সিঁগি মাহা রেনাঃ সাকাম ‘চেরেচ্ আড়াং’ লেখা- ১৩

 “আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  রিলৗমালা মুরমু, বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ,  সারি ধরম হাঁসদা,  দুগাই টুডু,  সুচাঁদ হাঁসদা, শ্রী কা ন্ত স রে ন,  -সাকম সরেন,  বাড়তাঙ সরেন,  বিভূতি ভূষণ সরেন,  উপেল মানডি ।

রিলৗমালা মুরুমু, ক্লাস- III
জেলা - পুরুলিয়া

বিজয় কিস্কু , ক্লাস -VI

জেলা - পুরুলিয়া

১।।

  ᱥᱟᱦᱟᱱ ᱦᱟᱞᱟᱝ

- ᱥᱩᱵᱩᱫᱤᱭᱟᱹ ᱢᱩᱠᱢᱩ

      

ᱛᱩᱭᱩ  ᱢᱩᱸᱝᱨᱤ
ᱫᱷᱤᱨᱤ ᱰᱸᱩᱝᱨᱤ ᱾

ᱫᱷᱟᱥᱱᱟ ᱞᱚᱪᱚᱝ
ᱵᱮᱰᱟ ᱢᱚᱸᱪᱚᱝ ᱿

ᱡᱩᱨᱤ     ᱠᱩᱲᱤ
ᱥᱟᱦᱟᱱ ᱡᱷᱩᱨᱤ ᱾

ᱦᱟᱞᱟᱝ ᱟᱠᱤᱱ
ᱠᱟᱭᱟ ᱠᱩᱭᱩ ᱾

ᱜᱚᱲᱚ ᱨᱮᱫᱚ
ᱵᱟᱵᱟ ᱟᱭᱩ ᱿

====== ᱛ =======

২।।

  ᱟᱞᱮ ᱵᱟ.ᱵᱩ

  ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱨᱟᱵᱟᱝ ᱦᱩᱭᱩᱜ      ᱡᱟ.ᱯᱩᱫ ᱦᱩᱭᱩᱜ
            ᱟᱞᱮ ᱵᱟ.ᱵᱩᱭ ᱩᱢᱩᱜ,
ᱦᱚᱲᱢᱚ ᱥᱟᱯᱟ         ᱥᱟ.ᱯᱤᱭ ᱫᱚᱦᱚᱭ
            ᱟᱡᱟᱨ ᱵᱟᱝ ᱦᱩᱭᱩᱜ ᱾

 

ᱦᱚᱨᱚᱜ ᱠᱟᱜᱼᱟᱭ       ᱟᱸᱜᱽᱨᱚᱵ ᱯᱮᱸᱴ
             ᱥᱟᱯᱟ ᱥᱟ.ᱯᱤ ᱟ.ᱰᱤ,
 ᱯᱚᱛᱚᱵ ᱵᱮᱜᱽ           ᱜᱚᱜ ᱠᱟᱛᱮ
            ᱤᱥᱠᱩᱞᱮ ᱪᱟᱞᱟᱜ ᱟ.ᱰᱤ ᱾

 

ᱤᱥᱠᱩᱞ ᱨᱮ         ᱛᱟᱯᱟᱢ ᱠᱟ.ᱯᱷᱟ.ᱨᱤ
         ᱮᱠᱟᱞ ᱵᱟ.ᱱᱩᱜ ᱛᱟᱭ,
ᱜᱟᱛᱮ ᱜᱟᱯᱟᱛᱮ        ᱛᱟᱸᱦᱮ ᱦᱩᱭᱩᱜ
          ᱦᱩᱫᱤᱥ ᱢᱮᱱᱟᱜ ᱛᱟᱭ ᱾

====== ᱛ =======

 

৩।। 

অৗওহৗ আলম কাথায়

সারি ধরম হাঁসদা

  হানা ইঞাঃ    নোআ ইঞাঃ
             অৗওহৗ আলম কাথায়,
  অকা সুমুং  আমাঃ কানা
                 অঁডে মনেম গটায়।

  হৗনিম ঞেলে  সেগা ভুচুং
                   গটা টৗঁডিয় অৗঁবরৗও,
  বা'ক কুসিঃ  হড়মা হানে
                      ফারচায়ে ক ডৗঁগরৗও।

     হড় আকা ক  কুসিয়াঃআ
                        কুসি খনে'ম সেঁড়ায়,
      বোগে কৗমি'ম কৗমিলেখান
                     ঞামা'ম মৗনা'ন কুড়ৗই।

                   ====== ᱛ =======

 

৪।।

 গিদ্‌রৗ বৗউলি

দুগাই টুডু

গিদরৗ অক্ত করে দেলা
ইস্কুল সেনঃ আবোন,
সেতাঃ তিকিন সিঁগৗড় বেড়া
পাড়হা দুড়ুব্‌ আবোন।

কৗমি অক্ত কৗমি লেখান
জম অক্ত জম লেখান
তবেগে হাজামঃ আ।
আয়মা সেঁড়াঃ আ,

কৗটিচ্‌ উমের খেল বাড়া
হড়ম তেয়ারঃ আ,
অলঃ পাড়হা অৗকিল বৗতি
 সিখনৗৎ আরজাঃআ।

হড় লেকা হড়ঃ খানেম
জৗরুড় সেচেৎ দাড়ে,
অনা গেতো আসল দাড়ে
হোয় কঃমা বাড়ে।

====== ᱛ =======

৫।।

 লভ লালচ

সুচাঁদ হাঁসদা

হপন বিটিয় জম আকাৎ ,
জনডরা রেনাঃ লেট ৷
অনা তেগে লাচ তায়দ ,
সাডেয়েন পিট পট ৷

 

