সিঁগি মাহা রেনাঃ সাকাম ‘চেরেচ্‌ আড়াং’ লেখা- ১৯

 

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান-  রিলৗমালা মুরমু, পূজা মুরমু, বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা,  সুচাঁদ হাঁসদা, বাড়তাঙ সরেন, দুগাই টুডু, সনাতন টুডু, বিভূতি ভূষণ সরেন।

 

রিলৗমালা মুরুমু, ক্লাস- IV
জেলা - পুরুলিয়া

পূজা মুরুমু, ক্লাস- VI
জেলা - বাঁকুড়া

বিজয় কিস্কু , ক্লাস -VII

জেলা - পুরুলিয়া

 

১।।

ᱥᱟᱠᱨᱟᱛ

- ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱜᱟᱢᱪᱷᱟ ᱩᱭᱩ
ᱠᱩᱸᱵᱟᱹ ᱰᱩᱭᱩ
ᱯᱚᱨᱚᱵᱽ ᱫᱟᱨᱟᱭ ᱠᱟᱱ ᱿

ᱜᱩᱲ ᱯᱤᱴᱷᱟᱹ
ᱡᱤᱞ ᱯᱤᱴᱷᱟᱹ
ᱡᱚᱡᱚᱢ ᱥᱟᱱᱟ ᱠᱟᱱ ᱿

ᱛᱩᱯᱩᱫ ᱥᱟᱺᱰᱤ
ᱯᱟᱛᱟ  ᱴᱟᱺᱰᱤ
ᱟᱹᱰᱤ ᱜᱮᱪᱚ ᱥᱟᱸᱜᱮᱜ ᱿

ᱥᱟᱠᱨᱟᱛ ᱯᱚᱨᱚᱵᱽ
ᱡᱟᱹᱥᱛᱤ  ᱜᱚᱨᱚᱵᱽ
ᱚᱦᱚ ᱜᱮᱪᱚ ᱡᱟᱸᱜᱮᱜ ᱿

======== ᱛ =======

 

২।।

ᱪᱩᱲᱠᱤ ᱰᱩᱸᱜᱽᱨᱤ

-ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱞᱚᱣᱟᱰᱤ ᱟᱛᱳ
ᱥᱩᱨ ᱥᱩᱯᱩᱨ
ᱪᱩᱲᱠᱤ ᱰᱩᱸᱜᱽᱨᱤ ᱢᱮᱱᱟᱜ,
ᱮᱠᱷᱮᱱ ᱯᱳᱸᱰ
ᱫᱷᱤᱨᱤ ᱛᱮ
ᱥᱟᱡᱟᱣ ᱡᱩᱛ ᱦᱮᱱᱟᱜ ᱾

 

ᱨᱚᱦᱚᱭ ᱢᱮᱱᱟᱜ
ᱟᱠᱟᱥ ᱢᱳᱱᱤ
ᱥᱟᱡᱟᱣ ᱦᱟ.ᱲᱭᱟ.ᱨ ᱜᱮ,
ᱞᱟ.ᱠᱛᱤ ᱟ.ᱱᱤᱡ
ᱥᱟᱦᱟᱱ ᱯᱟᱞᱦᱟ
ᱧᱟᱢᱚᱜ ᱟ.ᱰᱤ ᱜᱮ ᱾

 

ᱵᱟᱲᱜᱮ ᱠᱷᱚᱱᱟᱜ
ᱪᱩᱲᱠᱤ ᱰᱩᱸᱜᱽᱨᱤ
ᱧᱮᱞᱚᱜ ᱟ.ᱰᱤ ᱱᱟᱯᱟᱭ,
ᱯᱳᱸᱰ ᱰᱩᱸᱜᱽᱨᱤ
ᱦᱟ.ᱲᱭᱟ.ᱨ ᱥᱟᱡᱟᱣ
ᱟᱛᱳ ᱟ.ᱰᱤᱭ ᱥᱚᱵᱷᱟᱭ ᱾

======== ᱛ =======

 ৩।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

ᱥᱨᱤᱠᱟᱱᱛᱚ ᱥᱚᱨᱮᱱ

' ᱠ' ᱛᱮ ᱜᱟᱵᱟᱱ ᱥᱟᱵᱟᱫ:

