সিঁগি মাহা রেনাঃ সাকাম ‘চেরেচ্ আড়াং’ লেখা- ১২

 

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  রিলৗমালা মুরমু, বিজয় কিস্কু, রাবন হেম্ব্রম, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, সারি ধরম হাঁসদা, -সাকম সরেন, শ্রী কা ন্ত স রে ন, বাড়তাঙ সরেন, দুগাই টুডু, সত্যেশ্বর মুরমু, সুচাঁদ হাঁসদা, বিভূতি ভূষণ সরেন, ধরমবীর হেমব্রম ।

রিলৗমালা মুরুমু, ক্লাস- III
জেলা - পুরুলিয়া

বিজয় কিস্কু , ক্লাস -VI

জেলা - পুরুলিয়া

রাবন হেম্ব্রম, ক্লাস - IX

জেলা - পুরুলিয়া

       

 ১।।

  ᱥᱚᱦᱚᱨᱟᱭ ᱱᱮᱣᱛᱟ

-- ᱥᱩᱵᱩᱫᱤᱭᱟᱹ ᱢᱩᱨᱢᱩ

            

ᱦᱚᱞᱟ ᱠᱷᱚᱱᱟᱜ
ᱜᱚᱜᱚᱭ ᱞᱟᱹᱭᱮᱫ
ᱵᱩᱨᱩ ᱯᱟᱨᱚᱢ ᱫᱟᱹᱭ ᱛᱮᱧᱟᱝ ᱿

   
"ᱥᱚᱦᱚᱨᱟᱭ ᱨᱮᱭᱟᱜ"
ᱡᱤᱞ ᱫᱟᱠᱟ
ᱤᱫᱤᱢᱮ ᱠᱩᱱᱩ ᱜᱟᱯᱟ ᱢᱮᱭᱟᱝ ᱿


ᱥᱮᱴᱮᱨ ᱠᱟᱛᱮ
ᱠᱩᱱᱩ ᱞᱟᱹᱭᱮᱫ
ᱟᱹᱜᱩ ᱠᱤᱫᱟᱹᱧ ᱡᱤᱞ ᱫᱟᱠᱟ ᱿


ᱥᱟᱡᱟᱣ ᱠᱟᱛᱮ
ᱮᱢ ᱠᱟᱣᱫᱤᱧᱟᱹᱠᱚ
ᱰᱩᱞᱩᱝ ᱜᱟᱹᱰᱤᱨᱮ ᱢᱮᱱᱟᱜ ᱟᱠᱟ ᱿

ᱛᱩᱱᱩᱢ ᱠᱟᱛᱮ
ᱟᱠᱟ  ᱛᱷᱩᱞᱤ  " ᱩᱠᱩᱨ
ᱦᱳ ᱥᱚᱦᱚᱨᱟᱭ ᱡᱤᱞ ᱫᱟᱠᱟ  ?"


ᱦᱮᱸᱢᱮᱲ ᱢᱩᱭᱩᱜ
ᱠᱩᱱᱩᱭ ᱢᱮᱱᱟ -- "ᱜᱚᱜᱚ ᱜᱮ
ᱡᱟᱹᱱᱤᱪ ᱵᱟᱭ ᱜᱷᱮᱸᱴᱽ ᱟᱠᱟᱫᱟ ᱿"

  ======== ᱛ ========

২।। 

 ᱦᱚᱯᱚᱱ ᱢᱟ.ᱭ

   -ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱦᱚᱯᱚᱱ ᱢᱟ.ᱭᱮ
ᱥᱟᱡᱟᱣ ᱮᱱᱟ
ᱥᱚᱦᱨᱟᱭ ᱮᱱᱮᱪ ᱞᱟ.ᱜᱤᱫ,
ᱱᱟᱣᱟ ᱥᱟ.ᱲᱤ
ᱦᱚᱨᱚᱜ ᱠᱟᱛᱮ
ᱨᱟ.ᱥᱠᱟ. ᱡᱚᱝ ᱞᱟ.ᱜᱤᱫ ᱾

 

