱟᱸᱜᱟ ᱛᱟᱭ ,
           ᱨᱤᱯᱤᱫ ᱢᱮᱫᱛᱮ ᱠᱚᱭᱚᱜ ᱜᱟᱭ  ᱾

   

  ᱪᱟᱹᱵᱩᱠ ᱞᱮᱠᱟᱱ ᱪᱩᱯᱤ ᱛᱟᱭ ,
   ᱴᱷᱮᱸᱜᱟ ᱞᱮᱠᱟᱱ ᱰᱟᱴᱟ ᱛᱟᱭ ;
   ᱡᱷᱟᱹᱞ ᱵᱤᱱᱰᱟᱹ ᱞᱮᱠᱟᱱ ᱥᱩᱲᱛᱟᱭ ,
              ᱰᱷᱮᱨ ᱠᱷᱟᱪᱚᱞᱟᱹᱜ ᱡᱚᱢᱟᱭ  ᱾

  

  ᱦᱤᱞᱟᱜ ᱞᱮᱠᱟᱱ ᱛᱟᱲᱟᱢ ᱛᱟᱭ,
   ᱯᱷᱩᱨᱮᱫ ᱞᱮᱠᱟᱱ ᱥᱟᱰᱮ ᱛᱟᱭ ;
   ᱥᱮᱸᱜᱮᱞ  ᱞᱮᱠᱟᱱ ᱨᱟᱜᱤ ᱛᱟᱭ,
          ᱵᱩᱨᱩ ᱵᱮᱜᱚᱨ ᱵᱟᱭ ᱛᱟᱸᱦᱮᱱᱟᱭ᱾

  

====== ᱞᱧ ======

৪।।

সোনা দিশম

বাড়তাঙ সরেন

 

আডি মারাং দিশম তাবোন
                    সোনা ভারত দিশম
নানা হুনৗর জৗতি পেরেচ
                 আবো জানাম দিশম।

 

উতর নাখা হেমাল বুরু
                 দৗখিন রেদ দারহা
পুরুব রেদ নামাল দিশম
               হড়কো হিজুঃ নালহা।

 

পছিম রেদ নর্মদা নৗই
               আতুঃ চিহিল চিপিল
গুহুম হুড়ু আনেচ ধানেচ
             ডাংরা কাডা  বিতকিল।

 

অকারেদ কাড়াং কাড়াং 
                  বীরবুরুতে পেরেচ
অকারেদ জঁডরা রাহেড়
                হিলঃ লেগেজ লেগেজ। 

 

হাণ্ডে নাণ্ডে তপা হেনাঃ
                      আয়মা রুপৗ চাঁদি
খাদান লাতার সাজাও আকান
                        সোনা মুরৗই বাঁদি।

 

হিন্দু মুসলৗ বৌদ্ধ ইসৗই 
                     নানা হুনৗর ধরম
জৈন সাঁওতে আর হঁ মেনাঃ
                      সারনা সৗরি ধরম।

 
নানা হুনৗর হরঃ বাঁন্দে
                আয়মা লেকান পৗরসী
আরিচৗলি পরবপৗলি
                   দিশম রেনাঃ আরসি।

 

নানা হুনৗর মৗনমী তালা
                        মেনাঃ জুমিৎ দাড়ে
জানাম দিশম তপল সৗগৗই
                         নংকা তাঁহেন বাড়ে।

 

====== ᱞᱧ ======

৫।।

দেলা হিজুঃ মে

সনাতন টুডু

                              

দেলা হিজুঃ মে
সেরমা সাঁগিঞ খন,
উডৗও  রিমিল আমদো
বাসা তরাঃ  খান।

          

সেরমা চেতান দিনগে
আমদোম  উডৗও কান,
অকয়  হঁকি  বাংকো
তাঁহেন লৗয়ৗম  কান  ।

 

====== ᱞᱧ ====== 

৬।।

রাবাং

বাবলু সরেন

 

আডি রাবাং পাড়াও আকান
তেহেঞ চাঃ চং নংকা
লাকাড় লুকুড় থার থারাঃ কানে
হৗনি হাঁডে কংকা ৷

 

সেঙ্গেল সিবিল ঞেলতে
কংকায় সেনঃ অঁডে
দুড়ুপ আকান হাড়াম,বুডহি
কৗহনি আক নঁডে ৷

 

আজম রেমা মঁজায় বুঝৗও
ভূতাং খানগে বতর
অনা তেগে বায় সেনঃ অঁডে
মেনায় আডি সতর ৷

 

====== ᱞᱧ ======

৭।।

 গিদৗর বৗউলি

সীতেন মাণ্ডি

 

বাবুয় রাগা দাকা বায় জম
  গড়ম বায় কুলিয়েয়া
চেদাঃ বাম জম দাকা বাবু
   দিদি দাল কিদিঞায় ।।

 

গড়ম হাড়ামে মেতায় আলম রাগা
দাকা লাং জমা দেলা
দিদি দবন জাঁওয়ায় কায়া
সহরায় রে নেওতা বা লাং চালাঃ আ।।

 

বিটি রাগা বায় রড়া
গড়ম বুড়ি কুলিয়েয়া
চেদাঃ না কুঁসুৎ কুঁসুৎ
অকয়ে ইতিচ্ কেৎ মেয়া ?

