সিঁগি মাহা রেনাঃ সাকাম ‘চেরেচ্ আড়াং’ লেখা- ৭০

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com  
 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, সুচাঁদ হাঁসদা, বাড়তাঙ সরেন, দুগাই টুডু, সনাতন টুডু, সীতেন মান্ডি, পি.সি. কিস্কু, সমর লাল টুডু । 

 

রিলৗমালা মুরুমু, ক্লাস- IV
জেলা - পুরুলিয়া

১।।

ᱜᱤᱫᱨᱟᱹ ᱵᱟᱹᱣᱞᱤ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

  

ᱵᱟᱲᱜᱮ ᱞᱟᱛᱟᱨ ᱜᱚᱰᱟ ᱥᱳᱞ
 ᱦᱩᱣᱟᱹ ᱦᱩᱠᱟᱹ ᱛᱳᱭᱳᱭ ᱜᱳᱞ,
 ᱫᱤᱥᱚᱢ ᱜᱚᱴᱟ ᱦᱳᱞ ᱪᱳᱞ
  ᱦᱚᱲᱢᱚ ᱪᱳᱢᱳᱞ ᱪᱳᱢᱳᱞ !

 

ᱟᱭᱨᱮ ᱫᱤᱥᱚᱢᱼ ᱴᱟᱜ ᱴᱟᱜ
ᱵᱟᱭᱨᱮ ᱫᱤᱥᱚᱢ ᱪᱷᱟᱠᱟ ᱪᱷᱟᱜ,
 ᱟᱹᱯᱤᱱ ᱡᱳᱲᱳ ᱫᱩᱸᱫᱩᱸᱲ ᱯᱟᱜ
 ᱦᱚᱲ ᱠᱚ ᱢᱟᱹᱴᱩᱡ ᱠᱟᱜ ।

 

                          (২)

 

 ᱢᱮᱨᱚᱢ ᱵᱩᱥᱟᱹ "ᱢᱮᱻ ᱢᱮᱻ"
 ᱛᱳᱭᱳᱭ ᱢᱮᱛᱟᱭ-, "ᱛᱷᱤᱨᱚᱚᱜᱻ ᱢᱮᱻ"
      ᱟᱞᱚᱢ ᱨᱟᱜᱟ "ᱢᱮᱻ ᱢᱮᱻ"
              ᱠᱚᱞᱮᱨᱮ ᱠᱟᱹᱢᱟᱹᱧ ᱦᱮᱢᱮ ᱾

 

                   (৩)

 

 ᱰᱟᱣᱟᱝ ᱰᱟᱹᱨ ᱨᱮ ᱥᱳᱥᱳᱨᱵᱟᱝ
ᱞᱮᱰᱷᱟᱭ ᱟᱹᱜᱩᱭ ᱞᱟᱹᱲᱜᱟᱹᱣ ᱰᱟᱝ
     ᱥᱩᱥᱩᱨᱵᱟᱝ ᱢᱟ ᱵᱷᱟᱱ ᱵᱷᱟᱱ
               ᱡᱷᱟᱲᱮ ᱠᱚ ᱛᱳᱛᱳᱲ ᱠᱟᱱ ᱾

 

======= ᱞᱧ ======

২।।

ᱫᱷᱤᱨᱤ ᱠᱟᱴᱠᱚ

 ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱜᱟᱰᱟ  ᱫᱷᱟᱨᱮ.
ᱛᱟᱸᱦᱮ  ᱢᱟᱨᱮ. ᱾
ᱫᱚᱦᱚ  ᱯᱟᱨᱠᱚᱢ
ᱫᱷᱤᱨᱤ  ᱠᱟᱴᱠᱚᱢ ᱾
ᱨᱤᱵᱤᱲ  ᱨᱤᱵᱤᱲ
ᱧᱮᱞᱚᱜ  ᱥᱤᱵᱤᱞ ᱾
ᱦᱟᱞᱟᱝ  ᱟᱜᱩᱠᱚᱢ
ᱜᱟᱰᱟ    ᱠᱟᱴᱠᱚᱢ ᱾
ᱨᱟᱯᱟᱜ  ᱨᱤᱛᱽ
ᱟᱹᱨᱤᱛ   ᱠᱩᱨᱤᱛᱽ ᱾
ᱢᱟᱹᱨᱤᱪ  ᱵᱩᱞᱩᱝ
ᱥᱤᱲᱩᱽᱵ  ᱥᱩᱢᱩᱝ ᱾
ᱛᱤᱟ.ᱜ   ᱪᱚᱨᱚᱠ
ᱢᱚᱱᱮᱭ   ᱚᱨᱚᱜ ᱾