লাচ হৗসুদ বাং এ লৗয়েৎ ,
খৗলিয় গড গডঃ ৷
সারা ঘৗড়ি লিতৗড় এন তায় ,
হপন বিটিয়াঃ ইচ আড ৷

 

অনা তেসে বাকো জমা ,
দমে আড়িচ ঢৗড়িচ৷
লভ লালচগে আবনাঃদ ,
হড়ম তাবনে বৗড়িচ৷

====== ᱛ =======

 

৬।।

 সান্তাড়ি চিকি আড়াং

 শ্রী কা ন্ত স রে ন

এ(ᱮ)ᱼ এভেনঃ মে সেতাঃ সেতাঃ
         সিঞচাঁন্দো দারাম লৗগিৎ,
এফ(ᱯ)ᱼ ফারচা-ফৗরচি তাঁহেন লৗগতি
            রোগ-বিঘিন লাগা লৗগিৎ।
এ‍ড্‌(ᱰ)ᱼডয়ং অঃ মে হাকো লেকা
               তিসহঁ বাম ডুবুজঃ আ,
এ‍ন্‌(ᱱ)ᱼনাঁহেল তেবন সি রেহঁ
              অনকা আলম কৗড়বুজঃআ
এ‍ড়(ᱲ)ᱼ এড়ে কাথা বাং বন লৗই আ
             সরি আবোওয়াঃ ধরম,
             মিৎ মনেতে অলঃগ সেড়ায় মে
           তাঁহেন তামা শরম।।

      ====== ᱛ =======

৭।।

 সারি সহরায় রে

-সাকম সরেন 

 

আলে হপন মৗইয়াঃ আড়ি 
খেরওয়াল পাঞ্চি শাড়ী, 
সারি সহরায়রে এনেচ্ সহরায় 
জহর জহর কাসো কলসায়। 

সাড়পা সাডে সাড়াপ্ সাড়াপ্ 
মেঁৎদ বাংগে চং ধাড়াপ্, 
তুমদাঃ টামাক্ সাডে জমক্ -
এনেচ্ কানকো আডি লোহোক্। 

হপন মৗই, মাঁজ্লি, সাঁজ্লি 
সারি সহরায়রে রৗস্কৗকো হৗর, 
মঁড়ে সিঞ মঁড়ে ঞিদৗ লৗগিৎ -
কয় আকাৎ আকো ছৗড়। 

====== ᱛ =======

৮।।

 এঙ্গেল ইপিল

 -বাড়তাঙ সরেন

                   

সেরমা পেরেচ এঙ্গেল ইপিল   
                     ঞিদৗ জুলুৎ জুলুৎ
হাহাড়াগে ঞেলঃ আপে
                      একাল বুরুৎ বুরুৎ।

 

অকয় কো দ বিলিচ্  বালাং 
                   সোনা টুডাঃ লেকা
অকয় কো দ পুখরী পেরেচ
                  উপেল বাহা লেকা।

                         

অকারেপে তাঁহেন ভালা
                      অকাতেপে সেনঃ,
সেতাঃ পায়াং পিয়োং রেদ
                      চেদাঃ চপে সেনঃ?

  

অকারেবা অড়াঃ দুওয়ৗর
                       অকারেপে কৗমি,
চেদাঃ বাপে কুশিয়ালে
                    ধৗরতী পেরেচ মৗনমি?

 
 বাংদ হালে বঙ্গা বুরু
                     বাংদ চাঁদো হপন,
সানাম কোগিঞ জোহারাপে
                 অন্তর তালা খন।

    ====== ᱛ =======

 ৯।।

 টুওয়ৗর 

বিভূতি ভূষণ সরেন 

চট চাঁদ সিরজন তেগে 
         আলাং একলা অড়াঃরে, 
অড়াঃ তালাং ফংক ফয়ড় 
            সিলপিং বৗনুঃ দুওয়ৗর রে। 

 

আমদ বাবু  টুওয়ৗর গিদৗর
         সানাম হড়ক মেন, 
অল পাড়হাও মজ্ সেড়ায়মে 
         রাকাপমে চেতান সেন। 

 

অল পাড়হাঃ সেড়া লৗগিৎ 
        কুরুমুটুয় মে দেসে, 
নাপায় অলঃ সেড়া কাতে 
        সাঁওতা মার্শাল মেসে। 

হড় লেকাম হড় লেনখান 
          আমহঁ পরকিত মানওয়া,
উনদ অকয়হঁ বাংক মেতাম 
         আমদ টুওয়ৗর বৗনউয়া ।

    ====== ᱛ =======

১০।।

 আলে বাবু

 উপেল মানডি 

     

 আলে বাবু থিয়ৗথাপে
তাড়াম আরে জিকিঃ,
আয়ুব তেদ আয়ো কলেরে
গুঁগুদ কাতে জৗপিঃ।

 

বারাবারি ঞিদৗ রেগে 
দিনৗম দিনে বেরেদ্,
ঞুত ঞিদৗ বায় কুশিয়ৗ
বৗতি আদলে জেরেদ্।

 

হৗবুদ কাতে গিতিচ লেখান
জৗপিদ গদায় দহড়া,
আদ দসার বেরেদ তেদ
ঞেল ঞামঃআয় বেড়া।

 

বেরেদ তরা খনগে আদ
হানা নাওয়া খেলোঃ,
আয়ো তোওয়া নুনু তায়ম
কান্ঠাড় দারেরে ঝিলোঃ।

 

তারাসিঞ বের তুপু কাতে
কৗটিচ্ জৗপিদ জিরাঃ,
আয়ুব বেরদ ললৗটুকঃ লেকা
বল থিয়ৗয় ধুরৗঃ।

====== মুচৗৎ =======