(পোন হৗটিঞ তায়ম)
চেৎ লেকা কাতেম অলা (অনল)
শ্রী কা ন্ত স রে ন
কুকলি চিনহৗ ( ? )
যাঁহা আয়াতরে কুকলি তাঁহেনা, অনা মুচৗৎরে কুকলি চিনহৗ ( ?) বেওহার হোয়োঃ আ। লাতাররে মিৎবার নমুনা এম হোয়েনা।(১) তেহেঞ দ ক্লাসরে তিনাঃ গিদরৗ ক সেটেরলেনা?(২) শিবু সরেন কি আরহঁ ভোটরেয় তেঁঙ্গোন কানা ?(৩) ' ভারত জাকাত সান্তাড়ী পৗঠুয়ৗ গাঁওতা ' আঃ শিরৗ অফিস দ অকারে?কুকলি চিনহৗ দ আয়াত মুচৗৎরে এম হোয়োঃ আ ; নওয়াগে নিয়ৗম। মেনখান যাঁহানাঃ আতে সে জাহায় আতে হিঁদিজ (সন্দেহ) তাঁহে লেনখান, আয়াত তালারেহঁ কুকলি চিনহৗ বেওহার গানঃ আ। মেনখান অনা কুকলি চিনহৗ দ ব্রেকেট ( ) ভিতৗররে দহয় হোয়োঃ আ। মিৎবার নমুনা এম হোয়েনা :
(ᱚ) মিৎ সান্তাড়ে ( ? ) লৗই লেদা, সান্তাড় দ দারায়কান ৫০ সেরমা মুদরেক আৎ চাবাঃ আ।(ᱛ) পৈলো সান্তাড় এম.পি. দ ১৯৫৫ সালরেয় ( ? ) জিৎকৗর লেনা । নওয়াকিন আয়াতরে পৈলোরেনাঃ দ ' সান্তাড়ে ' আর দসার রেনাঃ দ ' ১৯৫৫ ' সাল তায়ম কুকলি চিনহৗ বেওহার আকানা নিয়ৗ খৗতির, মিৎ সান্তাড় দ অকয় কানায় সে বাং কানায় আর ১৯৫৫ সালরে পৈলো সান্তাড় এম.পি. ক হোয়লেনা সে বাং, নিয়ৗ আতে অনলিয়ৗ, আঃ হিঁদিজ মেনাঃ আ। অনা খৗতির অঁডে দ ( ? ) চিনহৗ বেওহার আকানা।
ভাড়ুংভাঃ চিনহৗ ( ! )
আবো মিৎবার নংকান কাথাকবন লৗই আ, যাঁহা ক আঁজম কাতে হড়ক ভাড়ুংভাঃ উতৗরঃ আ। অনকান আয়াত মুচৗৎরে নওয়া ভাড়ুংভাঃ চিনহৗ বেওহারঃ আ। লাতাররে মিৎবার আয়াতরে অনা উদুঃ এনা :(ᱚ ) " নিয়ৗ ত আডি বতরৗনিজ ঘটনা !"(ᱛ) " উনাঃ ভালেহড়, অনকান কাথা তিসহঁ বায় লৗই দাড়েয়াঃ আ !"(ᱜ) " উনমারাং কান্ঠাড় এসকারতেগেম জম চাবা কেদা ! "(ᱝ) হায় !হায় ! ঝত উল হাঁড়ু ক জম চাবাকেদা ।
এসকার চেতান কমা ( ' )
নওয়াদ ইংরেজি তেক লৗই আ এপসট্রফি (Apostrophe) । অল জখজ আড়ারেনাঃ মিৎবার লিপি জখজ বাদঃ আ, উন অক্ত নিয়া চিনহৗ দ বেওহারঃ আ। যে লেকা :ইংরেজি তে do not= don't , can not = can't , মেনখান সান্তাড়ীতেদ নংকান আড়া বেওহার রেনাঃ লৗগতি বৗনুঃ আ। এনতেরেহঁ সেরমা ( সাল ), মৗহিত অল জখজ নিয়ৗদ বেওহারঃ গেয়া। যে লেকা :১৫ আগষ্ট, ১৯৪৭ = ১৫ আগষ্ট '৪৭ । সান্তাড়ীতেহঁ নংকানএলখা মেনাঃ আ, অনা করেদ বেওহার গানঃ গেয়া। যে লেকা : গেল মিৎ = গে'মিৎ , গেল পে = গে'পে এমান।
( অনল দ তঁগে আ)
.webp)