======= ᱞᱧ ======

৩।।

ᱯᱚᱨᱟᱭᱱᱤ ᱵᱟᱦᱟ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱟᱢ ᱫᱚ ᱯᱚᱨᱟᱭᱱᱤ ᱵᱟᱦᱟ
ᱫᱟᱜ ᱛᱟᱞᱟ ᱨᱮᱢ ᱵᱟᱦᱟᱜ,
ᱟᱞᱮ ᱵᱟ.ᱵᱩ ᱛᱤᱭᱳᱜ ᱞᱟ.ᱜᱤᱫ
ᱛᱤ ᱩᱫᱩᱜ ᱜᱮᱭ ᱞᱟᱦᱟᱜ |

 

ᱛᱤᱭᱳᱜ ᱟ.ᱜᱩᱭᱟ.ᱧ ᱯᱮ
ᱢᱮᱱ ᱛᱩᱞᱩᱡ ᱮ ᱨᱟᱨᱟᱜ,
ᱚᱜᱚᱢ ᱫᱚᱨᱭᱟ ᱫᱟᱜ ᱛᱟᱞᱟ
ᱪᱮᱠᱟ ᱛᱮᱞᱮ ᱪᱟᱞᱟᱜ ?

 

ᱟᱢ ᱫᱚ ᱯᱚᱨᱟᱭᱱᱤ ᱵᱟᱦᱟ
ᱫᱟᱜ ᱫᱷᱟᱨᱮ ᱛᱮ ᱫᱮᱞᱟ,
ᱟᱞᱮ ᱵᱟ.ᱵᱩᱭ ᱢᱟᱞᱟ ᱢᱮᱭᱟ
ᱮᱢᱚᱜ ᱢᱮ ᱫᱮᱱ ᱛᱮᱞᱟ |

 

======= ᱞᱧ ======

৪।।

ᱨᱮᱭᱟᱲ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

  

ᱛᱤ ᱡᱟᱸᱜᱟ ᱦᱚᱲᱚᱢ ᱠᱚ ,
ᱠᱟᱱᱠᱟᱱ  ᱨᱮᱭᱟᱲᱚᱜ ᱫᱚ ;
ᱦᱩᱞᱩᱭ ᱦᱩᱞᱩᱭ ᱦᱚᱭᱛᱮ ,
ᱛᱷᱟᱨᱛᱷᱟᱨᱟᱳ ᱞᱮᱛᱟᱲ ᱾

 

ᱟᱴᱮᱫ  ᱠᱟᱱᱛᱷᱟ ᱥᱟᱱᱟᱢ ,
ᱫᱩᱲᱩᱯ   ᱜᱤᱛᱤᱡ  ᱨᱮᱭᱟᱲ ;
ᱫᱟᱜᱢᱟᱰᱤ ᱫᱟᱠᱟ ᱧᱩ ᱫᱟᱜ ,
ᱨᱟᱵᱟᱝ ᱥᱤᱧ ᱧᱤᱫᱟᱸ ᱱᱮᱛᱟᱨ ᱾

 

ᱨᱮᱭᱟᱲ ᱨᱟᱵᱟᱝ ᱟᱰᱤ ᱡᱟᱞᱟ ,
ᱜᱤᱫᱟᱹᱨ ᱯᱤᱫᱟᱨ ᱠᱚᱫ ᱨᱟᱜᱟ  ;
ᱟᱸᱜᱨᱟ ᱥᱮᱸᱜᱮᱞ ᱞᱚᱞᱚ ᱮᱞᱮᱝ ,
ᱫᱩᱲᱩᱯ ᱡᱳᱨᱳᱜ ᱮᱥᱮᱫ ᱠᱟᱜ-ᱟ ᱿

 

 ======= ᱞᱧ ======

৫।।

আলে বুড়ি

সুচাঁদ হাঁসদা

 

           আলে  বুড়ি ,
            বায়  আড়ি ,
            বায়  সাড়ি ,
            সনা  চুড়ি  ৷

 