ᱡᱟᱸᱜᱟ ᱨᱮᱛᱟᱭ
ᱡᱷᱚᱢᱚᱨ ᱛᱳᱲᱟ
ᱥᱟᱰᱮ ᱨᱚᱢ ᱡᱷᱚᱢ,
ᱢᱚᱞᱚᱝ ᱨᱮᱛᱟᱭ
ᱥᱳᱱᱮᱨ ᱴᱤᱠᱞᱤ
ᱧᱮᱞᱚᱜ ᱦᱚᱢ ᱫᱚᱢ ᱾

 

ᱢᱩ ᱨᱮᱛᱟᱭ
ᱨᱩᱯᱟ. ᱨᱮᱭᱟᱜ
ᱞᱩᱛᱩᱨ ᱨᱮᱛᱟᱭ ᱥᱳᱱᱟ,
ᱵᱮᱱᱟᱣ ᱵᱚᱸᱜᱟ
ᱛᱟᱱᱟᱜ ᱞᱮᱠᱟ
ᱦᱚᱨᱚᱜ ᱟᱠᱟᱫᱟᱭ ᱳᱱᱟ ᱾

  ======== ᱛ ========

৩।।

মারাং দৗই

সারি ধরম হাঁসদা

 

  হৗনি ঞেলেপে !       হৗনি ঞেলেপ !
           বুসকি মারাং দৗই,
  নৗইহৗর খনে           দারায় কানা
            হেমরে ভৗগিন মৗই।

 

 সাঁওতে মেনায়          লৗফরৗ তেঞাং
             তাড়াম কাড়প্ কাড়প্,
  গঃ ভৗরয়ৗয়            অৗগু আবন
                 কুঁইডি তেরেল তারপ্ ।

 

  আতাং এ বন             দারামে বন
                 বে-লায়াবন  গাঁডো,
  সোরায়া বন           সৗগুন লটা
                 বাবন কয়গ্ লোঁডো।

  ======== ᱛ ========

  

৪।।

'চেদাঃ' 

-সাকম সরেন

গড়মবা' থান সেতাঃ খনাঃ
খৗলি বাবের গেয় ঢেরায়,
হেঁদা য়ু, উনিদ চেদাঃ --
পাড়হাঃ বাঙেম মেতায়?

 

বাবাঃয়ো হঁ দুড়ুপ্ দুড়ুপ্
খৗলি পাত্ড়াগেয় পাটি,
উনিমাত একাল চেৎহঁ --
বা'ম মেতায়া মিৎরুতি?

 

ইঞদ জুদি সেতাঃ খনাঃ
মিৎঘৗড়ি গুটি খেলৗঞ --
উনখান গে চেদাঃ য়ুগো
পাড়হাঃ তবেম মিতৗঞ?

  ======== ᱛ ========

৫।। 

সান্তাড়ি চিকি আড়াং

শ্রী কা ন্ত স রে ন

    

ই(ᱤ)- ইসিন দাকা সঁধাড়গে শঁ আ
          চাউলে নাওয়া হোই লেনখান,

ইস(ᱥ)- সহরায় বঙ্গা সেটেরঃ আ
             হুদুড়-দাসায় পারম লেনখান।

ইহ(ᱦ)- হড় ক লৗই আ পতব করে
           অল মেনাঃ আ সানাম কাথা,

ইঞ(ᱧ)- ঞাপামরেনাঃ মিৎটাং মারে
              জায়গা হোয়োঃকান পাতা-ছাতা।

ইর(ᱨ)- রহড় লেনখান দারে সাকাম
           সেঁঙ্গেল জোল গানঃ আ,
           রহড় দাকা জম লৗগিৎ
           রাসে উতু লাগাঃ আ।

  ======== ᱛ ========

৬।।

 পুশি

--বাড়তাঙ সরেন

 

গাম গাম কুদুম কুদুম
অকয় চাগাম চুগুম ?
পুশিয় চাগাম চুগুম 
ভালা পুশিয় চাগাম চুগুম।

 

দিনে মানেয় বুরুম
ঞিদৗ ঞুঁহুম ঞুঁহুম
একাল বাঙে উরুম
সৗরি একাল বাঙে উরুম।

 