ᱠᱟᱰᱟ᱾ ᱠᱟᱴᱟ ᱾ᱠᱩᱱᱟ.ᱢᱤ ᱾ ᱠᱩᱭᱞᱤ ᱾ᱠᱩᱲᱤᱫ ᱾ ᱠᱟ.ᱦᱩ ᱾ ᱠᱟᱨᱟᱢ᱾ ᱠᱚᱸᱰᱦᱟ᱾ ᱠᱤᱥᱟ.ᱲ ᱾ ᱠᱟᱜᱚᱡᱽ᱾

' ᱠ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱠᱩᱞᱦᱤᱨᱮ ᱠᱟᱨᱟᱢ ᱠᱚ ᱮᱱᱮᱪ ᱠᱟᱱᱟ᱾ ᱠᱟᱸᱲᱟ ᱦᱚᱲ ᱫᱚ ᱵᱟᱝ ᱠᱚ ᱧᱮᱧᱮᱞᱟ᱾ ᱠᱤᱥᱟ.ᱲ ᱦᱚᱲᱟᱜ ᱠᱟᱰᱟ ᱱᱟᱦᱮᱞ᱾ ᱠᱩᱧᱨᱮ ᱫᱟᱜ ᱛᱟᱸᱦᱮᱱᱟ᱾ ᱠᱳᱞᱠᱟᱛᱟ ᱢᱤᱫᱴᱟᱝ ᱞᱟ.ᱴᱩ ᱵᱟᱡᱟᱨ᱾

' ᱡ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱡᱟ.ᱱᱩᱢ᱾ ᱡᱟ.ᱛᱽ᱾ ᱡᱚᱥᱽ ᱾ᱡᱟ.ᱥᱛᱤ ᱾ ᱡᱟᱜᱟᱶ᱾ ᱡᱟᱱᱟᱢ ᱾ ᱡᱟᱭᱡᱩᱜ ᱾ ᱡᱟ.ᱯᱤᱫ ᱾ ᱡᱟᱝ ᱾ ᱡᱟᱨᱯᱟ᱾

' ᱡ'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱦᱚᱞᱟ ᱠᱷᱚᱱ ᱮ ᱡᱟ.ᱯᱩᱫ ᱮᱫᱟ᱾ ᱡᱟᱦᱮᱨ ᱛᱷᱟᱱ ᱫᱚ ᱵᱚᱸᱜᱟ ᱠᱚᱭᱟᱜ ᱴᱷᱟᱶ᱾ ᱟᱵᱚᱣᱟᱜ ᱡᱟᱱᱟᱢ ᱫᱤᱥᱚᱢ ᱧᱩᱛᱩᱢ ᱫᱚ ᱵᱷᱟᱨᱚᱛᱽ᱾ ᱨᱟᱵᱟᱝ ᱫᱤᱱ ᱫᱚ ᱡᱟ.ᱱᱩᱢ ᱡᱚᱜᱻᱟ᱾ ᱡᱟ.ᱛᱤᱭᱟ.ᱨᱤ ᱵᱟᱦᱟ ᱧᱩᱛᱩᱢ ᱫᱚ ᱯᱚᱨᱟᱭᱱᱤ᱾

(ᱛᱳᱸᱜᱮᱜᱻᱟ...)

 

======== ᱛ =======

 

 ৪।। 

সিঁয়ৗজৗরি

 সারি ধরম হাঁসদা

 

 রৗসি বৗসতি বুরুডি রেন
         বৗল্টৗ ভুচুং- নেগা,
কৗমি ভেদরে ঞেলঃ অৗকিন
          দিনৗম হিলঃ সেগা।

 

মিৎ দিন দয় ঞাপাম কৗকিন
           কুচিৎ খারাং আড়ে,
 হর দ অকয় বৗকিন আড়াগ্
           উদুগাকিন দাড়ে।

 

ভুচং এ মেন-  'আড়াগমে হর
            ইঞগে লাহাঞ পারম' ,
 নেগায় মেনা- 'অনা কাথা
           একালগে বৗঞ আজম।'

 

 হর মা অকয় বৗকিন আড়াগ্
           কাথা সার কিন তেরাং,
 কুচিৎ হররে তাপাম তুলুজ
           ঞুর এনাকিন খারাং।

 

ঞেলতে উমিন লাঁদায়া ক
             খেল্লা- কুঁড়িৎ- কেঁহে,
 মেনাঃ কিনা বিছনৗ চেতান
            নিত দ রেঁহে রেঁহে।

 

======== ᱛ =======

৫।।

হপন বিটি আঃ মোবাইল

সুচাঁদ হাঁসদা

 