           অলঃ  অলং ,
            সা-জাই  মলং ,
            ঝল  ঝলং   ,
             সাহায়া  কলং  ৷

 

======= ᱞᱧ ======

৬।।

ইঞাঃ আড়াং

বাড়তাং সরেন

  

সান্তাড়ীতিঞ জানাম আড়াং
রড়াঞ ইঞ দ টাড়াং টাড়াং
বাঞ তাঁহেনা উকু দানাং
মৗন মানতাঞ সানাম মাড়াং।

 

তাঁহেন রেহঁ উসুল দাড়াং 
হান্তে নাতে ঞুতৗত কাড়াং
লুকুর লুকুর রেয়াড় রাবাং
বাঞ বৗগিয়া জানাম আড়াং।

 

হিজুঃ আনাট মারাং মারাং
জুলুঃ সেঙ্গেল হারাং হারাং
অবর রেহঁ ইঞাঃ আলাং
তাঁহেন তিঞৗ ইঞাঃ আড়াং।

 

পৗরসী ইঞাঃ সোনা বারাং
বাংগে কানা একাল খারাং
হড়মো ললো দারাং দারাং
এনতে রেহঁঞ হবর হালাং।

 

তেয়ার গদায় লাসের হাতাং
তাড়াম তহৎ বাংগেয়ে ঢাং
এঁটকে টঁড়ে যতয় আতাং
দুমুর রাসা জানাম আড়াং।

 

সজহেতেগে মনেয় তেরাং
হান্তে নাতে একালগে বাং
রাড়েচ গদায় মনে তেতাং
সরেশ গেয়া জানাম আড়াং।

 

 ======= ᱞᱧ ======

৭।।

চন্দ্রনাথ মুরমু

দুগাই টুডু

 

আঁজম বাড়াঃ কাথা ওহায়
    মিৎটাং অনড়হিঁয়ৗ,
ঞুতুম চন্দ্রনাথ মুরমু তায়
       বাডায় অনলিয়ৗ।

 

বাঁকুড়া জেলা জানাম তায়
      রাঙ্গামাটি আতো,
আপাত ঞুতুম সরকার মুরমু
      লৗইকো সৗরি জতো।

 

জুনিয়র ডিপ্লোমা পাস কাতেৎ
     জি.বি.টি. আনায়,
টেলিফোন এক্সচেঞ্জ খনগে হানে
    কৗমি জিরৗও লেনায়।

 

সেরেঞ চারচা তালা তেগে
    অনড়হেঁ অলায় উনগে,
‘হড় সম্বাদ’ সুসৗর ডাহার করে
      ছাপা লেনা মেনগে।

 

‘পছিম বাংলা’ ‘হৗড়িয়ৗর সাকাম’
      পাথাম রেদ অলগে,
অনল গায়ান অলঃ জোখান
   আডি নাপায় তলগে।

 

‘সেরেঞ লাছা’ বাবা তিলকৗ,
       ‘পাসেঃ ধৗসুড়েন’ অনা,
দামান পতব গেকো ভালা
         সানামকো লৗলৗই কানা।

 

বৗনুই রেহঁ ধুড়ি ধৗরতিরে
       এনেম মেনাঃ পৗরি
অনা তেড়ং হড়কো তালা
       দিসৗয় গেয়া সৗরি।

 

======= ᱞᱧ ======

৮।।

আচ্‌কাগে

সনাতন টুডু

 

তেহেঞ তিকিন সাড়া সাতিন
         দাঃমা ঝমর ঝমর,
মিহু মেরম কাডা ভেডা
         অড়াঃ সেনকো ডহর।

 

সিমল-সুবল-কারু-হারু
          দাড় কেঃ আক মারাং,
বাংকো আঁজম কাডা ভেডা
          গুপি কড়াহাঃ আড়াং।

 

রৗস্কৗ তেকো দন আচুরঃ
         কাডা মিহু এমান,
মেরম ভিডি মরচ্‌-পটজ
         অড়াঃ সেনকো সামাং।

 

গুপি কড়া হর ধারেরে
         বহঃ রেকো চাপোঃ,
আদকো যুদি মিহু মেরম
         কৗমি কুড়ৗই হাপোঃ। 

                                  

 ======= ᱞᱧ ======

৯।।

 পৗরসি মাহা

সীতেন মাণ্ডি

 

