জেগেৎ হাড়াম-বুঢি মাহা দিসৗকাতে
সুরেন্দ্রনাথ মান্ডি
তেহেঞ দ ১লা অক্টোবর। জেগেৎ হাড়াম-বুঢি মানাও মাহা কানা। এপেলহেঁৎতে
মেন লেখান নাহাঃ রেয়াঃ ‘একলা’ মানাও মাহা।
জানাম, গুজুঃ, উমেরঃ আর রোগ-আজার- নোওয়া কদ মৗনমি জিয়ন রেনাঃ
আডি সৗরিন উতৗর ঘটন। জানাম লেনখান গুজুঃ মা হোয়োঃ গে, অনা বেগর অনা তালারে উমেরঃ (
হাড়াম/বুঢি )আর উমেরঃ অক্ত রেয়াঃ রোগ আজার কহঁ অকয় বাংবো টেকাও দারাম কেয়া। সিরজন-নিয়ৗম
লেকাতেগে গিদ্রৗ খন জুওয়ৗন, জুওয়ৗন খন হাড়াম/বুঢিঃ – নোওয়া কদ জিয়ন রেনাঃ মিমিৎ হরা
কানা। স্বাভাবিক নিয়াম হোয়োঃ উমেরান, মেন্মা হাড়াম/বুঢি দ মেনখান নাহাঃ সমাজরে হামাল-বঝা
লেকাগে, জাঁহা দ হোয়োঃ লেক্বাং কানা।
অক্ত বদলঃ সাঁও সাঁওতে, সানামাঃ গে বদলঃ আ, বদলঃ আ রুচি আর
ঞাম তেয়াঃ কহঁ, অনা সাঁও সাঁওতে মৗনমি ঠেন মৗনমি কোওয়াঃ কদর হঁ কমঃআ আঁপড়ে উতারাঃ বুগি
ঞাম আঁসতে। সেদায় দ লৗতি-পুতিয়ৗতেৎ, মেনমা পে-পোন পিড়হি রেন হড় কোওয়াতেৎ লৗটু পুরিবার
তাঁহেকানা। অঁডে উমেরান কোওয়াঃ সন্মান তাঁহেকানা, ওনকো চেতান নেক্-নজর তাঁহেকানা।
নাহাঃ দ অনকান লৗটু পুরিবার বাম ঞামা, লৗটু পুরিবার কেচাঃ কাতেৎ খুদরি পুরিবার জুগ
সেটেরাকানা, জাঁহারেদ ‘আলিঞ আর আলিঞ রেন সুমুং’ ইদিকাতে উইহৗর ভাবনা। হুডিঞ লেগেম লেগেম
সংসার-লৗউকৗ ডয়লং রেগে লাবৗধিয়ৗ বুঝৗও তাঁ-হেয়া, হাড়াম-বুঢি ক ইদিকাতে দ অকয়ে উইহৗরেৎতে।
ওনকো দ ধাদরা হাটাঃ লেকা অড়াঃ রেনাঃ মিৎ কঁড়, বাংখান কুডৗম-সাতে করেগে ঠাঁও ক ঞামা,
এনতে ওনকোওয়াতে দ আর জাঁহান কৗমি বাং হোয়োঃ দ ? খৗতির মনেরে,হড়ম’রে বে-সুক হাঁবুৎ কাতে
সারেচ্ জিয়ন অক্ত ক খেমাওয়া হাড়াম-বুঢি ক। আকরেন আপন-দুলৗড় কোওয়াঃ মেৎআহা ঞেল খন হঁ
ছুডৗর রেকো তাঁহেনা, সেবা-জতন ঞাম মা সৗগিঞ রেনাঃ কাথা।
নোওয়া ক আনাট-এঁটকেটঁড়ে রেনাঃ তুনখি-তলাস কাতে ঞেল লেখান জাঁহা
পোয়লোরেগে ঞেলগঃ আ, অনাদ কানা ‘মূল্যবোধ রেনাঃ অকুলিয়ৗন’। এড়ে-ভেস্ ‘ইঞাঃ সুমুং’ জিয়নরে
সানামাঃ রেনাঃ গনং গে নিতোঃ লেখা কানা টাকা-পুইসৗতে। নতে উমের অজ্তে হাড়াম-বুঢি কমা
রজগার বাং অব্ড়ে য়াকো। খৗতির,হাড়াম-বুঢি কোওয়াঃ আবস্থা থ বৗড়িজ্ গেয়া। দসারাঃ দ, মারেয়াঃ আর নাহাঃ রেয়াঃ রাপাচাঃ তে পুরিবার
ভিত্রিরে সাঁগিঞ ভেপেগেৎ তেয়েরঃ কানা। তেসারাঃ দ, হাড়াম-বুঢি কোওয়াঃ আনাট-এঁটকেটঁড়ে
তেবাঃ ঞাম লেকান মনে-জিউয়ি আয়মা কোওয়াঃ গে বাং তাঁহেনা। পোনাঃ দ জাঁহায় হাড়াম-বুঢি রেন গিদৗর-পিদৗর কো সাঁগে গেয়া, অঁডে
দ ঞেলগঃ আ হাড়াম-বুঢি সেবা জতন লৗগিৎতে ‘হৗনি ঠেলাও, নুয় ঠেলাও’ রেয়াঃ মানসিক আবস্থা।
নংকাতেদ্ হাড়াম-বুঢি অনহেলাঃ গেয়া।
নোওয়া করেনাঃ বাং টেকাও লেখান সমাজ দ আজারঃ গেয়া, নিজোরঃ গেয়া।
জাঁহায় আবো কো, হাড়াম-বুঢি কবোন অনহেলায়েৎ কোওয়া, আবো বুঝ হোয়োঃ তাবোনা জে মিৎদিন হিলোঃ
দ আবোওয়াঃ আবস্থা হঁ নিতোঃরেন ওনকো হাড়াম-বুঢি লেকাগে হোয় দাড়েয়াতা বোনা। অনা জাঁহা
অক্ত সেটেরঃ আ অনা দ আডি বতরান, মনে জিউয়ি-হড়ম’তে সলঃ বকঃ, হাকান কাঁদানঃ অক্ত। কাথারেগে
বাং মেনাঃ ‘জাঁহায়েম রাঃ অচ লেখান আমহঁ রাঃ হোয়োঃ তামা’। জাঁহায় আয়োবাবা কো সানাম লেকান
দুক-কষ্ট-হারন-রেঁগেচ্ তেকো হারাবুরুওয়াকাৎ বোন, জাঁহান আঝাট রে বাং কো ঞুর অচওয়াকাৎ
বোন- ওনকোওয়াঃ অনা ঋণ আবো বাংবো হালায়া ?
হাড়াম-বুঢি অনহেলা কো, সে মানসিক নাহাচার কো ইদিকাতে আদালত
জাঁহা ‘নির্দেশ’ নাহাঃ এ এমাকাদা, অনাতে আবোওয়াঃ লাজাও হোয়োঃ রেনাঃ কাথা। জাঁহায় কোওয়াঃ উমুলতে, জাঁহায় কোওয়াঃ জিয়ন-রাসাতে
আবো কোওয়াঃ জিয়ন রৗস্কৗ-রাসাতে ছেচ্বেচ্ আকানা,চেহেল চেপেল আকানা, আবো জুদি মুড়ুৎ
দারে অনহেলা সে হিড়িঞ কাতে অনারেনাঃ জ-বাহা আমরাও লৗগিৎ তেবোন কেক্ড়েঃ আ, অনা দ চেৎ
নাপায় হোয়োঃ আ ?
.webp)
.webp)