 

দাদায় মেতাঞ ইঞ দ থুঁগলি
হাড়াম বায় মেতাঞ কুঙ্কি
গড়ম আয়োয় মেতায় বিটি
সহরায় নেওতা রে আলম গজে সিম সাঁডি।

 

বয়হা বুহিন গড়ম হাড়াম বুড়ি
   জিউয়ি রাড়েজ সৗগৗই
নিত গে লৗড়ৗই উন গে গাতে
তিনৗঃ মজ বুজুঃ নুকু আতে।

 

====== ᱞᱧ ======

৮।।

দিলীপ সরেন

দুগাই টুডু

 

আঁজম গদ কাথায় উনি
       অনলিয়ৗ কানে,
ঞুতুম তায়দ দিলীপ সরেন
       হড়’কো বাডায় হানে।

 

আপাৎ ঞুতুম বিরাম সরেন
        সানাম কো লৗই ভালা,
জানাম ‘ভানাই কুচলা’ আতো
        হানে বগুড়া জেলা।

 

নাহাঃ দ পাড়াও আকান
          বাংলাদেশ রে অনা,
নোওয়া কাথা জত গেকো
         লৗই বাড়ায় কানা।

 

ম্যাট্রিক পাশ কাতে হেচ্‌ এনায়
         বিকল ডাঙ্গা রেগে,
ঘাঁরঞ্জ সঁগে পছিম দিনাজপুর
        পছিম বাংলা তেগে।

 
পাবলি সিটি অফিসার গে
         সাচার হিঁসগে রেদ,
‘কালচার রিসার্চ ইনস্টিটিউট’রে
         কৗমি আকাদ গেদ।

 

‘সমাজ বাণী’ সাপড়াও লেদায়
        ভাগে পত্রিকা মেনা,
বর্ধমান জেলা রসুলপুর খনাঃ
        অনা উছান লেনা।

 

‘পছিম বাংলা’ ‘যুগ সিরজল’
      অল লেদায় অনা পাথাম করে’
‘সাঁওতা শব্দ পরিচয়’ গে
       পতব কান দরে।

 

‘সান্তালী লিটারারী কালচারাল সোসাইটি’রে
            জগ-পারসেৎ লেনায়,
‘সিদো কানহু মেমোরিয়াল এসোসিয়েশন’
             হানে তেয়ার লেদায়।

 

‘এসপ্ল্যানেড ইস্ট’ ঞুতুম পাল্টাও
           কুরুমুটু লেদায়,
‘সিদো কানহু ডাহার’ ঞুতুম
         আচে সহদ্‌ লেদায়।

 

বৗনুয় রেহঁ তেহেঞ উনি
        এনেম মেনাঃ তায়া,
ইনৗ তায়ম সান্তাড় হপন
       উইহৗর দহয়েয়া।

      

====== ᱞᱧ ======

৯।।

কুড়িৎ রামা

দুর্গাচরণ মুরমু

 

বুরু ডুংরী ধিরি ধারে
বির পাকাড় লিয়েৎ মারে।
গডা খেত আড়ে করে
পুটকি লেকা জ: দরে।
 

লিডে লাডে জুপু থুড়ু
ডার সাকাম সুড়ু মুড়ু।
ঝুড় গাজাড় উমুল চাতাম
তিয়ার গেতায় হৗড়িয়ৗর সাকাম।

 

কুড়বাং জৗনুম ডার পেরেচ
তুড় গুডু জ:ক চেরেচ।
গেনেচ গেনেচ হয়তে এনেচ
জ-বাহা হিলৗঃ কেনেচ ধানেচ।

 

বাং কানায় উডৗ চেঁড়ে
হয়তে সাডে সেঁড়ে সেঁড়ে।
বৗনুঃ তায়  ঠন্‌টা রামা
হড়কো মেতায় কুড়িৎ রামা।

 

====== ᱞᱧ ======

১০।।

তুয়ু হাড়াম

সমরলাল  টুডু

 

হুককৗ  হুওয়া হাড়াম তুয়ু
ভেড়া কম্বল হড়ম উয়ু
লহমঃমে রড়ে বাবা আয়ু
তগজমে রহড় উল্ কুয়ু ।

 

হাড়াম তুয়ু ঞেঁলতে  নিধৗন
লালচ্  তেদ  অড়াঃ  মুধৗন
হড়  হপনক মুদরে আধান
লালচি তুয়ু আঝান বাঝান।

 

দিনৗম  হিলোঃ  আতকির্  জম্
লাবাড়্ তেদ বায় কম্
ধুতি দত অলম ঝলম্
লুতুর্ রেদ  রেবেদ্  কলম্।

 

অড়াঃ খনাঃ  সিম্ মেরম্
গহড় কোওয়ায়  গাডা  পারম্
বৗনুঃ  আকাদ্   শরম ভরম্
নঃঅয় নংকা আয়াঃ  করম্।

 

লাভড়া চাটঃ  তুয়ু হাড়াম
হাডাচ্  হুডুচ্ কলসা তাড়াম
হুককৗ হুওয়া রাঃতে আঁদোড়াম
হড় কোওয়াঃ  জৗপিদ্ ভাঁদোড়াম।

 

রৗগিতে বাবায়ু হাপায়  উয়ুঃ
তেহেঞদ  আমাঃ  গুজুঃ  হুয়ুঃ
আঁজমতে তুয়ু  মায়াঃ মুয়ুঃ
ঞিঁর্ কাতে বিরে তিয়ুঃ।

 

ঁঁঁঁঁ=মুচৗৎ=ঁঁঁঁঁ