আয়োয় এমঃ তোওয়া দাকা
    উনি গে চেরেচ হারা
আয়ো বেগর নোওয়া ধৗরতি
      অহম ঞেল কেয়া।

 

আমাঃ চাচো লাহাঃ হর রে
   আয়ো দ মারাং দাড়ে
আয়ো চেরেচ আয়ো দুলৗড়
অল কাতেৎ বাং পুরাঃ বাড়ে।

 

জানাম আয়ো জানাম দিশম
        যত খনে নাপায়
শিখনৗৎ ডাহার রে জানাম পৗরসি
  আয়ো তোওয়া সমান।

 

জানাম আড়াং তে পাড়হাঃ লৗগিৎ
তিনাঃ বন লৗড়হৗই লেদা
এটাঃএটাঃ পৗরসি লেকা
সংবিধান রে হুয়ুঃ মা নোওয়া হঁ লেখা।

 
নংকা কাতে সেটেরেনা ২০০৩সাল ২২ডিসেম্বর
ধৗরতি জাকাত পাসনাও এনা রৗস্কৗরেনাঃ ডগর
ভারত রেনাঃ সংবিধান রে সেলেদ এনা
আমাঃ ইঞাঃ জানাম পৗরসি তিনাঃ দুলৗড়ানাঃ।

 

তেহেঞ দ ২২ ডিসেম্বর
গেল আরে জানাম পৗরসি মাহা
মিৎ পৗরসি মিৎ মাহা
মানাও আবন দেলা।।

 

======= ᱞᱧ ======

১০।।

বাবু টেগজ

পি.সি. কিসকু

 

হৗকু উতুরে
রহড় জজ
রবজ রবজ
সিবিলা চমকরজ।

 

জম জহ এম সকজ
মচা তামে চকজ
বাঁদি লাজ বগজ
এনরেহঁ আরহম কো?

 

লাজ হজ বজ
বুকৗ বজ বজ
ওঝাম খজে?
সিমে গজে।

 

কাটকম গঙঘা রকজ
আগু কো আয় বাবু টেগজ
রহড় দাকা আলম তগজ
ঢের জম লেখান গগজ।

 

আলম জমা করজ মটজ
গেগেরা কো লটজ
গনঠে তাম পটজ
তাড়াম বাড়া হিডজ হডজ।

 

ঞুয়মে রান আলম লাজা
রহড় দাকা লামজা
রুগি আলম সাজা
বাঙখান বারোটাম বাজা।

 

======= ᱞᱧ ======

১১।।

তোওয়া দারে

সমরলাল  টুডু

 

এ- আয়ো   তোওয়া   দারে
আমদ   গগ  চাওলে   মারে
দুকান   রেহঁম    হানা  ধারে
আমাঃ দুলৗড়  আনচার সরেসারে ।

 

তোওয়া   দারে   ধৗরতি   দুনিয়া
হেসেজ্    সেকেজ্    উনি    নিয়া
উনি   বেগর    সানাম    কুনিয়া
ধৗরতি জাকাৎ রহড় ঠুনঠুনিয়া ।

 

রেঁগেজ্   রেহঁয়    নাচার   আয়ো
কেঁড়েজ   দঁড়েজ   সাসাং   পিয়ো
উলা    দাকায়    নেমোঃ    নায়ো
আচদ  হালে   খিয়ো    খয়ো  ।

 

জানাম    তরা    আডি    চড়াং
রড়    লাআম    যাঁহা    আড়াং
জানাম    আড়াং    আয়ো মাড়াং
শিখৗও   লেৎমেয়   রাড়াং রাড়াং ।

 

হারা    কাতে    নেতার    হালে
তোওয়া   দারে     বাম্    ঞেঁলে
দিনৗম্     দিনেম্    এগের  দালে
অনা   তেগে   মৗনমি হালেডালে ।

 

রৗসকৗ    রমজ   বানচাঃ    খানেম
আলোম     হিড়িঞ     আয়ো   এনেম
তবে     রেসে       আমাঃ      মনেম
থিরলৗ    দাড়েঃ      জানাম জানেম ।

 

অকয়     নিয়ে      জানাম   এনাম
জোহার   আয়াব   আবো  সানাম
হলা     তেহেঁঞ      গাপা    দিনৗম
তবে   খানগে    মৗনমি    কানাম ।
  

=*=*=*= মুচৗৎ = *=*=*=