সৗরি গে
 |
| - বীরসা কিস্কু |
কলেজ অলঃ সাদরী দ সর্ব্বেয়া দুলৗড় ঝৗলিরে ঝৗলিকাতে সৗগুন লটা দাঃ কলসা লটম কাতে , মলং হরাসিরে কিয়ৗ সিন্দুর ডাগ ডাগে ঘাসাও আদেয়া । সাদরী হ সানামাঃ মানাও বাতাও কাতে এয়ায় জনম মিৎ তে তাহেন লৗগিৎ পৗওড়িয় লাহা কেদা |
সাদরীয়াঃ যাঁহা লেকা
রূপ তায় অনকাগে গুণহঁ তায়। অলঃপাড়হাও রেহঁ অনকাগে মনে তায়। অনাতে মিৎ লেকা জোর কাতেগে B.A, M.A পাড়হাও পুরৗও কেদা | মাচেদ কওয়াঃ গড় গপড়ঃতে গাতে কওয়াঃ করুমুটুতে B.ed হঁয় পুরৗও কেদা, সাঁওতে Net হঁয় পাস কেদা। নিয়া তায়ম দ মিৎটাং চাকরি। ইনৗখান গে আকিনাঃ সংসার সুলুকঃ তাকিনা। অনাতে কম্পিটশন পতব পুঁথি ক বৗনুঃ খৗতির সাদরী দ মাচেৎ আর গাতে ক গে ভরসাতায় | হানা নাওয়া নোটস ক তুনখি তলাস লৗগিৎতে সে কুকলি তেলা ঞাম লৗগিদ্তে অক্ত মাছা গাতে আর মাচেৎ ক সাঁও ফোনতে রপড় গেয়ায় |
মেনখান
দিন দিনতে নওয়া ক সর্ব্বে দ বায় ঞেল সাহাও দাড়েয়াৎতে, আডিগে বৗড়িচ বৗড়িচ কাথা ক রড় কেদেয়ায়। সাদরীয়া হঁ সাহাও রেনাঃ দাড়ে চাবায়েন তে, ছাপাডা রেনাঃ গেয় গোটা কেদা।
তিহিঞ দ সর্ব্বে আর সাদরী জুরিপৗরি সৗগৗই খন সুদৗই দিন লৗগিদ কিন ছাপাডায়েনা | আতু ষোল আনা মড়ে হড় হঁ বাংক মিদ দাড়েয়াৎ কিনা | মড়ে সেরমা রেয়া সংসার ঘারঞ্জ রেনাঃ দায়া মায়া তপাঃ কাতে তাড়াম আকাদা কিন বার হড় বারয়া ডাহারতে |
তাড়াম তাড়ামতে সাদরী মনেরে কুকলি হেচ আয় কানা ,যাঁহায় হড় মিৎ বেড়া নাপায়তে বায় কুলি লিদিঞা জম ঞু অল পাড়হাও রেয়া খবর, নাপায় দিশ হুদিশ বায় চাল দাড়েয়াদিঞা, একাল লাজাও বাং দাপাল লেকানাঃ উপরুমে এমাদিঞৗ, ইঞ দ কি নুনৗগিঞ বৗড়িচ গেয়া সৗরি গে ? তবে চেৎ কুড়ি গিদৗর আপনার লেকাতে রড়-লান্দা
রেনাঃ আইদৗর তিসহঁ বাংক ঞামা? অলঃ অৗকিল লৗগিৎ হঁ চেৎ সৗরিগে দাও
বাংক ঞামা ?
.webp)
.webp)
