জানাম ঋণ
 |
| জ্যোৎস্না সোরেন |
আয়ো বাবায়িচ সাধের বিটি "বেবী" অৗডি চরক ঞেল জংতে,পাড়হাও হঁ অৗডি সরেশ গে ৷ আয়ো বাবায়াঃ কাথা লেকাতে নাহাঃ কমপিটিশন রেনাঃ যুগরে সান্তাড়ি রড় দ "ডেড ল্যাঙ্গুয়েজ" লেকা ৷ আঞ্চলিক ভাষা, সেড়া কাতে কোনো ফিউচার বৗনুঃআ ৷ অনাতে সান্তাড় সাঁওতা রেনাঃ কোনো রকম হৗল চৗল গে বেবি দ বায় বাড়ায়া ,আর আচরেন আয়ো বাবা হঁ বৗকিন চেৎ কাও দেয়া ৷ মারাং বাজার রেনাঃ মর্ডান সোসাইটিরে হারা আকান "বেবী"টুডু দ পদবী তেগে সান্তাড় দ ।
অক্ত রেনাঃ নৗপিত রে দিন পারমেনা ঞেল্ ঞেল্তে ৷ আয়ো বাবারেন "সাধের বিটি" নিতদ "হায়ার পোষ্ট রে চৗকরৗন কুড়ি" ৷কাথা কাথাতে পদবী ক আঞ্জম লেখান অকালেকা চক কয়গ্ আড়গো আয়া আচ্রেন অফিস গাতে ক ৷ সানাম যোগ্যতা মেনাঃ তায় রেহঁ "এস.টি"মেন তেগিক "ট্রিট" এয়া ৷
"বেবী"য় উইহৗরা,আয়াঃ দশা ৷ বায় হোয় লেনা দিকু, বায় হোয় লেনা ইংরেজ,আর বায় হোয় দাড়েয়াদা সাঁন্তাড় ৷ আর যাঁহায় এটাঃ পৗরসি রেন কড়ায়িচ এরায় হোয় এনা..উনিহঁ আচরেন পেড়া পৗড়হৗ ঠেন দ উপুরুম বায় এম লৗগিদঃ আ ৷ "বেবী" দ নিতঃ মারাঃ ইলতে সাজ কৗহু লেকা ৷
মডার্ন কুড়ি "বেবী" আয়ো বাবা ঠেনে রুয়ৗড় এনা আয়াঃ ভূল বুঝ কাতে ৷ জানাম রেনাঃ "ঋণ" চুকৗও লৗগিৎ গুগল প্লে ষ্টোর খন "রড় চেমেদ" ডাউন লোড কাতে রড় চেৎ রেনাঃ এ রিকৗ কেদা ৷ "অলচিকি" আখর বেনাওয়িচ পন্ডিত মুর্মুয়াঃ ফটো ল্যাপটপ রেনাঃ স্ক্রিন রে...৷ "বেবী"য় পাড়হাঃকানা."জোর জোরতে...অ..অত...অগ্..অং অল...৷ আঞ্জম কাতে দৗড় অৗগু কেদা কিন আয়ো-বাবা ৷
"বেবী" আচ আয়ো বাবা সেৎ কয়ক কাতে মেন কেদায় "জানাম ঋণ’’ ইঞ হালায়েদা বাবা"৷ তায়মরে তিঙ্গু আকান আয়ো-বাবা আর "বেবী"য়াঃ মেৎরে মেৎদাঃ ৷
