মানতান সাসাপড়াওইচ (আবোওয়াঃ কাথা)
চাকলতাড়ি ছাতা পরব - মহাদেব হাঁসদা
১৬ আর ১৭ সেপ্টেম্বর, ২০২০
কাথারেক মেনাঃ আ- " কড়াহপন হোয় কাতে জাঁহায় আযোদিয়া সেঁন্দরা বায় সেন আকানা, উনিদ এঁগাত কুখিরেগে মেনায়া। অনকাগে, কুড়িহপন হোয় কাতে জাঁহায় চাকলতাড়ি ছাতা বায় ঞেল আকাদা, উনি হ এঁগাত কুখিরেগে মেনায়া। "মানতান অনলিয়ৗ মহাদেব হাঁসদা আঃ ' চাকলতাড়ি ছাতা পরব ' ( বার হৗটিঞতে উছৗন ) পাড়হাও কাতে নেশ ছাতা পরব বাং হোয় আকান রেহঁ চাকলতাড়ি ছাতা পরব ঞেল লেকাগে রৗসকৗঞ আটকার কেদা। নুই আঃ অনলরে বাড়ায় ঞামেনা, চাকলতাড়ি দ জাও সেরমাগে ভাদর মুচৗৎরে হোয়োঃ আ। নঁডে ঞেঞেলিয়ৗ ক সোর- সাঁগিঞ খন সেটের কাতে, সারাঞিদৗ সহরায়, লাগড়্ পাতা, ডেন্টা এমান এনেজ- সেরেঞতে ক বুল কঃ আ।
পাতা তিসখন চেৎ লেকা কাতে এতহব লেনা, অনারেনাঃ অজহে লেকাতে পাঁচেত রাজরেন মিৎ পুরুধুল গমকে সোমেশ্বর লাল সিং দেও ঠেনখন বাড়ায় ঞামাকানা বাংমা (১) পাঁচেত রাজ লৗড়হৗইরে জিৎকৗর কাতে আডি দিন তায়মে রুয়ৗড় লেন খৗতির(২) পাঁচেত রাজ কাশীপুর সোর ' ছাতামাডা ' ডৗহিরে চালু কাতে, তায়মতে চাকোলতোড় ( চাকলতাড়ি) তেয় ইদি আকাদা/(৩) মানভূম সিংভূম মলভূম এমান করেন জমিদার, তরফদার ক খেত- বৗইহৗড়রে হোড়ো রহয় মুচৗৎ কাতে; সানাম ক ঞাপাম লৗগিৎতে নওয়া পাতা চৗলু আকানা। অনা সোর করেন জমিদার ক, আকওয়াঃ দাড়ে মত পাতা সৗহিজুহিরে মিমিৎ হড় মিমিৎটাং গড় ক এমঃ তাঁহে। যে লেকা: ছাতাডাং, মটা বারৗহি, মাচা খুঁন্টি, চাংড়া ডাং, চারা- মাচা কাঠ, হৗতি লৗগিৎ জম আঃ, সাদম এমান। অনা সাঁওতে ঢাক -ঢোল, ফিরি এনেজ(পৗইকৗহা) , বরকন্দাজ এমান কহ, সোর করেন কিঁষাড় হড়ক ভেজায় তাঁহে। আর চাকোলতোড় সোররেন বাউরী হড় দ, রাজ আঃ চাতম ক গঃ আগুয় তাঁহে।
নেতারহঁ পাতাটান্ডি রেনাঃ ছাতা রাকাব লৗগিৎ, পাঁচেত রাজ হপন অমিত কুমার পাল সিং; সাদমতে রাজলেকা সাজাও কাতেয় হিজুঃ আ। অনলিয়ৗ গমকেয়াঃ চাকলতাড়ি ছাতারেনাঃ নাগাম ,পাতা লৗডু লেকা হেড়েম তায়া। মেনখান অড়াঃ রুয়ৗড় কাতে, পাতা ঞেঞেলিয়ৗ ক লৗডু ক কয় লেকখান; উনকুয়াঃ তেলা দ চিনি লৗডু খনহঁ হেড়েমা। যেলেকা:হুলুয় হুলুয় হয় হিলি !ঝারঝারে দাগ আ-জত চিনি লৗডু হিলিয় লে- লৗডুরকেৎ।
.webp)