দিনৗম অজঃ সুনুম
লহৎ লৗবিৎ তুনুম
গুডু অতারেয় রুম
সৗরি, গুডু অতারেয় রুম।

 

তোওয়া দাকায় ঞুঁম
দাঃরে বাঙে উম
জমরে একাল ধুম
হায়রে, জমরে একাল ধুম।

  ======== ᱛ ========

৭।।

 লেবড়া হাড়াম

দুগাই  টুডু

 

আতো রেগেয় তাঁহেন কানা
          সেদায় মারে হাড়াম,
হাঁডে নাঁডেগেয় চালাঃ রেদ
            আডি গেচয় তাড়াম।

 

পৗল পরব করে উনি
        সেটেরঃগে লায়োঃ আয়,
 বঁগা বুরু সারেচ্‌ সুড়ৗগে
         দমে লাপেদায়।

 
বাপলা বিহৗ হোয় করেমা
        হানেয় ঞেল আকান,
হাঁডি পৗউরৗ পাঁজা কাতে
        হংগর বাড়াও আন।

 

সোর তেঁহয় সোর গদঃগে
         জমকো লভতে অনে,
অনা তেকো মেন আকাদে
         লেবড়া হাড়াম কানে।

 

  ======== ᱛ ========

 

৮।। 

গিদরৗ বৗউলি

সত্যেশ্বর মুরমু

 

হপন বাবু মেনায় তায়া
       করাত ফুলিয়ৗ সাঁডি,
দিন সারায় কুরকুচুদা
       চুপি তায় দ বাঁডি।

 

হবর কাতেয় আসেনেয়া
       গটা ধুলৗট টাঁডি,
তোপোৎ দ বায় তোপোদেয়া
      সাধের সিম সাঁডি।

 

  ======== ᱛ ========

 

৯।।

 পিপৗ বিলি

 সুচাঁদ হাঁসদা

পিপৗ বিলি ,
ঞেঁলতে কুইলি ,
মচা মেলঃ মেচঃ ৷

 

হপন বিটি ,
চৗটনি লুটি ,
মেনায় কুইলি অচঃ ৷

 

রৗগি এনায় ,
এগের কানায় ,
কুইলি কুহু কুহু ৷

 

বিটি তালে ,
হেলে ফেলে ,
আচ হঁয় রাঃ এৎ তৗহু ৷
 

  ======== ᱛ ========

 

১০।।

 বুবুনাঃ কৗমি

বিভূতি ভূষণ সরেন

  

মাঝি করেন সাধের গিদৗর
     ঞুতুম তায়দ বুবুন,
রাবাং দিন হেচ্ খানগে
    একাল বাংগে তুপুন।

 

পুখরি ঘাটরে সেন কাতে
      সুনুম তেৎগে অজগ,
সাবন রেনাঃ বাক্স মাত
      একাল বাংগে বগজ।

 

তুপুন খন রুয়ৗড় কাতে
      খজঃ লল দাকা,
রেয়াড় দাকা এমায় খানেম
       লেবদা গিডিয় দাকা  ।

 

দাকাদ বুবুন জম আকো
     অনকা বাংক কৗমি,
হড়ক মেতাম বৗডিচ্ বাবু
      আঁজম বাং বুগি।

  ======== ᱛ ========

১১।।

 ফৗদুল বৗবুয় অড়হেঁ

ধরমবীর হেমব্রম

 কাকড়ায় চালাও এদা
ডুলুং গৗডি,
ঝৗন্টি চেতান চেতানতে ৷

 

লাহারেমা রায় বৗসীয়ৗ
ডোডা হাড়াম,
বৗহু  ঞেলক চালাঃ কান ৷

 

সিম কালট ক
যুওয়ৗন আকান,
ঝৗন্টি লাতারক আতিঞ বাড়ায় ৷

 

তোয়ো তেয়াং এ
রাঁন্ডা আকান,
উনকু কগেয় তুলখো কওয়া ৷

 

উনকু ঞেলতে
ফৗদুল বৗবু
অৗডি জোরগে লাঁদায় সৗদুল গৗদুল ৷

 ======== মুচৗৎ ========