কিষ্কিন্ধ্যা মুরমুঃ- ঞুতুমান অনলিয়ৗ বাবুলাল মুরমু 'আদিবাসী' আঃ ৮৫ আনাঃ সৗগুন জানাম মাহা মানাও য়েনা পারমেন ১২ জানুয়ারী’২৩ হিলোঃ পুরুলিয়া জেলা রেনাঃ বান্দোয়ান জাপাঃ খেরওয়ালডিরে। গালমারাও আখড়া দয় সৗহিজুহি লেদা সানতালি লিটারেরি ফোরাম পুরুলিয়া। আখড়ারে অনলিয়ৗ আঃ জিয়ন আর সানতালি সাঁওহেৎরে উনিয়াঃ এনেম লৗইতে অড়ে অড়পাত গালমারাও হোয়েনা ।
গালমারাও আখড়ারে মারাং পেড়া লেকাতে সেটের-এ তাঁহে কানা গৗখুড়ান অনলিয়ৗ অনড়হিয়ৗ গোমস্তা প্রসাদ সরেন আর মৗনান পেড়া লেকাতে 'তেতরে ' পাথাম সাসাপড়াওয়িচ মানোতান মহাদেব হাঁসদা। সাঁওতে সমাজ কৗমিয়ৗ রামদাস মান্ডি ,অনিল চন্দ্র মান্ডি আর সাধুরাম সরেন এমান গোমকেক সেটের কো তাঁহেকানা ।
নওয়া লাসাড়হেৎতে গৗখুড়ান অনলিয়ৗ গোমস্তা প্রসাদ সরেনাঃ "সামটাও " অনল পুথি উডহৗউয়েনা। আখড়ারে গাপালমারাও সাঁও সাঁওতে অনড়হে বাঁখেড় রেয়াঃ হঁ আরিবান্ধি তাঁহে কানা ।
আখড়া মুচৗৎরে,সৗগুন মাহারে সেলেদ্ লেন সানাম অনলিয়ৗ অনড়হিয়ৗ সমাজকৗমিয়ৗ সানতালি লিটারেরি ফোরাম রেন সেক্রেটারি অরুন কুমার সরেন সারহাও আর জহার চাল তায়মগে আখড়া কৗমিহরা মুচৗৎ এনা ।
.webp)
.webp)