হপন বিটি গাঁড কেচাঃতে ,
ফোন এৎ হিলো হিলো ৷
তেলা হঁচং আয়াঃ মচাতে  ,
ইঞগে মামাবা রিলো ৷

 

মিৎ মনেতে খেল এৎ আচ-দ ,
দারেরে ঝিলো ঝিলো ৷
হিজুঃমে মামাবা গাপাগে আম-দ ,
বর পাতা হিলোঃ ৷

 

মচা তেগে ফোন সাডে তায় ,
কিরিং কিরিং কিরিং ৷
আচ মতগে রড়ায় লাঁদায়ায় ,
চেত কচং ইরিং বিরিং ৷

======== ᱛ =======

৬।।

রাবাংদিন

-বাড়তাঙ সরেন

পুষবঙ্গা পায়াড় পুয়ুড়
               একাল আডি রাবাং ,
   থারথারাঃ আ হড়মোকো
                   অবর গদঃ আলাং।

  

হাড়াম বুঢি  জুয়ৗনকো 
                     খান্তা ককো হবর ,
গিদরৗ কোদ রেয়াড়তে
            কাকয়ৗও আকো জবর।

  

আদম কোদ বাড়গেরে
              জুরুঃ রাবাং জ্বালা ,
দুমুর দকো মাতাঃ কান
                     খিজুর রাসা তালা।

 

 কুড়হৗ পেরেচ সাকামরে
                 অডাও বিঁদিঁগানাঃ ,
   লিপৗলেপে ঝৗলিরে
               গেগের তিজু তানাঃ।

  

বৗইদ্‌ , বৗইহৗড় তুড়িবাহা
                  হায়রে জেঁগেৎ জেঁগেৎ ,
রৗস্কৗ মন ভাঁওরা দ হায়
                     থারে মারেয় বেরেৎ ।

      ======== ᱛ =======

 ৭।।

কুলৗই

 দুগাই টুডু

 

ঝুপু তুড়ু গাজাড় রেগে
কুলৗই বলে মেনায়,
ঘাঁস হাডাপ্‌ কাতে হাপে
ওকো এনেচ্‌ কানায়।

 

আতো গিদ্‌রৗ কোদ আলে
সেন আকান সেঁদ্‌রা,
আঃকো সারকো আবাঃ এদা
জসে মেনতে থোড়া।

 

হাঁডে নাঁডে দনা চৗড়ুপ্‌‌
মনে বতর হেনাঃ,
বাংগে আদয় সাবঃ আনা
হানেয় ঞিরঃ কানা।

======== ᱛ =======

 ৮।। 

কালা হাড়াম

 -সনাতন টুডু

 

কালা হাড়াম বুড়হি চেতান
হলায় রৗগি আকান,
সেতাঃ খনাঃ আয়ুব  ধৗবিজ 
বিজঞুঁদ বায় ঞাম আকান।

 

রেশন খনাঃ  তিনৗ চাওলে
ঞাম লেদায় তেহেঞ,
ইদি কেদায় বাজার তালা
আখরিঞ লৗগিদ্‌ তেহেঞ ।

 

কালি বুডহি হানতে নাতে
গটায় পাঁজা একান,
কালা হাড়াম ঞু কাতেদ্‌
বুল তহেল আকান।

======== ᱛ =======

 ৯।। 

সেরমা ইপিল 

  বিভূতি ভূষণ সরেন 

 

সেরমা চটরে    বুরুত্‌ বুরুত্‌ 
         ঞেলতে সাঁগে ইপিল,
ইঞা মনে      মেন তিঞ 
       বহঃরে আকাৎ ক দিপিল। 

 

মনে তালারে     ছেচ্ বেচ্ 
     চালাঃ সানাঞ আপেঠেন,
মনেরে আডি   কুকলি হিজুঃ 
    বাংপে হিজু  ইঞঠেন?

 

তাঁহে নাপে    সেরমা চটরে 
       ঞেলতে তারা-তাপরা, 
গিতিচ্ কাতে   ঞেল পেয়া 
       চৗলিরে ভুগৗ  খাপরা। 

 

তাহেন সানাঞ    আপে সালাঃ 
      উপৗয় বৗনুঃ তিঞ 
ঞেল তেগে  রৗস্কৗঞ মেটাও 
       তাঁহেন একলা গিঞ।

 ======== মুচৗৎ =======